عند أمنية قلقت من نومها علي صوت حركة في البيت ، طلعت من الاوضه بتوتر وبتحاول تفهم ايه اللي بيحصل .. بصت في الصالون وفي الاماكن اللي الصوت كان جاي منها ملقتش حاجه !
لفت انتباهها ورق علي التربيزه مكنش موجود قبل كده قربت مسكتهم وبتبص تشوف اللي فيهم لقتهم تذاكر طيران للمالديف
- وضعت كفها علي فمها بسعادة وابتسمت وقالت : غيث (بصت حواليها تدور عليه لقته واقف وراها ومبتسم ، راحت ناحيته وحضنته) : وحشتني اوي
- قربها منه اكتر : وانتي وحشتيني انتي وحبيبة بابي
- حاوطت رقبته بايدها وبصتله : هي حبيية بابي فعلا
- ضيق عينيه بشك : يعني ايه !
- ابتسمت : يعني انا روحت للدكتورة وقالتلي انها بنوته
- ابتسم جامد : بجد ! ( قعد علي ركبه وحط ايده علي بطنها ) روح قلب بابي
أمنية ضحكت وحطت ايدها علي راسه بتلعب ف شعره .
*******
عند هانيا صحيت وغيرت هدومها ودخلت لهشام اوضته تصحيه ، لقته قالع التيشرت بتاعه فزفرت بخجل و اتنهدت وقربت منه بهدوء : هشام .. هشااام
لقت المنبه بتاعه بيرن بس بردو مبيصحاش فقربت الموبايل ع ودنه بالظبط فبدا يصحي : ايه ! في ايه
- الساعه 4 يلا قوم
- لف واداها ضهره وقال بصوت نعسان : يرولا سيبيني شويه
- اتسعت عينيها بغضب وخبطت علي ضهره بقوة وصاحت بغيرة : مين ؟ قوملي كده ! مين رولا دي (مردش ومتحركش)
صعدت الي الفراش واقتربت منه لتوقظه ، ف التف اليها في حركه مفاجئة واسقطها واستند بيديه علي الفراش فاصبحت محاصره بين جسده من فوقها وذراعيه علي جانبيها
اخرجت انفاسها بصعوبة ونظرت لعينيه ف ابتسم : بفكر اسامحك دلوقتي
- عل علي اا ايه
- ممم علي ايه .. علي وقوفك مع المخرج بالمنظر ده
( انخفض بجسده قليلا وطبع قبلة علي وجنتها اليمني ) ثم عاد لموضعه مرة اخري "كإنه بيلعب ضغط يعني كده" واردف : علي عدم رجوعك البيت لوقت متاخر من غير ما تعرفيني انتي فين ( وعاد حركته مرة اخري بطبع قبلة علي وجنتها اليسري ) علي طلبك الطلاق وتفكيرك اني هسمحلك تبعدي عني ( ثم قبل شفتيها في حركة سريعة وابتسم وتابع ) : بحبك
- ابتسمت ببلاهة ولكن استوعبت موضعهما ف ابعدته وخرجت ثم عادت مرة اخري بعد لحظات ونظرت من خلف باب الغرفه وابتسمت : وانا كمان بحبك .. اجهز بسرعة بقا متتاخرش
******
عند خديچة صحيت وراحت علي الشركة قبل ما تدخل وقفها شخص فبصت ناحيته وقالت بإستغراب : انت تاني !
@ ابتسم : المره دي عاوزك ف شغل
- في ف الشركة نظام واكيد مش انا اللي باخد الاوردرات ، تقدر تشرفنا ف اي وقت والموظفين المسئولين عن ده هياخدوا طلباتك ويبلغونا بيها
- ما شاء الله عليكي دخلتي علي طول ف مود البيزنس woman الاسترونج الجامده جدا
- غمضت عنيها ثواني بعصبية : علي فكره حضرتك بتضيعلي وقتي ومعطلني ، عن اذنك
- كانت ماشيه فجري وقف قدامها : استني بس .. انا بحبك ومستعد اخد خطوة جد كمان لو تحبي
- ابتسمت جواها علي جنانه لكن رسمت الجدية وبصتله من فوق لتحت ودخلت الشركة وسابته
******
عند هانيا وهشام وصلوا الفندق
هشام : لو سمحت كان في حجز بإسم هشام الدمنهوري
موظف الاستقبال : ثانيه واحده (بص علي البيانات اللي قدامه) اه تمام اتفضل يا فندم (اداه كارت واحد لاوضة واحده وورقة عشان يمضي) كمل بيانات حضرتك هنا
هشام : تمام ، بس هي اوضه واحده ولا ايه !!
- اه يا فندم الحجز كان اوضه واحده بس لاتنين
- هانيا بصدمة : ايه !!
- هشام بصلها : استني يا هانيا بس ( بص للموظف تاني) اتأكد كده تاني
- ( بص للحجوزات مرة تانيه) اوضه واحده يا فندم ، تقدر حضرتك تتاكد من الحجز بنفسك
- هانيا : طب مفيش اوضة كمان فاضيه ينفع ناخدها ؟
- لا للاسف احنا في اجازة والفندق مليان
- هشام قاطعهم : يلا ي هانيا
- يلا اي هنقعد ازاي ف اوضة واحدة !
- يلا بس نطلع ونشوف بعدين
- ردت بعصبية : مش هينفع يا هشام
- اردف بصرامة وهو يشير لها بعينيه حولهم : هانيا المكان مش مناسب نهائي للنقاش دلوقتي .. يلا
أنت تقرأ
حلم سنين
Romanceلن تستطيعَ سنينُ البعدِ ان تَمنَعُنا ، إن القلوبَ برغمِ البعدِ تتصل . لا القلبُ ينسَي حبيباً كان يعشَقه ، ولا النجوم عن الأفلاکِ تنفصلُ . ونشكو بالعيون اذا التقينا فأفهمه ويعلم ما أردت . أقول بمقلتي أني متُ شوقاً ! فيوحِي طرفه أني قد علمتُ ، فمن يس...
