تزوجني ليحميني (مكتملة)

الحلقة 14

-هو: زيييييينة..... وتبسم بخبث...
-شمس: (خافت).... خويا تحكي معايا...
-هو: ايه نحكي معاك.... معليش نتعرفو..... انا شاهين ونتي...
-شمس: سامحني خويا مانعرفكش... ومانحبش نعرفك.... خايفة وتحاول تهرب من نظراتو لي كلها خبث ومارتحتلهاش....
-شاهين: علاش الزين.... قلقناك...
شدو أمير من اللور على كتفو....
-امير: ايه... قلقتوه مراكمش تشوفو في رواحكم بلي ثقال فالحفلة هادي على الناس الكل....
-شاهين: اووو بن العم ماعلابالناش بلي كاين هنا لي يكرهنا....
- امير: شاهين.... خير واختار تخرج من هنا بالمليحة ولا نخرجوك كيما نحبو هنا....
-شاهين: اوكي راح نخرج.... وقرب لودنو.... اما الزين عسو مليح... تخاف يدوقوه قبلك.... باين من عينيك بلي طايح لوف... وضحك ضحكة شريرة....
امير تمالك نفسو ماحبش يعطيه ببونية وماحبش يفقد اعصابو قدام الناس ولا عيط للأمن خرجوه...
نرجعو لشمس لي عينيها مليانين خوف من اللي قاعد يصير خافت انو يضاربو بسبتها.... او بالاحرى خافت على أمير... ماحبتش يصيرو مشاكل بسبابها... اما كي شافت شاهين خرج تنهدت بارتياح....
)شاهين هو ولد عم أمير كانو شركة مع بعض اما شاهين عندو نسبة كبيرة من الأسهم فالشركة ...بعدها فاق بلي شاهين قاعد يتلاعب بالصفقات واوراق الشركة ويسرق دراهم... وهدا لي خلى أمير يطردو من الشركة بعد ماعطاه حق الأسهم... ومن وقتها شاهين يتوعد انو ينتقم.)
خرج شاهين يتبسم من الحفل خاطرو عرف نقطة ضعف أمير واليد لي توجعو.... وبدأ يحبك فالخطة تاعو ويرسم فيها بكل دقة.....