بسم الله الرحمن الرحيم
وبه نستعين
الفصل الثامن عشر (لا تترك يدى٢)
...كانت صدمة للجميع .. فمن كان يظن ان هذا الشخص الورع التقى الذى يتصدق بارباحه البنكية للفقراء والمساكين و يذهب لقضاء مناسك ا لعمرة كل عام
..ان يقتل برصاصة على يد الشرطة واذ به تاجرمخدرات عتيد__
.... آسر بحدة..عجبك كده صممتى نعمل صوان للعزا واهو محدش عبرنا وجه منبناش بس الا كسفتنا قدام الناس
فاتن ..جم ولا مجوش احنا بنعمل واجبنا ناحية ابوك ..وكل واحد بيعمل بأصله
آسر بتهكم... واجب ناحية مين ...ناحية تاجر المخدرات اللى دمر سمعتنا وخلى وشنا بقى فى الارض
كان ردها هو صفعة قوية هوت بها على وجهه
..اتكلم عن ابوك الله يرحمه كويس
تركها آسر واندفع الى الخارج بغضب بينما هى هوت بجسدها على الكرسي خلفها وهى تبكى بصمت
_______
...الملازم عمرو ..الف مبروك يا دكتور يوسف على البراءة
..يوسف بعدم فهم ..براءة ازاى يعنى ؟فى ادله جديدة ظهرت
فادى __اقعد يا يوسف انا هفهمك....
.انا كنت شاكك من الاول ان اللى عمل فيك كده هو عاصم طليق دينا..ولما حكيت لعمرو
..على المنطقة الجبلية اللى اخدنا منها دينا لما خطفها.عاصم
عمرو ..احنا كنا اصلا بقالنا فترة طويلة بندور ورا العصابة دى وفى اخر مرة كنا بنراقبهم وصلوا لمنطقة جبلية واختفوا
...وطبعا لما ربطنا الكلام ببعض بدانا نحط عينا على عاصم ونراقب كل تحركاته ومكالماته وده خلا نا نتعرف على كل افراد العصابة ونعرف تحركاتهم بالظبط _ و كنا مستنين يوم التسليم عشان نقبض عليهم متلبسين ..بس اللى مكناش عاملين حسابه انهم هينطروا عاصم من العملية .فمتقبضش عليه معاهم
فادى ..بس ربك بقى كان محضرلوا عقاب افظع
يوسف..ليه هو ايه اللى حصله ٌ؟
.... دخل فى غيبوبة وحالته خطر وحتى لو فاق هيفضل مشلول طول حياته
ملازم عمرو..وفى حاجة كمان عايزك تسمعها
ا عطى السي دى لفادى الذى ابتسم له وهو يومئ برأسه
عمرو..عن اذنكم انا شوية
...يوسف ..هو فى ايه؟
اشعل له فادى الاسطوانة .اسمع
..عاصم...ها فكرتى فللى قلتهولك
.....وانا اش ضمنى انى بعد مااخليه يطلقنى انك هتوفى بوعدك وتطلعه
...معنديش ضمانات يا حلوة..يا آه ..يا لأ
..وقدامك 24 ساعة وتردى عليا
..طب انت هطلعه ازاى
__ملكيش دعوة دى شغلتى انا بقى.وآه قبل ما انسى تسجليلى كل حاجة بتحصل بينكم عايزة اسمعوا وهو بيطلقك بودنى
___________________
روسيا
نظر اليها بانبهار وهى
تتهادى فى خطواتها وهى تهبط من اعلى سلم الفندق لاسفل ترتدى فستانا بلون المخمل الناعم و عليه فرير من جلد الثعلب وتركت شعرها ينسدل اسفل ظهرها بحرية مما اعطاها مظهرا انثويا خلابا..هو يريدها بكل كيانه ولكنها كالفاكهة المحرمة بالنسبة له فقط للنظر دون اللمس
اخذ بيدها حين وصلت اليه ليغادرا المكان وهى تتأبط ذراعه تحت نظرات بسنت التى تشتعل بالغيرة والحسد
وصلا الى القاعة الرئيسية التى يقام بها العروض الافتتاحية
قدما اول كابل رقصتهم وقد ابهرا لجنة الحكم وصفق لهم الجمهور بحرارة وكذلك الكابل الثانى فبدأت ندى تتوتر
..يا لهوى يا آدم دى الناس هنا مستواها فوق الفظيع
ده احنا شكلنا هنروح من اول دور
قرصها ادم من وجنتها.
انا عايزك يبقى عندك ثقة فيا وفى نفسك اكتر من كده وبلاش الروح الانهزامية دى من اولها
...بسنت..مستر ادم ممكن اتكلم معاك كلمتين بعد اذنك
_نظرت كل منهما للاخرى شرزا
..استأذن آدم من ندى ثم انصرف معها
..
..ايوة يا بسنت .فى عندك حاجة مهمة تقوليها ولا هتضعيلى وقتى كالعادة
__ ممكن ارقص معاك رقصة الافتتاح
..ليه حصلت مشكلة بينك وبين رامز
..لأ بس حابة ارقص معاك.انت ممكن تخلى ندى هى ترقص مع رامز
أدم باقتضاب ..مينفعش
..بسنت بحدة بعض الشئ
..ليه يعنى عشان مراتك
..لأ يا بسنت مش عشان مراتى ..عشان ندى حضرت معاكم البروفات من وقت متأخر وكل تدربياتها كانت معايا انا وزى ما قولتلكم قبل كده ان اهم حاجة فى التانجو انه يكون الكابل فى بينهم لغة جسد وبيفهموا بعض من نظرة عينيهم و حركة جسمهم ودى اول حاجة بيلاحظها الحكام
..بسنت مقاطعة
طب ممكن اسألك سؤال تانى
آدم بنفاذ صبر
اتفضلى
__ انت ليه مخبى انها مراتك وحتى لجنة الحكام معرفتهاش قدامهم على انها مراتك ..ونازل انت وهى كل واحد فى اوضة ..يا ترى ايه السبب
..آدم بحد ه..بسنت كلامك فى لهجة تهديد انا مش حاببها..ثانيا انتى مالك بطلى تحشرى نفسك في اللى ملكيش فيه وده اخر تحذير ليكى والا هضطر امشيكى من الفريق واتفضلى يله عشان تلحقى البروفة
_____________________
