بسم الله الرحمن الرحيم
وبه نستعين
الفصل الرابع عشر(لا تترك يدى٢ )
دخلت ندى غرفتها بعد ما افرغت ما بجوفها فى وجههم
وتركتهم فى حالة صدمة وكأن على رؤوسهم الطير
... وكان توفيق هو اول من تحدث
...شوف البيت وقلة ادبها محدش مالى عينها ..لا محتربة اب ولا اخ كبير ..وانت يا اخينا
..نظر له ادم بوجه ممتعض
..شوفتنا عيلة مع بعضينا وعايزين نتفك بكلمتين ..المفروض من نفسك كنت تستأذن وتمشى
..وائل ..لو سمحت يا بابا استاذ آدم يبقى ضيفى انا ومسمحش لحد يهينه فى بيتى
..آدم ..لأ يا كابتن وائل والدك عنده حق ..انا بس لما شوفت ندى قصدى الانسة ندى منهارة بالشكل ده مقدرش اسيبها فى الحالة دى وامشى
...
توفيق بحدة...وانت دخلك ايه بيها دى بنتنا واحنا هنعر ف نداويها بمعرفتنا .....واظن الكلام اللى قالتهولك فى وشك من شوية يوضحلك انها مش طايقاك فيستحسن متهنش كرامتك اكتر من كده واتفضل بقى من غير مطرود
.كور آدم قبضته بشده ..وسيطر على اعصابه بصعوبه حتى لا يفتك به فمما سمعه من ندى منذ قليل اتضح انه السبب الرئيسى وراء سلوكها العنيف ورفضها الارتباط بهذا الاصرار
لاتترك يدى 2 بقلم امانى عمر
الحلقات كاملة على جروب دنيا الروايات
..._________________
رفعت ...خاللى بالك يا عاصم الشحنة الجديدة هتتشحن من مرسيليا بكرة خاللى الرجالة تجهز
. . واكد على رجالتنا فى المينا عشان يتابعوا الشحنة وميخلوش حد يستلمها غيرهم
...متقلقش يا باشا كل حاجة متأمنه كويس هى دى اول مرة
.... ده حتى الظابط اللى كان قارفنا وحططنا فى دماغه سمعت انه اتنقل ادارة تانية وارتحنا منه.....
..... بس انا لازم ااكد عليك بردو اصل انت اليومين دول دماغك مش فيك وحياتك الشخصية بقيت مأثرة على شغلك وشغلنتنا دى عايزه الناس الفايقة المركزه عشان اصغر خطأ ممكن يودينا فى داهية
. عاصم بخبث... لأ متخافش___ انا كل حاجة عندى لها وقتها ...بس قولى يا باشا انا سمعت ان الصنف اللى جاى المرة دى جديد واول مرة نتعامل فيه وحاجة ايه اكسترا
..الا اكسترا ده صنف هيروين بيور معتبر ومفيهوش اى شوائب _الكيس الواحد منه يوديك ورا الشمس
.. وكمان ما لوش لا طعم ولا ريحه . يعنى ممكن تحطه لاى حد فى الاكل او الشرب من غير ما يحس بطعمه و بيسبب الادمان بعد تعاطيه بشكل منتظم بس خلال اسبوع
......
عاصم بسعادة ___والله شكلنا هنلعب بالفلوس لعب.يا باشا
__انا عايزك تغرقلى بيه السوق كله خلال شهر واحد
_انت تؤمر يا باشا
..________
______________
وائل ...ايه اللى جابك دلوقتى انا مش قلتلك انى هبقى اكلمك لما امهد لها الموضوع الاول ..وبعدين من امتى وانت ملهوف على بنتك كده ده انت نشفت ريقى عشان توافق اصلا
...توفيق بضيق مصتنع
..هو انا ابعد عنكم مش عاجب ااقرب منكم بردو مش عاجب ..انا احترت واللهى اتصرف معاكم ازاى
..تطلع اليه وائل بشك وردد فى نفسه
.. مش مرتحلك
..ثم استطرد
طب اديك شوفت رد فعلها وانا بصراحة مش عايز اضغط عليها انت عارف وضعها.وانا مصدقت انهابطلت المهدئات اللى كانت بتاخدها
...سيبك منها ده دلع بنات..روح انت بس على شغلك ومتقلقش...
استطرد بنظرة ذات مغزى
سيبهالنا احنا هنعرف نتفاهم معاها بطريقتنا ___ولو هى مش عايزة تيجى تعيش معانا انا اجيب صافى ونيجى نعيش معاها هنا المهم تكون مرتاحة
___طب خليك حنين معاها يا بابا انت عارف انها حساسة بزيادة
..خلاص بقى يا حبيبى قلتلك ما تقلقش ..انت هتسافر امتى
..بعد يومين .
تروح وترجع بالسلامة ان شاء الله
...كانت ندى تستمع الى حديثهم من خلف باب غرفتها ومشاعر مختلطة تسيطر عليها ..غضب وحزن ونفور وتوجس من القادم واحساس بالعجز يحتويها
_________________
