(عطر الوادي)..

Part 22

ورجعت الكم بقصة (عطر الوادي)..

#الكاتبة_نمارق_الاسدي

#الكاتبة_N

لو كان بيدنا تغير اقدارنا..🥀💔✨
لغيرنا جميع الأقدار التي كتبت لنا...💔✨
الأقدار التي جعلتنا شبه انسان..🥀✨
اجساد بلا روح...🥀💔

____________________________________

Part 22

...........................

صافنه و حاطه ايدي على خدي منتظره يجي دوري علمود ادخل للدكتورة اليوم اول يوم الي وياها.. امي كاعده بصفي و اني كل شويه الزم ايدها لان احس بخوف من الكل احسهم يردون ياذوني مقبلت اروح للدكتورة اذا امي مو ويايه اصلاً بالبداية كنت اريد ابويه ويايه بس هو مكدر يجي عنده شغل اجتي امي ويايه.. و همه خطيه امي و ابويه كلش متعاطفين ويايه و مرات اضوج من هذا التعاطف لان احسه شفقه على حالتي و موتي و سمي اذا احد هيج عاملني.. اريد احجي ويه الدكتوره لان اني قررت انو احجي للدكتورة كل الي صار ويايه لان اجاندا كالتلي اذا حجيتي الي بقلبج من هموم رح تروح و تخلصين منها اني هم كلت اسوي مثل مال كالت اجاندا يمكن اتخلص من كوابيسي الي مفارقتني حتى و اني مسافرة...

السكرتيرة: Miss Maysa, it is your turn to enter the doctor

ترجمة (انسة ميساء. حان دورك لدخول إلى الطبيبة)..

ميساء.. سمعت صوت السكرتيرة اشرت الها براسي بالموافقه.. وكمت دكيت باب غرفة الطبيبة اخذت شهيق و زفير سمعت صوت الطبيبة تاذن الي بالدخول...

دخلت للطبيبة صارت رجفة بجسمي ما اعرف شنو سببها بس حسيت بخوف مو طبيعي.. اشرت الي اكعد على كرسي مخصص.. اجت هي كعدت يمي كالتلي..

الطبيبة:What language would you like to speak?

ترجمة:( بأي لغة يعجبكِ ان تتكلمين)..

ميساء: Why? Do you know that I am an Arab?

ترجمة:( لماذا؟ هل تعلمين بأني عربية؟)..

ملاحظه.. (الطبيبة من مصر عدها جنسية البلد الي همه بي و حاصله على دكتوراه من جامعة(...) وهي دكتوره مشهوره ساعدتهم بايجادها المنظمات الإنسانية و رح يكون كلام الدكتورة باللهجه المصريه)..

الطبيبة: أهلا وسهلا يا أنسة تفضلي...
حضرتك عرائية

ميساء: أجل نحن عراقين وليتنا لم نكن عراقين...

الطبيبه: ليه تئولي كدة العرائين كلهم كدعان.... على عموم حضرتك مستعدة...

ميساء: ايييي مستعدة..

الطبيبة: تحبي تبدئي من فين....

ميساء: رح اعرفج عن نفسي.. اسمي تعرفي ميساء عمري دخلت ب21 سنه خلصت دراسة للسادس اعدادي ما كملت جامعة.. عائلتي متكونه من امي و ابويه و اخ واحد صغير و اني.. ابويه الله مفضل عليه بالمادة لكن كنا كاعدين بوادي سنجار هناك اهل ابوي عدهم بيت و احنا اخذنا و كعدنا بي...