Dare

00106

Jungkook's POV

Tapos na date namin kahapon ni Tzuyu kakalungkot pero di lang yun ang date namin sinasabi ko sa inyo. May kasunod na date yan for sure kahit hindi siya pumayag.

Ano na ba araw ngayon? Thursday? Friday? Tiningnan ko kung anong araw sa phone ko at sabi ay Thursday ngayon. Ganun na ba ang epekto sa akin pagkatapos kami mag-date ni Tzuyu? Nagiging makakalimutin? Paano pa kaya sa susunod naming mga dates?

Sinigurado ko muna na dala ko lahat ng kailangan ko ngayon kahit di ko alam kung anong gagawin namin ng makakasama kong noona ngayon. Mas maganda kung prepared ka na diba? Nilock ko na ang main door ng bahay at sumakay na sa kotse ko. Kinuha ko ang phone ko mula sa bulsa ng aking jeans at pinindot ang Waze na app. Nag-text si noona sa akin kani-kanina lang na magsuot daw ako ng casual pero komportable at sinend sa akin ang location ng aming pagkikita.

Ang sinuot ko ngayon isang plain white na t-shirt, ripped jeans, yung bigay ni Tzuyu sa akin na black bucket hat at ang aking pinakamamahal na timbers. Nagdala na rin ako ng isang bag na laman ay mga damit ko at ilan na towel in case. Nagpatugtog muna ako bago nagsimula magmaneho sa destinasyon namin ni noona ngayong araw.

Makalipas ng isa o dalawang oras dahil naabutan pa ako ng traffic, nakarating na din ako sa destinasyon namin ni noona. Naghanap ako ng pwesto para ipark ang kotse ko at may nakita agad ako, binilisan ko mag-park mahirap na baka maunahan aagawan pa ako ng pwesto. Kinuha ko ang mga kailangan ko ngayon which is ang phone ko, wallet syempre, at susi ng kotse ko. Iniwan ko na yung black bag ko dahil puro mga damit at towel lang naman laman at sino naman ang kukuha ng bag na puro mga damit ang laman?

Lumabas na ako ng kotse at grabe ang salubong sa akin! Ang init sobra! Mahal na mahal yata ako ni araw kaya ganito ang salubong niya sa akin. Buti nalang suot ko ngayon ang bucket hat para hindi naman ako masilaw sa kasikatan ng araw. Tiningnan ko ang phone ko kung nagtext na si noona at meron nga. Ang laman ng ext niya ay magkita raw kami sa entrance kaya agad ako pumunta sa harap. Hoo! Binilisan ko na ang aking paglalakad dahil pinagpapawisan na ako at babad na ako sa arawan.

Nakarating na ako sa entrance at isang tao o babae na nakatayo lang ang nakita ko baka si noona. Lumapit ako at si noona nga! Pamilyar ako sa mga kasama ni Tzuyu pero hindi ko alam ang mga pangalan nila. Ang suot ni noona ay isang yellow long sleeves na top na naka-tuck in sa denim skirt, white shoes at may dala siyang isang bag.

"Noona!" tawag ko sa kanya at lumingon siya sa direksiyon ko. 

"Nandyan ka na pala Jungkook!" sabi ni noona sa akin pagkalapit ko sa kanya.

"Oo noona." sabi ko nalang sa kanya.

"Di mo pa nga pala ako kilala sorry. Hirai Momo of Twice." pagpapakilala niya sa akin.

"Jeon Jungkook of BTS." pagpapakilala ko rin at nag-bow sa harapan niya dahil mas matanda siya sa akin.

"Simulan na natin ang trip!" excited na sabi ni Momo noona at pumalakpak pa. Ano daw? Trip?

"Anong trip noona?" tanong ko dahil di ko gets ang sinabi niya.

"Edi food trip!" sabi niya at nauna na maglakad sa loob ng isang food park yata? Ewan. Sumunod agad ako sa kanya dahil ngayon lang ako nakapunta dito.

"Noona nasaan tayo?" tanong ko habang tinitingnan ang nasa paligid ko. Madaming tao, puro mga food stalls ang nakikita ko at iba't ibang upuan, lamesa at dekorasyon. Namangha ako sa ganda ng design dito sa lugar na ito.

"Nasa Grub Hub tayo Jungkook na isang food park sa Quezon City." paliwanag sa akin ni noona habang naglalakad papunta sa isang area na kung saan ang mga upuan ay matataas at ang iba naman ang stand ay gulong ba yun ng sasakyan? Pati ang ibang lamesa ang stand ay gulong rin. Halata mo agad na gulong ito kahit pininturahan ng ibang kulay. Ang cool! Tapos pag tumingin ka sa taas ang ilaw nila ay gawa sa mga water basins na kulay black. Ang galing naman nung nakaisip ng ideya na ito. Para lang itong isang jukyard.