بسم الله الرحمن الرحيم
وبه نستعين
الفصل السادس عشر (لا تترك يدى 2)
شاكر وهو يمسك بتلابيب توفيق
...بنتك هربت يا توفيق ..هربت من المعلم شا كر كبير جزارين المدبح .قسما بالله ما يكون الشنب ده على حرمة اذا ما جبتها ودبحتها قدامك
.. صافى بصريخ ... الله یخلیک سيبه يا معلم وهو كان ذنبه ايه بس
..عضمة ...الحق يا معلم فى واحدة منقبة خطفت العروسة
....وجاى تقولى دلوقت يا لطخ ..ملحقتهاش ليه
...ملحقتش يا معلم ..الست كانت شايلاها على كتفها وبتجرى بيها وبعدين حطيتها جوا العربية ومشيت بسرعة ..بس انا اخت نمرة العربية
...شاكر باستغراب...وست مين دى ان شاء الله اللى هتقدر تشيلها على كتفها وتجرى بيها..كده.
توفيق بحنق ..ده اكيد الواد اللى كان عايز يتجوزها
امسك شاكر بتلابيبه مرة اخرىو بلهجة حادة ارتجف لها توفيق
...ومقلتليش ليه ان فى حد عايز يتجوزها
توفيق بخوف
...مكنتش عايزاه يا معلم ومتوقعتش انه هيتجرأ ويعمل كده
شاكر بوعيد
..ده انا هندمه على اليوم اللى فكر فيه يخطف عروسة المعلم شاكر
...............................
افرغ آسر كامل غضبه واحساسة بالعجز باليومين المنصرمين من ذاك الرجل القابع امامه حتى وقع مغشيا عليه من كثرة الضرب
آسر بحدة..فوقوه .
..مجدى ..كفاية يا آسر بيه الراجل هيموت فى ايدك
آسر بانفعال..وانا ايه مكنتش بموت فى اليوم ميت مرة بسبب اللى عملوه فيا
...احمد ربنا انك قدرت تعرف الحقيقة ...
....بعد ايه بعد ما حنين ضاعت منى ويا عالم بعد ما لاقيها اذا كانت هتقبل تسامحنى ولا لأ
...بس احنا نلاقيها الاول وكل حاجة بعد كده تتحل ان شاء الله ...المهم هتعمل ايه دلوقتى مع اللى اسمه وليد ده ..
ضرب آسر الحائط خلفه بغضب وردد بحنق
..وليد ..وليد ....كل حجر برفعه بيطلع الحيوان ده من تحتيه ...الواد ده لازم يتربى ومش هيتربى غير لما يدخل السجن
... والمطلوب
..خد الزفت ده عالجه الاول وبعدين اطلع بيه على مديرية الامن خليه يعترف بكل الكلام اللى قاله من شوية .وانا هكلم المحامى واخليه يرفعلنا قضية تزوير وتشهير..امسكه آسر من شعره ورفعه اليه ثم استطرد
...واذا رفض يعترف هو عارف كويس ايه اللى هيحصله
..لا هتكلم يا باشا وهقول كل حاجة بس الله يخليك تسيبنى
...........................
وضع آدم ندى الفاقدة للوعى على فراشه ثم رش بعض البرفان على يده وقربها من انفها حتى استعادت وعيها تدريجيا وما ان رأته امامها حتى القت نفسها بأحضانه واجهشت بالبكاء
....آدم وهو يربت على كتفها بحنان
...اهدى خلاص انتى بقيتى فى امان
تلفتت حولها باستغراب ثم استطردت
...هو ايه اللى حصل يا آدم ..انت عرفت مكانى ازاى .. .وايه المكان ده ..
..ده بيتى ..اما ايه اللى حصل فدى بقى حكاية طويلة ..هبقى احكيهالك بعدين
...
طب انت عرفت مكانى ازاى
.....نظر فى عينيها بعمق
..انا مش قلتلك انى مش هسيبك ولو حتى روحتى اخر الدنيا قلبى هيعرف الطريق ليكى وهيوصلك
..اخفضت وجهها عنه بخجل
.. ..امسك ذقتها ورفع وجهها بأنامله ثم حركه يمينا ويسارا ثم استطرد بحنق وهو يرى وجهها وعنقها الملئ بالكدمات
..دول شلفطولك خالص
..القت نفسها باحضانه مجددا وقد عادت للبكاء من جديد
..كانوا عايزين يجوزونى غصب عنى يا آدم ..الحمد لله انك جيت فى الوقت المناسب ولحقتنى
....آدم بمرح ..انا عارف ان حضنى حلو وميتشبعش منه
بس ممكن تسمحيلى ااقوم اعملك حاجة تاكليها ..وبالمرة تغيرى هدومك على بال ماارجعلك هتلاقى عندك تيشيرت وبنطلون بيجامة فى الدرج ممكن يكونو مناسبين ليكى
..ندى بلهجة غيورة
..ودول بتوع مين ان شاء الله
ابتسم آدم عندما استشعر غيرتها عليه
.. بتوعى انا يا ختى اطمنى
كاد ان ينهض من جانبها حين شدته مره اخرى ..
..انا متشكرة اوى يا أدم ..بس اسفه مش هينفع اقعد معاك هنا ولازم امشى
نهضت من الفراش فوقف ادم امامها ليمنعها
.__ تمشى ايه انتى اتجننتى ؟ انتى مش شايفة هما عملوا فيكى ايه
