الفصل الخامس (الجزء الثانى)
بسم الله الرحمن الرحيم
وبه نستعين
..اين سترسي سفينة حياتى واين سيأخذنى موجها العاتى ٌ؟
هل سأجد يدا تمتد لى ...
أم ستقذفنى الامواج بعيدا و تهوى بي فى اعماق سحيقة
ندى ..ايه اللى حصل يا وائل ..صوتك مكنش مريحنى على التليفون
..اتوقفت شهر عن العمل
ندى بشهقة
..يا خبر طب ليه ..ايه اللى حصل
..ما تشغليش بالك انتى ..الحمد لله انها جت على قد كده ويمكن كده احسن عشان ابقى جنبك لحظة بلحظة وانتى راحة تعملى العملية
استطرد بعد ان سحبها لتجلس بجانبه
المستشفى كلمتى من شوية وقالتلى ان الدكتور اتواصل معاهم وان شاء الله هيكون هنا بعد 3 ايام
...تنهدت ندى براحة
__ تفتكر هيقدر يعمل حاجة واقدر ارجع اشوف من جديد
..ان شاء الله يا حبيبتى ..تفائلوا بالخير تجدوه وانا متفائل اوى المرة دى بس انتى ارمى حمولك على الله وقولى يارب
رفعت رأسها الى الاعلى
.....يااارب
..................................
يوسف باعجاب
......تعرفى ان الفستان طلع يجنن عليكى اوى اكتر كمان مما كنت متوقع
.. ده ذوقك انت وعينيك اللى حلوين ...استطردت وهى تطاطا راسها للاسفل بخجل
.. انت كمان طالع زى القمر فى البدلة
رفع راسها بأنامله لتأسر عيناه عينيها
...طب ومكسوفة ليه كده وانتى بتقوليها وبتخبى عينيكى الحلوين دول عنى
خلاص بقى يا يوسف بلاش تكسفنى
..يوسف بنظرة متسلية قائلا بمرح
...بس انا بحب اشوفك وانتى مكسوفة كده ووشك احمر __الصراحة بتبقى احلى _ اعمل ايه
ثم استطرد بجدية
. ايه رأيك لو اعرفك بكرة على عيلتى ..انا متأكد انك هتحبيهم اوى..اصل بصرحة امى لو عرفت انى هنا بقالى يومين ومعدتش عليهم ..هتزعل منى اوى وانا مقدرش على زعلها
دينا ...لا طبعا كله الا زعل ست الحبايا ..ماشى شوف عايز تروحلهم امتى وانا معاك
.. انتى مش معاكى جدول اعمالى شوفى عندى فاضى بكرة امتى
..تمام
..امسك يدها وهو يردف
... انا متأكد انهم هيحبوكى جدا وانتى كمان ان شاء الله هتحبيهم
..اكيد هحبهم يا يوسف لانهم جزء منك
_________________
..الحق يا دكتور رفعت فى واحد عمال يهلل بره ويكسر فى كراسى الاستقبال ومحدش قادر عليه
وده عايز ايه؟
__بيسأل على دكتور يوسف
..علا ..انا هبلغ البوليس
..رفعت ..استنى بس يا علا لما نشوف مين ده وعايز ايه من يوسف
..خرج الجميع الى حيث يتواجد عاصم الثائر
انصدم رفعت عندما راى عاصم امامه
رفعت ..عاصم
.علا .انت تعرف الجدع ده يا بابا
رفعت بتلعثم .اه ده واحد من اللى شغالين فى شركات الادوية اللى بتورد لينا
....رفعت بحدة..فى ايه ياعاصم ٌ؟. بتسأل على دكتور يوسف ليه وليه مجتليش الاول على مكتبى قبل ما تقعد تهلل وتكسر فى المستشفى كده
....البيه الدكتور اللى انت مشغله عندك خاطف مراتى ومعيشها معاه فى الحرام
نظر الجميع اليه بصدمة وتطلعت اليه علا بعينين براقة وقد اثار الموضوع اهتمامها للغاية
علا_ ومراتك دى اللى اسمها دينا
__والله عال هى بقت مشهورة للدرجادى
..ايوة هى قال ايه والبيه خطبها نفسى اعرف زمن ايه اللى احنا عايشين فيه ده عشان واحد يخطب واحدة وهى لسه على ذمة جوزها
بدأ صوت الهمسات والهمهمات تتعالى فى الوسط
علا بشماته.محدثة نفسها .الظاهر الفرصة اللى كنت مستنياه جات ..وجات لغاية عندى كمان من غير اى تعب او مجهود
رفعت وهو يسحبه من يده
..طب تعالى معايا على مكتبى وكفاية الفضايح اللى انت عملتها لغاية دلوقتى
...همت علا ان تدخل معهم المكتب ولكن نظرة قاسية من والدها اوقفتها
..انتى راحة فين ٌ .؟
داخلة معاكم جوا
...دكتورة علا روحى شوفى شغلك ..
..بس يا بابا
رفعت بانفعال
..عللللا
اغلق الباب ثم التفت الى عاصم يوبخه بشده
..ايه الزفت اللى انت عملته فى المستشفى ده وايه الكلام اللى انت قلته برا ده
عاصم بانفعال
...عايزنى ا عمل ايه لمااعرف ان مراتى مخطوبة لواحد تانى وكمان عايشة معاه فى الحرام
.بس .يوسف ده شخص محترم جدا ولا يمكن يعمل حاجة زى كده
عاصم بسخرية
..دى واجهة بيدارى وراها زيك بالظبط
هدر به رفعت بصوت عالى معنفا
عاصم
ظفر عاصم بضيق ثم اردف وقد اخفض نبرة صوته
.اسف بس لو حطيت نفسك مكانى اكيد هتعذرنى
اخذه رفعت من يده واجلسه بجانبه على الاريكة
..اقعد بس كده واهدى وفهمنى الموضوع واحدة واحدة
_____________________________
..
...جلس الجميع على مائدة العشاء وكان آسر يتجاهل وجود حنين ويتجنب النظر اليها وقد لفت ذلك انتباه عز الدبن
...فى ايه يا ولاد مالكم هاديين اوى كده وساكتين انتو متخانقين ولا ايه؟
...آسر باقتضاب ..لأ ابدا بس .هنكلم نقول ايه
طب اتكلمى انتى يا حتين وقوليلى عاملة ايه فى الجامعة
حنين بآسى
..من ساعة اللى حصل لبابا وانا مروحتش بس فى واحدة زميلتى بتبعتلى المحاضرات اول بأول على الواتس
