بسم الله الرحمن الرحيم
وبه نستعين
الفصل الخامس عشر ( لا تترك يدى2)
آسر بانهيار ...لا يا حنين لا..ارجوكى اوعى تعملى فيا كده .اوعى تسيبينى انا مقدرش اعيش من غيرك
كمش الجواب بيده ثم القاه على الارض بغضب اخذ هاتفه وحاول الاتصال بها ولكن اتى له رنين الهاتف من جانبه ..اللعنة فهى لم تأخذ هاتفها معها لتصعب عليه مهمة اقتفاء اثرها
آسر بتصميم ....بردو هلاقيكى حتى لو روحتى آخر الدنيا هلاقيكى
...................
على رنين هاتفه فمد يده يلتقطه وهو فى حالة نعاس فقد جفاه النوم ليلة امس وهو يفكر بها ولم يستطع النوم الا فى الساعات الاولى من الصباح
...آدم بنعاس ..الو
.آتى له صوتها ليقفز فرحا من على الفراش
..الو .ندى
..... ...انا اسفة لو كنت صحيتك من النوم
... لأ انا لسه منمتش اصلا
...ندى بتردد...طب يا ترى العرض اللى عرضته عليا لسه صالح ولا انتهى
...آدم بفرحة ...قصدك الجواز ؟..طبعا صالح يا ندى وهتفضل صلاحيته مدى العمر
..ندى بتوضيح ...انا قصدى على السفر يا آدم
..ادم بخيبة امل ...
..يعنى خلاص قررتى انك هتسافرى معايا قصدى مع
الفريق
..ايوة بس انا مش عندى باسبور ....
..متقلقيش انا هخلصلك كل حاجة .بس هحتاج منك شوية اوراق .........
..حاضر ..بس انا مش حابة حد من اهلى يعرف انى مسافرة معاك ..لانهم اكيد مش هيوافقوا
_يعنى ايه يا ندى هتسافرى من وراهم انتى عارفة الرحلة دى كام اسبوع ..يعنى اكيد هيقلقوا عليكى
.ندى بحزن.ولاحد هيسأل اصلا- بالعكس هيفرحوا انهم خلصوا منى
تنهد آدم بضيق وانتابه شعور بالشفقة والالم عليها
... انا مبحبش اعمل حاجة فى الدرا يا ندى او يمكن كنت بعمل كده زمان لكن معاكى انت مش عايزة اعمل كده
...انت ليه محسسنى اننا هنتجوز يا آدم دى مجرد رحلة كام يوم ..وبعدين انا عارفة اهلى اكتر منك وبقولك انهم مش هيوافقوا...اساسا بابا دقه قديمة ومش هيفهم فى موضوع الرقص والكلام ده
طب عرفى اخوكى
..للأسف سافر من شوية بس انا اكيد هعرفه متقلقش اول ما اوصل روسيا هبقى اتصل بيه واقوله-
دخل عليها والدها وزوجته فجأه الغرفة بدون استئذان فوقع الهاتف من يدها
...آدم ..ندى ....ندى ...روحتى فين
..توفيق ...يله يا ندى جهزى نفسك علشان هتيجى معانا
..اجى معاكم على فينٌ؟
على بيتى طبعا
ندى باستنكار...بيتك اللى هو ازاى يعنى؟ انت مش اتفقت مع وائل انكم انتوا اللى هتيجوا تعيشوا معايا هنا
..لوت صافى فمها بتهكم
...كنا بنضحك عليه...وبعدين هنا ولا هناك هتفرق معاكى فى ايه
ندى بحدة ..وانا مش هتنقل من هنا ولا هروح معاكم فى اى حته..واتفضلوا اطلعوا بره اوضتى
...صفعة مدوية سقطت على وجهها من والدها ...
..صوتك ده ميعلاش قدامى تانى انتى فاهمة ..انا اللى غلطان انى سيبتك لاخوكى دلعك على الاخر لغاية ما بقاش حد مالى عينك ...لكن من هنا ورايح الكلمة اللى اقولها تتسمع من اول مرة لاما انتى اللى هتبقى جانية على نفسك ....
كانت صافى تنظر اليها بشماتة وهى تبتسم بتشفى
صرخت ندى به وهى تضع يدها على وجنتها من الالم
..وانا قلت مش هروح معاكم يعنى مش هروح معاكم
..صفعة اخرى وهذه المرة اوقعتها على الارض من شدتها
__توفيق ..قدامك 10 دقايق تجهزى فيهم وتخرجى لاما انا اللى هدخلك وساعتها مش هخلى حته فى جسمك سليمة ...
ندى بشهقات متتالية من البكاء
..انا هتصل بوائل واقوله ...احنت جزعها لتلتقط الهاتف فدفعتها صافى لتصطدم راسها بحرف الكومود وتسقط مغشيا عليها والدماء تسيل من راسها
...صافى...انا هنزل بسرعة اوقف تاكسي وانت شيلها وتعالى ورايا قبل ما تفوق وتعملنا شوشرة
