.بسم الله الرحمن الرحيم
وبه نستعين
الفصل السابع عشر (لا تترك يدى 2)
..هنعمل ايه يا آدم ؟
...متخافيش يا ندى المنوم اللى حطتهوله فى الشاى هينيموا لغاية بكرة بالليل ..هنكون احنا روحنا كتبنا الكتاب ورجعنا
..ايوة بس
ادم مقاطعا ..عارف عايزة تقولى ايه ...ندى انا مقصدتش خالص اورطك او افرض عليكى حاجة انتى مش عايزاها انا بس كنت عايز احميكى واطمنى وقت ما تقررى تفكى الرابط اللى بينا انا جاهز ولغاية ده ما يحصل ..تاكدى انى مش هطالبك ابدا بحقوقى كزوج ولا حتى هفكر المسك الا بموافقتك
.....
الحقنى يا شيخ دسوقى
...فى ايه يا ام كريم
..الست حنين سخنه نار
ومخلتيش ليه دكتورة صفاء تشوفها
..شافتها يا مولانا وقالت انها عندها نزلة شعبية حادة ..وجبتلها العلاج والحقن اللى قالت عليهم بس ما عملوش معاها حاجة بالعكس حرارتها عليت اكتر
و الوقت اتأخر وانا لازم اروح لعيالى
.... بس انا مينفعش ادخلها وهى طريحة الفراش كده وكمان من غير محرم
...اتصل بجوزها يا مولانا هو اولى بيها
..مش عايزة يا بنتى اتكلمت معاها كتير وهى رافضة
..انت بتصدق الكلام ده بردو يا مولانا ده دلع حريم ..طب انت عارف انها فى عز تعبها ده عمالة تخطرف باسمه واتفضل شوف كمان
..اخرجت له هاتفها
..ايه ده ؟
...دى نمرة جوزها خلتنى امبارح اكلمه على اساس النمرة غلط عشان كان نفسها تسمع صوته
_لا حول ولا قوة الا بالله
..كلمه يا مولانا هو احق بيها متأخذنيش يعنى احنا مهما ان كان غرب عنها ومش هنخاف عليها قده ولو حصلها اى حاجة لا سمح الله هتبقى مسوؤلية علينا
.. يا ساتر عليكى وعلى ملافظك يا ام كريم ..خلاص انا هستخير ربنا واكلمه وربنا يقدم اللى فيه الخير يمكن ربنا يجعلنا سبب فى لم شملهم على خير من تانى
_______________
اتفضل ادى قسيمة الجواز ..يارب تكون اطمنت على بنتك
..لأ طبعا لسه مطمنتش ...اطمن ازاى وانت خطفتها من وسطنا كانك سرقتها سريقة ..لا عملتلها فرح ولا دفعت مهر ولا حتى كتبتلها قايمة ومؤخر ..اللناس تقول علينا ايه ..ولو جيت فى يوم زعلتها ولا سيبتها اضمن حقوقها ازاى
...آدم بسخرية....
..آاه قول كده
نظرت له ندى باشمئزاز فوالدها مصمم على بيعها والاستفادة منها حتى النهاية
...اخرج له آدم صقا بنكيا وكتب له رقم وامامه خمسة اصفار
كفاية دول ولا عايز كمان
...نظر توفيق ا الى الرقم والتمعت عيناه بطمع
..لا كده حلو اوى ..الطمع وحش بردو
..مد يده ليأخذ الشيك ولكنه صدم عندما وجده باسم ندى
..ايه ده بقى ان شاء الله انت بتهزر معايا ...
..انت مش بتقول عايز تضمن حق بنتك وادينى اهو بضمنهولها .
...ايوة عشان تدهولها باليمين وترجع تاخده بالشمال
....ندى با نفعال
..انا مش عايزة حاجة . ....و.ياريت بقى تخرج من حياتى ومتورنيش وشك تانى..استطردت ببكاء
...كفاية كفاية بقى تكسرنى وتكسر نفسي اكتر من كده
...آدم ..اهدى يا ندى والدك مغلطش وده حقك فعلا
...وانا متنازلة عن الحق ده
ثم تركتهم وركضت الى الداخل
ظفر توفيق بضيق وقد يأس ان يحصل على شئ من هذه الزيجة هذا بالاضافة الى المصير الذى ينتظره على يد المعلم شاكر
______________
فتح النقيب عمرو باب مكتبه وصاح فى الجميع
ايه الدوشة دى فاكرين نفسكم فى سويقه..فى ايه يا شناوى مين دول
...دول اهل الدكتور يوسف اللى اتقبض عليه فى الدورية بتاعة امبارح بالليل
...عمرو بتهكم ..اه قصدك تاجر المخدرات
فاتن بانفعال ...قطع لسان اللى يقول عن ابنى كده..ابنى ما تربى احسن تربية وحتى السيجارة ما يشربهاش
