حاولت بشتى الطرق أن تستوعب ما قالته ياسمين لكن ابي عقلها التصديق لتنفجر في البكاء كالشلال ، بدأت تشعر بالبرودة تجتاح اطراف جسدها لتنظر لأحمد بشرود وهي تترك هاتفها ليسقط ارضا .
انتبه لها احمد ليقترب منها قائلا : آسيا في ايه مالك ....وشك اصفر كده ليه ؟؟
نظرت له بعيون زائغه وهي لم تعد تشعر بأطراف جسدها ليزيد شعورها بدوران كل شئ حولها لتسقط ممدده علي الأرض الصلبه بعنف ، اسرع احمد نحوها ليتفقدها بيده وهو يشعر بالقلق الحقيقي : اسيا. ..ردي عليا ...اسيا..يااااعمي...ياام محمد.
اخذ يضرب بيده علي وجه اسيا برفق علها تستفيق قبل دخول والديها سريعا ليجدوها ممدده أرضا فاقده للوعي تماما.
اسرع والدها بحملها ثم اخذها نحو غرفتها ليضعها علي فراشها برفق ثم وجهه حديثه لأحمد قائلا : اسيا حصلها أي ياابني ...أغمي عليها ازاي ..
احمد بقلق : صدقني معرفش ياعمي ..هي كانت كويسه وكان معاها مكالمه وفجاه حصلها كده.
اقترب والدها ليجلس جوارها ضامما إياها بحب ليتنحنح بعدها برجوله قائلا : تمام ..معلش يا احمد روح انت وهي ان شاء الله بكره لما ترتاح هتكلمك.
احمد بتفهم : اكيد ياعمي طبعا والف سلامه عليها متقلقوش هي اكيد تعبت من اليوم الطويل وحفله الخطوبه .يلا مع السلامه.
عادل : ان شاء الله ياابني مع الف سلامه.
***************
محت ياسمين دموعها بقلق وهي تنظر علي الهاتف بحيره بعد أن انقطع الاتصال فجأه بعدما سمعت صراخ آسيا وبكائها بهستريا ، لعنت نفسها علي تسرعها واخبارها بتلك الطريقة لتقول بلوم : مكنش لازم اقولها بالطريقه دي ....انا لازم اتصل اطمن عليها.
التقطت هاتفها مرة أخرى وضغطت علي بعض الارقام ليأتيها اجابه من الطرف الآخر لتتحدث بتوتر : االو ...ايوه ياطنط ... آسيا فين !؟
وفاء: ايوه يابنتي ... اسيا تعبانه شويه ونامت.
ياسمين بقلق : طيب هي كويسه ...اصل ...اصلي يعني كنت بكلمها وفجأة الفون فصل واتصلت عليه لقيته مقفول.
تنهدت وفاء بحزن : والله يابنتي مش عارفه حصلها ايه ...احنا سمعناها بتبكي وبعدها احمد نادي علينا...جرينا لقيناها مغمي عليها....انتي كنتي بتكلميها..متعرفيش مالها.؟!
توترت ياسمين بشدة: اصل ...الصراحه يعني ..
وفاء : قولتلها اي يا بنتي ...طمنيني ربنا يطمنك.
ياسمين بحزن : انا قولت لها أن زياد حصله حادثه وللاسف هو مات ...ربنا يرحمه ويجعل مثواه الجنه.
شعرت وفاء بالصدمة : ان لله وان اليه راجعون ...ياحبيبي ده في عز شبابه ...ده كان صاحب محمد ابني اوي ..ربنا يرحمه يارب ...
الله طيب هي تزعل كده ليه ويحصلها كده ...اللي اعرفه إنها كانت معجبه بيه بس ..
ياسمين : ما هو ..يعني ..
وفاء باانفعال : مخبيه ايه عليا يا ياسمين ..كان في ايه بينهم ؟
ياسمين : معلش ياطنط لازم اقفل ..والدي بينادي عليا ..بعد اذنك مع السلامة !
وفاء : الوو...بقي كده يااسيا انتي وصاحبتك اما اشوف اخرتكم ايه ؟!
أنت تقرأ
صراع من اجل الحب
Romanceفتاة غلبت على أمرها بعد إجبارها علي الزواج من ذلك الذي قتل من أحبته. لتختار الهروب بعيدا والاستعانة بشخص واحد هو ذلك العاشق المهيمن بها دون أن تدري لتواجههم التحديات والصراعات حتي يحظي بها اخيرا 🌺اسيا وعمار 🌺
