أنت تقرأ

تزوجني ليحميني (مكتملة)

Terror

كرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق

#حب #عذاب #غيرة

الحلقة 12

1K 32 0 
                                    

                                              
اليوم نهار جديد... وأحداث جديدة على أبطالنا... كل واحد يفوت في وقتو مش عارف الدنيا واش مخبيتلو....نسرعو شويا فالاحداث...
وصل نهار الجمعة ... حسام وأمير فالبيرو يوجدو فالاوراق تاع الصفقة باش يسافرو حاطين معاها قلب ورب... كيفاش مايتعبوش عليها وهي صفقة في قمة الأهمية بالنسبة لشركتهم واللي راح تخليها ياتطلع وتولي اقوى شركة ولا تهبط ادا خسرو فيها وتخليهم يرجعو لنقطة الصفر...
-حسام: كلش واجد درك نتاكلو على ربي...
-امير: ايه نتاكلوعلى ربي... طيارة نجاح شركتنا راهي تستنى فينا...
امير كانت عندو ثقة فنفسو وفي خدمتو خاطر جامي خسر صفقة...
بعدما وجدو كلشي مشاو مع بعض ركبو فالطيارة وديراكت لباريس وين راح ينعقد الاجتماع....
وصلو لباريس ريزارفاو في اوتال باش يرتاحو... ويكونو واجدين مليح لاجتماع الغد...
نرجعو لشمس لي فوتت نهار الجمعة بين خدمة ومراجعة لقرايتها باش تفهم الدروس لي ماقدرتش تفهمهم.... وفي نفس الوقت قلبها ينغص فيها من روحت أمير... حاسة روحها ماراحش تشوفو بعد اليوم....
القلب وقت يحب ويعشق يحس باللقاء والفراق وادا الحبيب فرحان ولا يتوجع... وشمس بعد ليام لي عاشتهم مع أمير ولهوتو بيها رجعت تحبو وماتقدرش على فراقو.
تزوجني ليحميني (مكتملة)حيث تعيش القصص. اكتشف الآن