بسم الله الرحمن الرحيم
وبه نستعين
الفصل التاسع (لاتترك يدى 2) بقلم امانى عمر
ندى بشهقة ___ادم __ معقول زياد هو ادم
مرت ذكرياتها القليله معه امامها كشريط سينما ثم
القت بهاتفها بطول ذراعها على الارض وهى تهتف بصراخ
كداب .__ كداب __كلهم كدابين__ كدابين
وائل __فى ايه يا حبيبتى بتصرخى ليه
_ انا عايزة امشى من هنا يا وائل __ مشينى من هنا
...هو ايه اللى حصل ما كنتى كويسه من شوية
ندى ببكاء
عشان خاطرى يا وائل خرجنى من هنا عايزة اروح على البيت
__طب نسأل الدكتور الاول
..نهضت من على الفراش
...لأ مش هسأل حد انا عايزة اروح على البيت ودلوقتى
___________________
__ ايو ة مش مصدقك ولا هصدقك يا حنين وخلاص بقى اسكتى مش طايق اسمع صوتك
فاتن _ ايه اللى حصل انتوا اتخناقتوا تانى ولا ايه
آسر بحدة..عن اذنكم انا رايح اوضتى
__ فى ايه يا حنين مال وشكم مقلوب كده
القت حنين نفسها فى احضانها واخذت تبكى _ انا بجد مبقتش عارفة اتعامل معاه ومع غيرته دى
..طب اهدى بس وفهمينى ايه اللى حصل
روت لها حنين ماحدث
..طب ومين اللى اتصل ده.؟.متأكده انك ماسمعتيش صوته قبل كده؟
..لا واللهى يا طنط وحتى معرفش هو جاب نمرتى منين استطردت بحزن
..بس طبعا آسر استحاله يصدقنى
فاتن......طب اطلعى على اوضتك انتى ارتاحى وانا هكلم معاه.
__ يا طنط انا بجد زهقت ومليت من معاملته دى
..خلاص يا نونة بقى قلتلك هتكلم معاه وهملصلك ودنه كمان _ يله بقى بطلى عيا ط وورينى ضحكتك
سمعا صوت تكسير يأتى من الاعلى فركضا الاثنان باتجاهه
كان آسر فى حالة هياج تام قام على اثرها بتحطيم كل ما تقع عليه يده بالغرفة ___
فاتن بخضة ___ فى ايه يا حبيبى ؟_ ايه اللى انت عملته فى الاوضة ده
نظر باتجاه حنين
..انتى ايه اللى جابك هنا ..امشى اطلعى بره ..بببررره ه
اخذها من يدها عندما وجدها تسمرت مكانها ولا تتحرك والقاها ا خارج غرفته ثم اغلق الباب بوجهها واخذ مزهرية الورد من اعلى الكومود والقاها على المرآه فتحطمت الى اشلاء ثم اطلق زمجرة قوية.كلأسد الجريح __ااااه ه ه .
..فاتن __ اهدى بس يا حبيبى هو فى ايه لكل ده
معقول انت بتحبها للدرجادى
آسر بصراخ
...آه بحبها _ بحبها يا امى
_بحبها رغم الدوامة اللى معيشانى فيها _كنت هتجنن عليها لما عرفت انها هتبقى ملك واحد تانى ودلوقتى معايا وتحت سقف بيتى بس بردو مش عارف ارتاح
اشار باصبعه على موضع قلبه ..مش قادر اخرجها من ده
اشار باصبعه على عقله_ بس ده
مش عارف يسامح ولا ينسى ولا حتى يرجع يثق فيها من جديد
ثم جلس على الارض وهو يبكى واخذ يضرب بقبضة يده على راسه عدة مرات
اعمل ايه
اعمل ايه ..فى الوساوس اللى مش قادر اخرجها من راسي
..انا هتجنن يا امى
جلست فاتن بجانبه على الارض وضمته الى صدرها واخذت تربت على ظهره بحنان
...يا حبيبى والله انت ظالمها البنت بتحبك وما بتحبش حد غيرك وده واضح جدا عليها وعلى تصرفاتها معاك
كأن كلامها اثلج صدره وبرد تلك النار التى كانت تشتعل بداخله
آسر بشك
_ بتحبنى ؟
..يعنى تفتكر لو مكنتش بتحبك كانت هتفضل مستحملاك بجنانك وعصبيتك معاها دى كل يوم والتانى
.. طب عارف انا كنت بتمنى اجوزك واحدة من عيلة غنية ومعروفة بس لما عاشرتها وعرفت هى اد ايه بنت طيبة وشوفت حبها ليك باين فى نظراتها ليك حبيتها ومتمناش ليك بنت غيرها ..
__ يعنى ايه عايزانى اتجوزها ٌ؟
__ وماله ياحبيبى مادام بتحبها وهى بتحبك انا يهمنى ايه غير سعادتك انت واخوك
تعرف انت كل الوساوس اللى فى دماغك دى عشان هى قريبة منك وفى نفس الوقت بعيدة عنك حاسس انها مش ملكك مش بتاعتك وممكن تضيع منك فى اى لحظة لكن لما يتقفل عليكم باب واحد قلبك هيرتاح وشوية شوية عقلك كمان هيطمن ويرتاح من ناحيتها وهتتعود عليها وعلى وجودها وتبقى سكنك وسكينتك وانت هتبقى رجلها وسندها وكل اللى ليها فى الدنيا
