فاتت السمانة ولحق نهار الجمعة..... طول هاد المدة امير مالحقو حتى تهديد.... دار في بالو انو شاهين ماعادش راح يدور بيهم....اما شاهين كان يحضر فالخطة تاعو باش يدمرو هو كانت خطتو انو يقتل امير وبعدها يخطف شمس....وتكون ليه.... كملت التحضيرات تاع العرس وبداو المعازيم يجيو غير لي لفوق والخدم يجرو منا ومنهيه وامير لي زعما عريس ماهناهش قلبو خاف تكون حاجة ناقصة ماتهنى غير كي طمنتو جميلة...
-امير: خالتي جميلة كلش مريڨل؟؟ مانحب حتى حاجة تكون ناقصة...
- جميلة: ماتقلقش روحك ياولدي كلش راه في بلاصتو راني انا وعمك جابر واقفين على كلش(جابر هدا العساس)....
-امير: يعطيك الصحة خالتي جميلة هنيتيني....
طمن امير على كلش وراحو هو وحسام يوجدو رواحهم.... اما شمس واميرة جاتهم الحفافةللدار.... شمس لبست غوب بلونش باربي مع خيمار وماكياج سامبل مع هي زينة خرجت تهبل... واميرة لبست غوب بلونش جاية سير طاي وشعرها دارتلو بابيليز هي تاني خرجت بوبية مش اقل من شمس فالزين.... اما حسام وامير لبسو كوستيمات كيما بعض نوار وشوميز بيضا وڨ
بابيون غوج جاو يهبلو كي السبوعا...
شويا هكا كملو لبنات وخرجو من الشومبرا لقاو عرسانهم يستناو فيهم... امير وحسام وقت ماشافوهم بهتو فيهم وفي زينهم....شدو في يديهم وهبطو...حسام يهمس في ودن اميرة...
-حسام: جيتي تهبلي عمري.... وجدي روحك اليوم ليلة حمرا هههه....( منعرف الرجال علاه مسوفجين ومايحشموش)...
-اميرة: (حشمانة).... احشم علينا مسوفج هدا☺☺☺
اما امير تربط لسانو من زين شمس مالقى حتى تعبير غير انو يسلم على راسها....شمس هبطت راسها حشمانة للحضة عينيها تعمرو بالدموع تمنات لوكان والديها معاها...
#فوط للحلقة
أنت تقرأ
تزوجني ليحميني (مكتملة)
Horrorكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
