My Most Stupid Mistake [COMPLETED]

CHAPTER THREE

CHAPTER THREE

KRISTINE'S POV

Nasaan ka nang hinayupak ka‽ Kanina pa ako paikot-ikot dito sa campus.

"Nasa klase ba 'yun? Teka—Umaattend ba 'yun ng klase‽"

"Nakakabaliw na ba ang pagiging sobrang matalino?" may biglang nagsalita.

Porkchop naman oh! Nasa corridor ako na papunta sa canteen. Ako lang mag-isa, nasa klase yung ibang students. Kaya sino yung nagsalita‽ "S-Sinong nandyan? 'Di ako natatakot sa multo!"

Weh? 'Di nga, Tine?

May narinig naman akong mahinang tawa. Apaka porkchop naman!

Sisigaw na sana ako nang may maaninag akong bulto ng tao na para bang nagalaw.

M-Mama!

"Kalma, Miss Kristine."

T-Teka... si ano 'to ha... "B-Bryle?"

"Masyado bang nakakatakot ang kagwapuhan ko?" Naglakad siya papalapit sa akin habang nakangiti. "Shouldn't you be in your class, Miss Kristine?"

"Drop the miss, and I should be, kung hindi niyo 'ko pinagtripan!" Naalala ko na naman ang ginawa nilang pagpapahiya sa akin.

"Not entirely my fault. I tried stopping them and be your knight."

"Well you failed, Mister Trying." Inirapan ko siya at aalis na sana nang may maalala. "Asaan ang magaling mong best friend ha‽"

Hindi ko alam kung bakit pero hindi ako naiilang na sigaw-sigawan si Bryle. "Well," tumabi siya sa akin at humarap sa way papuntang canteen. "diretso ka riyan, tapos kumaliwa, tapos kumanan, tapos yung pinakadulo na room, wala roon si Jai."

Hindi ko mapigilan ang sarili ko at binatukan ko siya. I was about to regret my move nang mapansing natawa siya at hindi nainis.

"Joke lang. Malamang nasa room na malapit sa school garden, kasama pa rin si—"

Hindi ko na narinig ang huling salita ni Bryle dahil nagmamadali akong puntahan 'yung bully na 'yun.

Kahit isang beses lang. As in one time lang, sasapakin ko yung lalakeng 'yun. Sayang yung lesson ngayon sa Intro to Psych! Mas binilisan ko ang pagtakbo ko papunta sa room na tinukoy ni Bryle.

"You told me you'll leave that guy!" narinig kong sigaw ni Jairo.

Aha! Nandito ka talagang hinayupak ka!

"Shh... 'Wag ka masyadong maingay, Jai. Alam mo namang nag-skip lang ako ng class for you eh. Don't do something na magpapahuli sa ating dalawa." May narinig ako na boses ng babae na nagpatigil sa akin sa pagbabalak kong pagpasok ng room.

Wait—I know that voice.

"Blaire, you promised me."

Pakiramdam ko huminto ang mundo ko. B-Blaire? As in Chad's girlfriend‽

"I need him, Jai. Alam mo namang nahihirapan na rin akong pagsabayin ang schedule ko sa volleyball at academics. I need Chad to pass college."

What the hell‽

"I can help you, Blaire. Uutusan ko yung iba na gawin ang homeworks and projects mo."

Napaangat naman ako ng kilay dahil sa mga nalalaman ko.

"You know I don't like that, Jai. Baka kumalat na lately I'm failing my classes. Plus kapag pinaalam natin sa lahat na girlfriend mo 'ko, baka madamay ako sa records mo or worse, sa gang fights niyo."