ثاني نهار ناضت شمس ناشطة على غير العادة..غسلت وجها.. لبست قشها دارت خيمارها ..صلات صلاتها وهبطت.. لقات جميلة فالكوزينة توجد فالفطور.. باستها وحضنتها.. ضحكت جميلة وقالت..
-جميلة: اووو بنتي الزينة راهي فرحانة اليوم..
-شمس: ايه يا خالتي جميلة راني بزاف فرحانة.. أمير قالي بلي راح يديني اليوم نسجل فالجامعة باش نقرا..
-جميلة: ألف مبروك بنتي فرحتلك من قلبي..
-شمس: يعيشك جمولتي...
وجدت شمس الفطور مع جميلة.. ومبعد طلعت نوضت اميرة باش تروح تقرا.. وموراها فاتت للشومبرا تاع أمير باش تنوضو... يخي لقاتو فاطن ... كان لابس سروال سيرفاتمو وصدرو باين وهادوك العضلات يا يما يا يما طابلة شيكولا.. غاست شمس معاه للحضات.. وهو بقى يشوف مع عينيها الكبار والحادين والفرحة لي ماليتهم.. فاقت شمس على وضعها تلبكت وخدودها حمارو..
-شمس: احم ... ج...ي...ت باش ن...نوضك..الفطور راه واجد
-امير: مرسي شمس .. راني نضت ديجا..
هبطت شمس تجري فالدروج هاربة منو وجها راح يطيخ بالسخانة..
-شمس: اووو واش بيا أنا هبلت فواش نخمم.. انا وين وهو وين..
هبط أمير وتلمو على طاولة الفطور باش ياكلو...
-امير: أميرة... شمس... راكم واجدين..
شمس واميرة مع بعض : ايه رانا واجدين..
-امير: هيا مالا طيرو قدامي باش مانتوخروش...
ركبو فالطوموبيل ومشاو.. شمس طريق كامل وهي تغني مع اميرة فرحانة لي راح تكمل قرايتها... اما أمير واش نحكيلكم عليه طريق كامل وهو يسكت فيهم صرعوه بأصواتهم العالية .. كون حتى جاو أصواتهم ملاح...
بعد مدة وصلو للجامعة.. لي راح نسجل فيها ولي تقرا فيها اميرة... دخلو سجلت شمس كيما حبت وكانت مقبولة... وكي كملت ودعت اميرة ورجعها للدار..
-امير: شمس.. عندي مبعد ليك سوربريز راح تعجبك..
-شمس: واش هيا...
-أمير: ياك قلنا سوربريز... انا نخليك نروح نخدم مبعد ان شاء الله... اوكي ..
-شمس: اوكي ... ربي يعينك...
ديمارا أمير للشركة وشمس تبعاتو بعينيها حتى غاب.. 🌹توقعاتكم لبنات في رايكم واش هي السوربريز لي راح يديرها أمير لشمس...🌹
أنت تقرأ
تزوجني ليحميني (مكتملة)
Hororكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
