بقات شمس ضايعة تخمم في كلام امير هو ساعدها ووقف معاها بزاف ولازم تردلو الجميل تاعو..... وعلى هادي قررت توافق على العرض تاعو اما وفق شروطها خاطر هدا زواج ومش لعبة.... ولانو زواج مصلحة لازم يقبل بشروطها خصوصا كي اكتشفت انو مايبادلهاش نفس المشاعر....
وصلت لعشية.... لحقت شمس للدار وقبل ماتبدل قشها حتى حبت تهدر مع امير وتقلو قرارها.... طلعت لغرفتو لقاتو مكانش ولات راحت للبيرو لقاتو تما....
_شمس:(طبطبت)... احم امير نقدر نحكي معاك...
-امير: وي شمس تفضلي....
-شمس: احم.... انا موافقة على العرض تاعك مي بشروط....
-امير: وانا قابل بشروطك مهما كانو....
-شمس: اول شي زواجنا راح يكون عالورق... وتاني شي مش راح نعملو حاجة صغيرة برك تعرفني مانحبش الحس....
- امير: بخصوص مانعملو شي انا مش موافق لازم نعملو حفلة باش يكون زواجنا قدامهم حقيقي....
-شمس: اوكي... مي راح نبقاو كيما كنا من قبل شي مايتبدل في علاقتنا....
-امير: (تنهد بارتياح خاف تكون كرهتو)..... انا موافق.. ونهار الجمعة مالا راح نديرو كلش... نديرو عرس واحد مع اميرة وحسام...
-شمس: اوكي....انا نخليك درك...
خرجت شمس من بيرو امير راحت طول لبيتها تبكي حست روحها راح تخرج من الاحساس الخايب لي تحس فيه...
اما امير فهو بقى يخمم من جهة فرحان لي وافقت ومن جهة حس بخيبة امل من انها تحبو بعد الشروط لي حطتهم... اما هدا مش مشكل المهم انو يحميها....
#فوط للحلقة
أنت تقرأ
تزوجني ليحميني (مكتملة)
Horrorكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
