*فى شركه سيف بمكتبه الخاص كان يمشى ذهابا و ايابا،يفرك كفيه بغضب.
سيف بغضب/بقه لحد دلوقتى مقالتش لاخوها. انا هوريها.. لو مكنتش أعلمها الأدب. هى فاكره انها هتقدر تقف قصادى وتعاندنى.
*دلفت السكرتيره للداخل بعد أن طرقت الباب.
السكرتيره/استاذ سيف في اجتماع بعد نص ساعه.
سيف/كنسليه لوقت تانى.
السكرتيره/حضرتك كنسلته قبل كده مش هينفع..
سيف مقاطعا/يووو. مش بتفهمى شكلك. طيب حوليه لعلي يحضر بدالى.. ومش عايز أى مواعيد النهارده انا مروح.
*. *. *. *. *.
*فى الصعيد،كانت شروق جالسه بغرفتها التى أعدها اليها جدها مخصوصا لها فإستقباله لهم كان كبيراً،لا تنكر أنه طيب القلب ولكنها شعرت بالغربه.
شروق بضجر/يوووه.. انا زهقت من الأعده دى بقه.
*طرق الباب فظنت إنها والدتها.
شروق/ادخلى ياماما.
*دلفت فتاه بعمر شروق تقريبا ذو ملامح شرقيه خلابه وكانت ترتدى عبائه واسعه وحجاب ،وهى إلهام بنت عمها الأكبر صالح.
الهام بابتسامه/له.. انا مش امك. انا الهام بنت عمك لكبير صالح
شروق/إتفضلي ادخلى طيب.
الهام/لاجيتك. مش عتنزلى جولت اطلع اشقر عليكى شكلك خجلانه منينا عاد.
شروق محاوله فهم لغتها/لأ واللهى عادى.
الهام بلهجه شروق العاديه/ههه انا قولت اخضك الاول بعدين اكلمك عادى.
تنهدت شروق/ايه ده انتى بتتكلمى زينا اهو.. بس لغتكم تحسيها سريعه أو. ههههه.
الهام/متخافيش هتتعودى عليها بسرعه.
شروق/انتى بتتكلمى قهراوى حلو. اتعلمتيه فين.
الهام/عندنا هنا فالبلد مفيش علام للبنات غير الاعداديه وبس.. لكن أنا كنت عايزة اخد الثانويه اهى على الأقل احسن من الاعداديه.. ولما قلت لابوى وجدى الاول رفضوا بس وافقوا لما اخويا الكبير عمار قدملهم حل يرضى الطرفين.
شروق باهتمام/وايه هو الحل.
الهام مكمله/أنه يروح معايا واجرنا شقه أعدنا فيها وكنا بنيجى هنا فالاجازة لحد ما خلصت ورجعنا هنا.. فى ال ٣ سنين دول اتعرفت على بنات من عندكم وعلمونى طريقه كلامهم،عشان اعرف اتأقلم عالجو اسرع.
شروق بعفوية/اخوكى ده شكله بيحبك اوى أنه يوافق يروح مكان ميعرفوش ويعيش فيه بس عشان تحققى حلمك يبقه بجد بيحبك.
الهام/صدقتى عمار مش بيتحمل حد يزعلنى ابدأ
شروق بحزن/كان نفسي يبقه ليا اخوات بس دى مشيئه القدر.
الهام/اعتبرينى اختك ياشروق.
شروق/طبعا.. انا اصلا حبيتك اوى اوى.
الهام بلهجه صعيديه مداعبه/وانا عاد حبيتك جوى جوى.
شروق والهام/هههههه.
*. *. *. *. *
*كانت ندا مازالت نائمه بسبب الارهاق الجسدى والنفسي حتى آتاها صوت هاتفها معلن عن اتصال من رقم غريب انتفضت على اثر ذلك الصوت ردت دون أن ترى الرقم.
