تزوجني ليحميني (مكتملة)

الحلقة 25

الحلقة الأخيرة:
حسام راح يجري مورا الرجل الملثم حكمو بصعوبة لقاه شاهين....ولي جات الشرطة داتو.... اما شمس وقت طاحت على يد امير همستلو:
-شمس: ن.... نحبك امير.....
وغمضت عينيها.... اما امير مش عارف كيفاش فاق مع روحو وهزها طول لسبيطار.... مافاقش بالطريق كيفاش حتى فاتها ووصل كان همو غير يلحق حبيبتو....
- امير: شمس تعيشي ماتموتيش خليك معايا نحبك شمس والله نحبك....
اميرة وحسام وجميلة لحقوهم..... اميرة وجميلة طول الطريق يبكيو خايفين على شمس.... جميلة خايفة تفقد بنتها.... واميرة خايفة على صحبتها..... اما حسام قد ماحاول يهديهم ماقدرش....
نرجعو لامير لي غير ماوصل خطفوها منو ودخلوها لغرفة العمليات.... خلطو عليه حسام وجميلة واميرة.... حسام طول الوقت مع صاحبو يواسي فيه.... عارف انو يحبها ويعشقها....
-حسام: وسع بالك امير شمس قوية وراح ترجع....
- امير: (خانوه دموعو قد ماحاول يشدهم ماقدرش).. خايف نخسرها يا حسام خايف نخسرها هي رجعتني للحياة ودرك راح تزيد تروح وتقتلني ونرجع ميت من جديد....
بعد مدة خرج الطبيب من غرفة العمليات....
-امير: دكتور طمني.... - الطبيب: اصابتها كانت صعيبة بالسيف ماخرجنا الرصاصة وللاسف هي دخلت في غيبوبة ماعليكم غير تدعولها ربي يجيب الشفا....
امير وقت سمع كلام الطبيب طاح على رجليه يعيط بالصوت على حبيبتو لي راح ضيع من بين يديه... حالو مهدود خايف من خسارتها
فات شهر وشمس مزالها في غيبوبة... دخل عندها امير لي حالتو حالة تبدل رجع مذبال ماياكل مايشرب مايرقد غير يستنى فيها وقتاش تفيق....قاعد عند راسها يحكي....
- امير: شمس حبيبتي.... نوضي ماتخلينيش وحدي راني نحبك.... ارجعيلي شمس...
بدات شمس تحل في عينيها بشويا لقاتو حاط وجهو بين يدها.... هزت ليد التانية حطتها على راسو...
-شمس: أ.... امير....
هز راسو لقاها فاقت.... من الفرحة مافاقش بروحو كيفاش باسها....
-امير: شمس حبيبتي رجعتي نحبك والله نحبك ونعشق فيك..... نحبك ياعمري
شمس تبسمت وفرحت لي لقاتو يبادلها نفس المشاعر....
بعد يومين تحسنت شمس وخرجت من السبيطار..... امير كان لاهي بيها وماخلاهاش وحدها حتى برات.... برات شمس وعرفت بلي امير يحبها ودرك هو خايف انو يعمل خطوة ويقربلها ويندم من بعد هي جيست قاتلو نحبك وقت تصاوبت ومش عارف ادا صح ولا لا....
اما شمس حست انها زودتها ولازم تفرحو والليلة خممت ديرلو مفاحئة
لحق الليل ورجع امير للدار.... لقاها ظلمة وحس شمس مكانش خاف عليها... طلع يجري للبيت..... وقت حل الباب تصدم..... لقى شمس لابسة نويزات غوج... والبيت مزينة بالورد والشموع.... قربت ليه باستو على خدو وهمستلو...
-شمس: نحبك ونموت عليك امير....
امير كي سمع كلامها فرح زاد شاف مع لبستها وجسمها لبيض سخن وهاج.... ديراكت رفدها وحطها فوق السرير.....
-امير: ماتخافيش عمري راح نسايسك....
لبنات غمضو عينيكم عيب....
بعد شويا حست شمس بحاجة هبطت عليها وامير ناض من فوقها وباسها على جبينها.....
-امير: مبروك عمري وليتي مرت امير عبد الله بالفم والملا... شمس حشمت حضنتو ورقدو ................................
بعد عام......
-شمس: امييييير ....نوض يالحمار راني راح نولد نووووض..... وضربتو برجلها طيحتو
امير :مسكين ناض مخلوع .....غير الخير حبيبتي ااااا تنفسي شهيق زفير....
- شمس: يالحمار اديني لسبيطار ماتعلمنيش واش ندييير .....
امير مش عارف كيفاش هزها وطار بيها للكلينيك.... بعد ساعتين ولدت شمس وجابتلو بنوتة تهبل سماوها رحيل... اما حسام واميرة صار عندهم طفل وسماوه جواد....
اميرة تخرجت ورجعت تخدم مع خوها وراجلها فالشركة... اما شمس اليوم حفل التخرج تاعها.... ورجعت طبيبة نساء وتوليد..... فتحلها امير عيادة خاصة بيها.... واليوم شمس راهي حامل بولدهم التاني في كرشها طفل قريب تولد....وامير راح يهبلها رجع حتى هو كي البيبي الصغير نهار كامل يدلل عليها هو وبنتهم رحيل.... اما حبهم كل مايكبرو يزيد يكبر معاهم....
#النهاية.....
🌹🌹🌹🌹🌹🌹🌹