تزوجني ليحميني (مكتملة)

الحلقة 1

قاعدة على شط البحر تتفرج مع قرص الشمس لي بدا يغيب وكأنو قاعد يغرق وسط البحر.. مش حاسة باللي الشمس قاعدة تغيب والدنيا بدات تظلام.. تايهة تخمم فالخمس السنين لي فاتو عليها.. سنين كلهم قهر ووجيعة.. خمس سنين ماذاقتش فيهم طعم الفرحة.. كيفاش تفرح وهذاك النهار المشؤوم مازالو بين عينيها.. نعرفكم على بطلتنا 
#شمس .. شمس طفلة عمرها 21 سنة عندها زين مش نورمال عينيها كي عينين الغزالة لونهم اسود وكبار شفار طوال ونظرة حادة تذبح ..شعر طويل واسود ليل.. انف منحوت ومقدود حاد وشوارب صغار معمرين يشهو.. لاطاي تاعها ماطويلة ماقصيرة محجبة .. ديما تضحك تحب الناس كامل والناس كامل يحبوها تعاون لي يحتاج مساعدة وماتخممش في روحها.. ديما زاهية اما هدا مجرد قناع باش تخبي حزنها الكبير اللي دافنتو.. واللي حد ماعالم بواش في قلبها..
نرجعو لشموستنا لي فاقت بالدنيا ظلامت .. هزت روحها تايهة مش عارفة وين تروح بعد ماخرجتها مرت عمها من الدار.. تمشي هايمة حتى وصلت في بلاصة خالية على شط البحر ومجموعة من ليجان قاعدين على نار شاعلة ويشربو.. حتى شافوها جاية وهي مش حاسة لشي.. شافو مع بعض وتبسمو بخبث بيناتهم.. حتى نطق واحد فيهم يرمي فالكلام فيقها من سرحتها ودخل الخوف بقلبها.. - سسسس.. شبيه الزين حزين.. هيا معانا فرحنا ونفرحوك..
تلمو عليها كي الذيوبا يرمو فيها بيناتهم وهي تفارع فيهم وتعيط .. والبلاصة خالية وحد مسامعها.. تعيط وتفارع حتى حست بيد قاعدة تجبد فيهم وتضرب حتى هربو كامل.. وقبل ماتخزر مع لي سلكها طاحت متغاشية..