على مذكرا /لأ... اوعه تكون رحت المحامى ده.
سيف/أيوه رحت الزفت ده.
على مأنبا/ليه بس كده يا سيف دى نقطه هتكون فصالحه هو قلتلك بلاش تسرع.
سيف بعصبية/على مش ده موضوعنا.
*ثم أعطاه ورقه بها اسم نادر بالكامل.
سيف/انا جيت اديك اسمه عايز اعرف عنه كل حاجه بيته. شغله. عيلته. ليه اخوات متجوز مخطوب كل حاجه وباسرع وقت.
على بتساؤل/ناوى على ايه يا سيف.. فهمنى.
*ابتسم سيف ابتسامه خبيثه/هتعرف فالوقت المناسب دلوقتى لازم امشى.
*ثم خرج متهربا من اى سؤال ثانى من على.
على بخوف/مش هيعديها انا عارف .. ربنا يستر.
*فى منزل الحاج فضل رضوان.
تعريف/فضل بيكون عم نادر وندا وحماه نادر ايضا فهو دائما يزورهم ويطمئن عليهم كما أن زوجته على علاقه طيبه بفاطمه ام ندا،خرجت سلوى من المطبخ لتنادى على ابنتها.
تعريف/سلوى هى زوجه فضل تبلغ من العمر ٥٢ عاما ولا تملك من اولاد غير بنت واحده.
سلوى وهى تمسك بطبق السلطه/فرح يلا يا فرح تعالى اتغدى ابوكى زمانه جاى يا حبيبتى.
*لتخرج فرح من غرفتها بتهكم.
فرح/ماشي يا ماما جايه اهو.
تعريف/فرح بنت عم نادر وندا وتحبهم كثيرا ولكن لنادر معذه خاصه فهو علاوة على أنه ابن عمها فهو أيضاً خطيبها ويحبوا بعض كثيرا.
المواصفات/هى تبلغ من العمر ال٢٣ عاما فتاه بسيطه ويزيد بساطتها جمالها الشرقى الخلاب فهى تمتلك عيون بنبيع واسعه وشعر اسود مموج وبشرتها صافيه و بالنسبه لنادر فهى قصيره ولكن جسمها رشيق ممشوق وطيبه القلب جدا وصديقه مقربه لندا.
*عندما رأتها أحست إنها متضايقه من شيئا ما!
سلوى بتساؤل/مالك يا فرح زعلانه كده ليه.
فرح بتهرب/مفيش يا ماما.
سلوى/لا فيه نادر مزعلك ولا ايه؟
*ما أن سمعت اسمه حتى تغيرت تعبيراتها الى الحزن.
سلوى/شوفتى... طيب ايه اللى حصل.
فرح بحزن/مكلمنيش النهاردة خالص.
فابتسمت سلوى/طيب يا حبيبتى ممكن يكون مشغول وعنده شغل كتير.
فرح مبرره/يا ماما انا مش طالبه يفضل يكلمنى طول النهار بس يطمنى عليه
سلوى/معلش يا حبيبتى اكيد لما يروح هيكلمك ساعتها اتصرفى معاه براحتك.
فرح/ماشى يا ماما.
*دخل الحاج فضل بعد أن فتح باب المنزل.
فضل بحب/متجمعين عند النبي ان شاءالله.
سلوى/احنا وانته امين.
*ذهبت فرح باتجاهه وعانقته.
فرح/بابا ربنا يخليك ليا يارب.
فضل وهو يقبل جبينها/ويخليكى ليا يارب.
ثم نظر لزوجته قائلاً/ايه مفيش اكل ده انا اعملكم جريمه قتل هنا.
سلوى مبتسمه/لأ ازاى ياحج ثوانى كله هيكون جاهز يلا يا فرح.
*ثم دلفوا سويا الى المطبخ لاحضار الطعام وكانت سلوى حريصه أن تؤكد على ابنتها أن تحل أمورها هى ونادر بدون شجار حتى انتهوا وخرجوا لتناول الغداء.
*. *. *. *. *. *
*فى منزل نادر كانت ندا و والدتها يحضرون الطعام بانتظار وصول نادر الذى وصل فى هذا الوقت،خرجت ندا من المطبخ لتضع الطعام على الطاولة وحيثما رأته ذهبت باتجاهه راكضه و عانقته بشده فبادلها عناقها بحب وخوف بنفس الوقت.
ندا وهى تتنفس الصعداء دليل على راحتها/كنت خايفه عليك اوى.
فربط نادر على ظهرها/متخافيش يا حبى انا تمام.
فنظرت لعينيه تحاول كشف الحقيقه/بجد يا نادر.
فقبل جبينها/أيوه بجد واللهى انا كويس طول ما انتو بخير.
*دمعت عين فاطمه التى رأت ذلك المشهد من بدايته فقالت بحنان ام معهود.
فاطمه/ربنا يخليكوا لبعض.
نادر وندا بابتسامه/آمين.
نادر ممازحا إياهم/انا كده هتغابا عليكم..فين الاكل.
ندا/يامااا. ملكش فالحظات العائليه خالص فصيل.
نادر بصوت عالى/جعاااان ياااا نااااس.
ندا بهلع/يخربيتك ايه الحنجرة دى.
فاطمه ضاحكه على اسلوبهم الطفولة/طيب يلا الغدا جاهز يا ولاد.
*جلسوا حول الطاوله وشرعوا فى تناول طعامهم مثل ما تعودوا دائما بصمت تام احتراما لنعمه الله.
*. *. *. *. *. *.
تفاااااعل يا حلويييين💖
