الفصل الاول (الجزء الثانى)
بسم الله الرحمن الرحيم
وبه نستعين
مرت الايام كئيبة بطيئة على ياسمين فهى لم تعد تخرج من غرفتها الا للضرورة ولم تعد تذهب حتى الى جامعتها 😣...وشعور بالخزى والعار يلاحقها دائما بعد ان ضحت بكل ما تملكه من اجل رجل جبان لا يستحق ... لا بل هو ليس برجل من الاساس فالرجولة بريئة منه ومن امثاله من اشباه الرجال ولكن خطئها هى اكبر فهى التى رخصت نفسها واباحت جسدها له لمجرد انه سلب عقلها ببعض الكلمات المعسولة التى تقطر سما وفى المقابل ماذا حصدت ؟
غدر وخيانة وتلاعب بها وبمشاعرها وبالأخير طلقها بعد يوم واحد فقط من اجبار شقيقها له على الزواج منها زواجا رسميا
(عشان تبقى تروحى تحبى وتتجوزى عرفى من ورا اهلك اشربى بقى ..لا مؤاخذه انفعلت شوية
ولم يختلف حال حنين كثيرا عن حال ياسمين فمنذ رحيل والدها رفيقها وسندها الوحيد فى هذه الحياة وقد تبدل حالها تماما وشعور بالوحدة القاتلة يغزوها ومع ذلك رفضت كل مساعى آسر لأخذها لتقيم معهم بقصرهم
لاتترك يدى 2 بقلم امانى عمر
._____________
اللواء عونى بعصبية ...يعنى ايه يا طارق العملية فشلت زى كل مرة
طارق باحباط ...واللهى يا افندم انا كنت وراهم انا والملازم عمرو خطوة بخطوة بس العربية بتاعتهم جات فى منطقة جبلية واختفت تماما من قدامنا زى ما يكون لبست طاقية الاخفاء
طرق عونى على سطح مكتبه بعصبيه وردد بانفعال
...دى مشكلتك انت يا سيادة الرائد والمسؤلية كلها تقع عليك لوحدك ...لأن حسب كلام فريقك انت اللى رفضت تخليهم يقبضوا عليهم وهما بيستلموا البضاعة فى المينا و غرورك صورلك انك هتقدر تقبض على الراس الكبيرة من غير ما تكون دارس الموقف كويس
..يا افندم افهمنى ا للى بيستلموا البضاعة دول صبيان من رجالتهم ملهومش اى سعر او تمن عندهم يعنى حتى لو اتقبض عليهم ولا يفرقوا معاهم .
.عونى باستياء ..بس كنا نقدر نخليهم يقروا عليهم ويكشفوهم
...ولا كان حد فيهم هيتكلم ..ودى مش اول مرة نقبض على حد فيهم ..كانوا هيشيلوا الليلة كلها لوحدهم عشان خاطر ميأذوش عيلهم ويفضلوا يصرفوا عليهم
عونى بغضب هادر ... على الاقل كنا هنصادر البضاعة قبل ما توصل لايدين شبابنا وبناتنا وتدمرهم... انت بتبرر فشلك يا طارق
اخذ نفس عميق ليهدا من انفعاله ثم استطرد
الكلام ده معدش يجيب همه دلوقتى ..واعمل حسابك يا سيادة الرائد انك متحول للتحقيق ...انت واى حد قصر فى العملية دى ..واتفضل يله على مكتبك
ادى طارق التحية ثم خرج وهويظفر بضيق من هذا التشكيل العصابى الشديد الدهاء و الذى تسبب باحراجه امام رؤساءه اكثر من مرة
...................
أسر . مرضيتش بردو تيجى معاك
عز الدين ...للأسف لأ
واللى طالع عليها اعيش عندكم باى صفة والصراحة يا آسر هى معاها حق
آسر باستنكار ..يعنى ايه بأى صفة حضرتك ناسى ان ابوها الله يرحمه وصانى عليها وهو بيموت وطلب منى مسبهاش لوحدها واديك شوفت بنفسك . اختها وجوزها مرضيوش يقدموا اجازتهم ويجوا يحضروا الجنازة او حتى ياخدوها تعيش معاهم واكتفوا بارسال برقية من جملتين ..البقاء لله ..نشاطركم الاحزان
فاتن مقاطعة حديثه بلهجة منفعلة
..واحنا مقصرناش معاها فى حاجة... ابوك اتكفل بكل مصاريف الدفنه وكمان عمله جنازة ميتتعملش لوزير ده غير المكافأة الضخمة بتاعة نهاية الخدمة اللى صرفهالها عشان يقدر يساعدها من غير ما يجرح كرامتها وكل ده على الست شهور العمى اللى ابوها اشتغل فيها عندنا فى ايه تانى نقدر نعمله ومعملنهوش
ظفر اسر بضيق
...انا رايحلها وهكسر لها دماغها الناشفة دى لو مرديتش تيجى معايا
امسكه عز من معصمه ليوقفه
استنى بس يا آسر واصبر عليها اليومين دول اديك شايف حالتها عاملة ازاى وبعدين متخافش عليها هى مش لوحدها
آسر بتوجس
يعنى ايه مش لوحدها مين معاها يعنى ؟
صاحبتها دى اللى اسمها ندى ..كانت عندها وقالتلى انها هتبات معاها كام يوم كمان
اخذ آسر مفاتيح سيارته من اعلى المنضدة وتوجه نحو الخارج
فاتن ..وسيادتك بقى رايح فين مش ابوك قالك...
اسر مقاطعا
..انا رايح لآدم هبات معاه النهاردة
._______
