امير جا في بالو انو شاهين لي عمل هاد الشي... اما بسرعة نحى الفكرة من راسة...خاطر يعرف تهديداتو بلا فايدة.... اما ماعلابالوش بلي شاهين هاز حقد كبير في قلبو...
فاتت ليام وتقريبا كل يوم توصل التهديدات لأمير مع صورة شمس.... شمس فالبداية مكانتش فايقة اما منبعد بدات تلاحظ انو كاين حد يتبع فيها مي ماعرفتوش شكون... خافت انو يكون ولد عمها عرفها وين تقرا وتسكن وقاعد يتبع فيها وقالت ممكن يديرلها شي....
اليوم النهار لي راح يقلب كلشي على ابطالنا...شمس كملت قرايتها بكري وحبت تتمشى شويا على شط البحر وهي تحبو....هي ماشية حتى حست بيد غمتها على فمها دوختها.... ماحست روحها غير بدات تترخى وطاحت....نرجعو لدار أمير وقتها كانت التحضيرات قايمة لحفل الخطوبة تاع حسام واميرة... والكل كان مشغول ماحسوش لغياب شمس.... امير كان قاعد في بيروه حتى يلقى ميساج وصلو من نفس الرقم المجهول... جيست مافتحو حل عينيه مصدوم وقت شاف الصورة..... ايه صورة شمس مربوطة ودايخة وفوق الفوطو مكتوب....(مازال ليام وتشوف كتر💣💣💣).... امير من العصب لي مكنو هز التيليفون خبطو على الحيط (مسكين التيليفون راح ضحية والله غاضني😭😭😭 صاي علبالي سمطتها مانزيدش نهدر)... ماستناش أمير هز روحو ومشا وعيط لحسام....
-امير: حسام حبس كلشي وأرواح عندي للشركة خفففف....
-حسام:(مشوكي)... غير الخير واش كاين...
-امير: شمس مخطوفة ونظن الكلب تاع شاهين لي خطفها...( اه يا قلبي راح نموووت بالقنطة راهو قاتل روحو عليها... صايي سكت مانزيدش🤐🤐🤐)...
-حسام: اوكي راني جاي ماتقلقش روحك استهدى بالله واستغفر...
كوبا أمير على حسام وعيط لواحد يعرفو وطلب منو يعرف صاحب الرقم هدا... اما حسام عيط لاميرة خبرها كلشي خلاها مشوكيا في حالة...
فالدار جميلة راحت تجري وقت سمعت اميرة تبكي على صحبتها...
-جميلة:(مخلوعة)... بنتي اميرة غير الخير واش بيك كاشما قالك حسام...
-اميرة: ش....شمس مخطوفة😭😭😭
-جميلة: كيفاش هدا مخطوفة بركي ماتمسخير درك تجي اي تقرا برك...
-اميرة: خالتي جميلة راهو حسام قالي اهئ اهئ...
جميلة كي سمعت طاحت على الكرسي تبكي على حال بنتها شمس هي تعلقت بيها بزاف وحبتها كانها هي لي ولدتها.....
#فوط للحلقة
أنت تقرأ
تزوجني ليحميني (مكتملة)
Terrorكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
