*ياسمين بوعيد/ بقى كده.. طيب انا هاوريه.
ندا مكمله/انا كنت عيزاكى تساعديني.. اخويا فرحه بعد بكره وسيف مش راضى يخلينى أحضره.
ياسمين بثقه/ازاي.. انا هاتكلم مع سيف واعتبرى طلبك مجاب.
ندا بسعاده /شكرا بجد.. انت طيبه اوي على فكره.
ياسمين بحب/ وسيف والله طيب يا ندا بس هو مش بيبقى عايز يبين ده..ما علينا قولي لي بقى يا ستي انتى مش بتيجي تقعدي معي ليه؟
ندا بحرج /مش عايزه ازعجك معايا.
ياسمين بتصحيح /تزعجيني ايه بس انتى زي اختي ...من هنا ورايح تيجي تقعدي معايا شويه كل يوم.
ندا بحب/ حاضر ..طيب انا هاروح اوضتى بقى تصبحي على خير.
ياسمين بود/ وانتى من اهل الخير يا قلبي.
*وبعد أن خرجت ندامن الغرفه رن هاتف ياسمين فأجابت على المتصل.
ياسمين /الو
على بحب /الو ازيك.يا ياسمين.
ياسمين بخجل /الحمد لله يا علي انت ايه اخبارك.
علي/ بخير الحمد لله.. معلش اني بتصل بيكي في وقت متاخر كده.
ياسمين/ لا عادي ولا يهمك.
علي/ ممكن اقابلك بكره؟
ياسمين/ بس انا بكره...
علي مقاطعا/ انا عارف انك بكره رايحه دار الايتام زي ما بتعملي كل اسبوع.
ياسمين بذهول /انت عرفت ازاي انا مش معرفه حد!
علي بعشق/ انا اعرف عنك كل حاجه يا ياسمين.. هاعدي عليكي بكره اوصلك هناك واستناكى تخلصي وبعدين نطلع نتغدا في اى مطعم ونتكلم.
ياسمين/ ماشي تمام يا علي.
*(معلومه) ياسمين من زمان تذهب لدار ايتام كل اسبوع لتقدم دعمها ولكونها تحب الاطفال كثيرا فهذا يسعدها نوعا ما ،ولكنها تذهب بدون معرفه احد.
""""""""""""""""""""""""""""""""
*باليوم التالي جاء بالفعل ليصطحب ياسمين الى دار الايتام بسيارته الخاصه، وبعد وقت كبير انجزت ياسمين ما تفعله ثم توجهوا لإحدى المطاعم المشهوره.
ياسمين باستفسار/ ها يا على كنت عايزني في ايه؟
علي بتوتر/ ياسمين انتى تعرفيني بقالك قد ايه؟
ياسمين بإجابة/من زمان من وأنا عندى 14 سنه.
علي مستفسرا /طيب ايه رأيك فيا؟
ياسمين بعدم فهم/من ناحيه ايه بالظبط؟
على موضحا/ياسمين أنا بحبك.. تقبلى أنى آجى اطلب ايدك يا سيف؟؟
ياسمين بصدمه/بتحبنى! ازاى يعنى،.. على انا مينفعش اتجوز😞
علي بذهول/ليه يا ياسمين بتقولى كده؟!ياسمين مكمله بحزن/ هقدم ايه للي هتجوزه وانا اقل حاجه مش بعرف اعملها لوحدي.
علي موضحا/ وانا اصلا مش عايزك تعملي اي حاجه.. كفايه انك هتدخلي حياتي وهاتنوريها.وانا هاكون جنبك على طول ومستحيل اجرحك والله.
*نزلت دمعه من عيونها الرماديه التي يعشقها هو.. هي بالفعل تحبه منذ الصغر وكان تتوقع ان حبها له من طرف واحد هي سعيده ولكنها حزينه ايضا خائفه من ان ياتي يوم عليها تندم على قرارها اذا حدث شيء بينهما.
*عندما راها تبكي امسك بيدها وربط عليها بحنان.
علي مشجعا/ والله بحبك يا ياسمين ومستحيل اندم على القرار ده ابدا ..واوعدك انتى كمان مش هتندمي، طيب والله بحبك وهاعترف بده قدام كل الناس اللي قاعده عشان تصدقيني.
