بسم الله الرحمن الرحيم
وبه نستعين
الفصل الثامن ( لا تترك يدى 2)
بعد مرور اسبوع على ابطالنا
مستشفى الشفا
___ الدكتورهنرى بيقول لحضرتك انه هيخلص الكشف اللى معاه ويجى عشان يفك الرباط عن عين الانسة ندى
..... ماشى
...وائل رافعا يديه و راسه الى الاعلى
..يارب ..يارب تكون العمليه نجحت وندى رجعلها بصرها من تانى
ربتت حنين على كتفه مطمئنه
..ما تقلقش يا وائل ان شاء الله ندى هتخف وهتبقى زى الفل
ربت على يدها الموضوعه على كتفه
.ان شاء الله ......انا بشكرك اوى يا حنين انتى بجد نعمة الاخت والصاحبة لندى _ وبجد مش عارف ااقولك ايه
_ تشكرنى ايه يا وائل احنا بنا الكلام ده _ ده احنا اكتر من اخوات وندى......
...حننننييين
سمعت صوت آسر الهادر فانتفضت بخضة
وانزلقت يدها بتلقائية من على كتف وائل بسرعة
___ اسر ..ايه اللى جابك هنا؟
..ايه مكنتيش عايزانى اجى ؟ ثم اردف بلهجة تهكمية
طبعا عشان تاخدى راحتك على الاخر
..وبعدين معاك يا وائل دى مش طر
عضت على شفتها عندما انتبهت انها نطقت اسم وائل
آسر بغضب ونظرة متوعدة
.أنا اسمى آ سر يا هانم ولا نسيتى
....انا اسفة يا آسر مقصدش دى بس كانت ذلة لسان
..اقترب منها اكثر بعد ان نظر اليها بنظرة تقدح غضبا مرددا بحدة
واللى حصل امبارح فى المكتب بردو قولتيلى انه مكنش قصدك رغم انى محذرك وقايلك قبل كده مفيش هزار ولا ضحك مع حد
__خلى بالك حسابك كده تقل معايا اوى يا حنين ..
حنين بانفعال... انت اللى معندكش ثقة فيا وبتغير بزيادة .
ثم استطردت باستنكار__ وبعدين انا مكنتش بضحك لوحدى ... المكتب كله كان بيضحك
_بس انا مسمعتش حد غيرك وصوت ضحكتك وصلى لحد مكتبى يا هانم مع انه واد دمه تقيل ويلطش اصلا
.-لأ دى مش غيرة دى بقت واصلة معاك لدرجة الشك ولو استمريت على كده يا آسرهتدمر اى حاجة حلوة كانت فى يوم بينا
آسر بحدة
..انتى اللى دايما بتوصليلى الاحساس ده كل ما التفت عنك حبة الاقيكى واقفة مع راجل شكل
ظفرت بضيق ثم اردفت وقدعلا صوتها بعض الشئ.
....انت اللى الظاهر كلام وليد اتزرع جوا دماغك ومش عارف تخرجه منها ..وانا خلاص زهقت ومليت ..ذهبت عنه بغضب ولكنه اوقفها .حين امسك ذراعها بقوة
___سيادتك فاكرة نفسك رايحة فين ..قدامى على العربية
...آه دراعى يا آسر بيوجعنى
.. نفض ذراعه عنها وقد رأى مقلتيها قد امتلئت بالدموع
..اسف.....
.حنين بغضب .انا مش همشى من هنا الا لما اطمن على ندى عايز تمشى انت اتفضل
استمع وليد لحديثهم صدفة عندما آتى لكل يطمئن على ذراعه ويفك الجبس عنها من خلف الغرفة التى كانا يقفان امامها
.. فابتسم بخبث
...__ والله ووقعتوا فى حضنى تانى ياحلوين
_______________
...وبمكان اخر
كان يتم اجراء عملية قلب مفتوح لزين والتى من المرجح ان تستمر فترة لا تقل عن 11 ساعة وتترقبها العديد من القنوات المحليه والعالمية على نطاق واسع
...رفعت ..مش معقول بقالهم 9 ساعات جوا من غير حتى بق مايه زمانهم فطسوا
علا ...ماانت عارف يوسف يا بابا اكيد مش هيرتاح غير بعد ما العمليه تخلص حتى لو استمرت للصبخ
..طب والمساعدين يا بنتى زمبهم ايه ده كده هيقعوا منه واحد ورا التانى
..___
مساعد 1..دكتور يوسف لو سمحت معدناش قادرين نقف محتاجين راحة حتى خمس دقايق
يوسف بعصبية__ خلاص اللى عايز يطلع يطلع ولو عايزين تطلعوا كلكم اتفضلوا __
كان يوسف يتصبب عرقا وقد نال الاجهاد منه مبتغاه ومع ذلك لا يريد التوقف ولو لحظة حتى انتهاء العمليه ..
..مساعد 2..الحق يا دكتور قلبه وقف
