لقاها أمير رقدت في حضنو رجعها لبلاصتها وغطاها... قبل وباسها على راسها... بقى لحضات يشوف معاها... عينيها منفوخين من البكا وجها صفر وتاعب.. تنهد من قلبو وخرج...
طلع الصباح والشمس نسجت خيوطها على الكرة الأرضية... فاقت شمس تتكسل في فراشها... تفكرت لي صار البارح عينيها دمعو... اما بسرعة رجعت مسحتهم.... وتفكرت بلي اليوم اول نهار ليها فالجامعة... تبسمت بفرح... وناضت ناشطة غسلت وجها لبست قشها صلات وهبطت... لقاتهم يفطرو... هبطت تجري وتسب في روحها لي ناضت روطار وماعاونتش جميلة...
-شمس: ص...صباح الخير جماعة ... سامحوني .... نضت روطار.... سامحني مس... قصدي أمير... مانزيدش نعاود...
ضحك أمير عليها وعلى تصرفاتها الطفولية... وهي كي شافتو ضحك تاهت مع الضحكة تاعو اول مرة تشوفو يضحك...
قالت بينها وبين روحها وعينيها قلوب ايييييي الضحكة تاعو تهبل تجلط تقتل 😍😍😍😍😍😍😍 اما ماعلابالهاش بلي هدرتها بالصوت وسمعوها واش قالت... فاقت مع روحها وضربت راسها جات تهز راسها لقاتهم يشوفو معاها... وتفلقو كامل بالضحك... هي خدودها رجعو طمطومات من الحشمة وراحت تجري للكوزينة تبرد في روحها وتلعن في لسانها لي فاضحها وتفكيرها الغبي...
لحقها أمير للكوزينة...
-امير: اممممم.... مالا الضحكة تاعي تهبل تجلط تقتل...وغمزها...
شمس بقات حالة فمها وعينيها مشوكيا....
- امير: اووهووووو فيقي هيا خفي راح الحال باش تقراي...
خرج يتبسم على هبالها... مهبولة وراح تكمل تهبلو معاها...
أنت تقرأ
تزوجني ليحميني (مكتملة)
Horrorكرونيك جديدة فيها حب ❤❤😍😍 غيرة.. حزن💔💔.. لقاء 💏💏💏 وطبعا بلا ماننساو شويا انحراف 🔞🔞🔞🔞🔞..كرونيك كلها تشويق
