You're still the one

Chapter 12

Ngayon

Habang nakayuko ako bigla kong naalala kung ano ang naging takbo ng relasyon namin noong mga nakalipas na araw, siguro ito na yung tamang oras para linawin ang lahat.

Gaano mo ko ka mahal? ramdam ko ang mabilis na pagtibok ng puso ko ng tanungin ko siya

Unti-unti namang nawala ang ngiti sa labi niya at naging seryoso ang mukha niya

Gaano kita ka mahal? pag uulit niya sa tanong ko

Kinakabahan ako sa isasagot niya, natatakot akong malaman kung ano pa ba talaga ang tunay na nararamdaman niya para sa akin.

Sa sobrang dami na naming hindi pagkakaunawaan siguro ito na yung oras para alamin kung meron pa ba siyang pagmamahal na nakalaan para sa akin dahil hindi ko na alam kung saan pa ba ko lulugar, ayoko na rin isipin na sa tuwing magkasama kami ang laging tumatakbo sa isipan ko ay kung hanggang kailan kami magiging masaya at mapunta sa hindi pag kakaunawaan.

Hmm? tiningnan ko siya sa kanyang mata

Tahimik lang siyang nakatingin sa aking mata.

Hmm? pag aantay ko ng sagot niya

Hindi ko alam pero may kakaibang nais na iparating ang mga mata niya, nakaguhit sa kanyang mata na mahal na mahal niya ako pero may halong lungkot ang mga ito, hindi ko alam pero nakaramdam ako ng takot at lungkot sa isasagot niya sa akin

Huwag mo na lang sagutin kung ayaw mo, sabi ko sa kanya sabay iwas ng tingin

Alam ko na rin naman kung anong isasagot mo, pinilit kong ngitian siya

Naramdaman ko ang mabilis na pag-ipon ng mga luha sa aking mata

Tara na? Punta na tayo doon sa hindi pa natin papupuntahan, tumayo agad ako at naunang maglakad

Kaya mo yan Lily huwag kang iiyak, sabi ko sa sarili ko habang naglalakad

Hindi ako sinabayan ni Ace sa paglalakad, pero alam ko na nasa likuran ko lang siya

Hindi ako iiyak, bulong ko ulit sa sarili ko para hindi ako tuluyang maiyak

Huwag mong sirain yung araw na to Lily, sabi ko ulit sa isipan ko

Natanaw ko na na malapit na kami sa aming huling pupuntahan sa Museum, bago pa kami tuluyang makarating doon ay huminga ako ng malalim at lumingon ng nakangiti kay Ace

Nakita ko na medyo naka tungo siyang naglakad

Tara? Naka ngiti kong pag-aya sa kanya

Inangat naman niya ang mukha niya at nginitian ng makita ako

Tara, nakangiti niyang sabi at pumasok sa loob ng magkahawak ang aming mga kamay.

Habang hinihila niya ko papasok hindi ko maalis ang mata ko sa magkahawak naming mga kamay, napakaraming tanong ang gumugulo sa aking isipan habang pinagmamasdan ko ito, hindi ko alam pero imbis na matuwa, nagsimulang mangilid ang mga luha sa aking mata.

Ang nararamdaman ko lang ngayon ay ang sakit na bumabalot sa aking dibdib.

Lily tingnan mo yung- teka anong problema? pag aalala niyang tanong

Tiningnan ko siya ng diretso sa kanyang mga mata habang nangigilid ang mga luha sa aking mata.

Bakit? Mahina niyang tanong habang nilalapit niya ang kanyang kamay sa aking pisngi

Naramdaman ko ang init ng kanyang palad at hindi ko na napigilan pa ang pagtulo ng mga luha sa aking mata

Mahigpit niya akong niyakap habang umiiyak.