قعدت معاها جميلة تمسحلها على شعرها..
-جميلة: احكيلي همك بنتي فرغي.. ماتخليهاش في قلبك..ديريني كي يماك..
شمس على كلمة ديريني كي يماك زادت قوات فالبكا حضنتها وتحكي وكل ما تحكي تقوي فالبكا وتشهق..
حست بيها جميلة وقالتلها من اليوم ديريني يماك الحاجة لي تخصك راني هنا..
-شمس: يعيشك خالتي جميلة..
فاتت ليام وشمس بدات تتحسن وبدات ترجع لطبيعتها المرحة.. اميرة من اول ماتعرفت عليها حبتها ودخلت لقلبها ورجعو صحابات..
في نهار بدات شمس تحس في روحها كترت عليهم.. وخممت انو لازم دير حل .. خممت انو تحكي مع أمير وتقلو رايها.. وهو انو تخدم عندهم فالدار.. وادا ماقبلش راح تخلي الدار وتروح..
راحت لبيروه دقدقت..
-أمير: وي..
-شمس: (فتحت الباب شويا وطلت).. نقدر ندخل؟ عندي هدرة معاك..
-أمير:وي تفضلي..
-شمس: بصراحة راني حاسة روحي ثقلت بزاف عليكم ونتوما ربي يحفظكم قمتو بيا بالزيادة.. صح انا ماعنديش وين نروح بعد ماطردتني مرت عمي.. علابيها خممت انو نخدم هنا مع خالتي جميلة ..
-امير: مش لازم عليك شمس.. والتخمام تاع ثقلتي علينا نحيه من بالك..
-شمس: تعيش ماتحرجنيش.. احسن حل نخدم هنا والا نروح من الدار (تتشرط ياااه).. عزة نفسي ماتسمحليش نبقى هكا..
-أمير : اوكي كيما حبيتي..(خاف تروح وخاصة انو والف عليها معاهم.. هدا بواش يقنع روحو ماعلابالوش بلي بدا يطيح فيها) .. مي نسقسيك شمس..
-شمس: وي تفضل..
-امير: واش من عام حبستي القراية..
-شمس: ديت الباك وحبست.. مرت عمي ماخلتنيش نكمل نقرا وقطعتلي اوراقي كامل..
-أمير : ومش حابة تكملي قرايتك..
-شمس: حلم حياتي..
-أمير : اممممم.. اوكي.
استاذنت شمس من أمير وخرجت وهو بقا يخمم..
يادرا أمير فواش يخمم.. توقعااتكم.
أنت تقرأ
تزوجني ليحميني (مكتملة)
Horrorكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
