تزوجني ليحميني (مكتملة)

الحلقة 20

وصل الوقت لي يتلاقاو فيه..... وصل عندها لقاها تستنى فيه فالكافيتيريا.... خمس عليها وقعدو.... امير كان متوتر مش لاقي الكلام باش يبدا.... نطقت شمس...
-شمس: أمير غير الخير قلت انو عندك هدرة معايا...
-امير: بصراحة شمس مالقيت منين نبدا...
-شمس: أمير احكيلي واش كاين تبان مقلق....
- امير: شمس.... تقبلي تتزوجي بيا....
شمس تشوكات من الطلب تاعو مالقات واش تقول من جهة فرحت ومن جهة بقات تخمم علاش طلب منها الزواج....
-شمس: ك....كيفاش ن....نتزوج بيك....
-امير: بصراحة الهدرة خرجت علينا انا وياك بلي عايشين مع بعض في علاقة غير شرعية وهاد الشي يضر سمعة العايلة والشركة ولازم نتزوجو باش نسكتوهم....
-شمس: اووو معناها هدا هو السبب لي خلاك تتقدملي...
وانا مش راح نقبل بزواج كيما هدا...
-امير: شمس خمي مليح قبل ماتعطي جوابك على الاقل اعتبري زواجك مني رد جميل على مساعدتي...
-شمس: ماتوقعتش انو انت تاني راح تستغلني باش تحمي سمعتك بلا ماتخمم فيا.... فالدنيا هادي كل واحد يخمم في مصالحو حاجة ماتتقدم بدون مقابل...
شمس خلات أمير وراحت او بالاحرى هربت منو وراحت ديراكت للحمام حست روحها راح تتخنق وهي تحكي معاه... مع وصلت للحمام ولات تبكي فرغت قلبها... امير كسرلها قلبها خاصة وهي رجعت تحبو
نرجعو لأمير لي حس روحو ضايع حس روحو مش راجل وهو يساوم فيها... مي الشي هدا كامل باش يقدر يحميها...