(عطر الوادي)..

Part 3

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

الحياة تعني الوطن..✨❤️
والجنة تعني انتِ يا جنتي.. ❤️🌹

__________________________

مقتطفات من البارت السابق:

1_ بلش اول واحد بالتقنيص قريب ما يوصل الدور للي بصفي سمعته كال بله شلون بلوه اني ما اشوف و لازم هسه اقنص... اني من يمي كتله اني رح اقنص بمكانك بس لتخليهم ينتبهون جاوبني خوش..

2_ كالي: اشكرك لان ساعدتني لو لاك جان رجعوني و عرفوني اني عيوني مو زينه..

3_ مرت ايام التدريب وجانت احلى ايام و صرنا احنا ثلاثي اني و فيصل و مصطفى.. حتى الضابط الي علينا يسمينا مثلث متساوي الأضلاع لان كله سويه..

4_وراها اني بدات اعيش امي و خطيه هي مقصرت ويايه بشيء كبرتني وعلمتني و اشتغلت كل الأشغال المنزلية في سبيل تعيسنا وراها من خلصت هندسة ويه أمجد كمت اشتغل وياه بمحله سويه...

5_ دنمشي اني وامجد جان يفوتن بنات مبين طالعات من الإعدادية وجان اكو بنيه ما شاء الله تخبل... بحيث صايره حمره من الحر و محجبة...

6_ ام أمجد: كووم وليدي.. ترى اتفقت اني و خالتك انو الثلاثاء هو عقد هو مشيه على بنت خالتك..

7_ مشت الايام و صار يوم الثلاثاء و الكل مخبوص بيه و خطيه امي طايره من الفرحه رحنا مشينا على بنت خالتي و عقدت عليها...

8_ اكلك اني رح انطيك هذا مفاتيح بيت جدي الي جنت عايش اني بي اريدك انت تروح طل عليه اني ما اريد اروح بعد لهناك اتاذه اذا رحت.. لذلك اذا صار عليه شيء هذا البيت محلل و موهوب الك حلالاً طيبا طاهرا وهاك هذه عقد البيت وهذا تمليك بأسمك..

9_ اتصلت على أبويه و كتله رح يوصل الكم اخويه الثالث اريد امي تهلهل من يوصل الكم و بالتشيع مالته... كالي: لا تخاف وليدي هذا ابني الرابع...

10_ خلوني رئيس على الي يفكون المتفجرات لان شافوني سريع و عندي نباهه بكل شيء..

__________________________

Part 3

اجاندا... دخلوا علينا المسلحين و لابسين من فوك ليجوى اسود.. جانوا واكفين بالباب بعد منكدر نشرد ومحاصرين من كل الجهات..

أبويه كال لواحد بيهم: منو أنتو فهمونا و خلينا نروح بحال سبيلنا ارجوك...

المسلح: اصمت ايها الكافر اسحبوا النسوه إلى الخارج و اخذوا هذه البنت الجميلة معنا هههههااااايييي...

اجاندا.. اشر عليه و اني متت بدمي و احس كأنما الشيطان ديحاجيني كلش ارعبت... فجأة سحبونا اني وامي خارج بيتنا..