My Most Stupid Mistake [COMPLETED]

CHAPTER SIXTEEN

CHAPTER SIXTEEN

KRISTINE'S POV

And here we go, canteen duties!

Buti na lang hinayaan nila akong kumain ng lunch nang mabilis bago tumulong dito sa canteen.

"Ano 'ga ulit pangalan mo iha?" tanong ni Nanay Bernadeth, ang head nila rito sa canteen.

"Kristine po. Saan po ako tutulong?"

Pinunasan niya muna yung kamay niya bago humarap sa akin. "Pwede ka namang kumuha at magbigay ng orders ng mga estudyante, nandoon si Hershey o kung gusto mo, eh tumulong ka sa pagluluto, nandoon si Jon Jon na aalalay sayo. At ang pinakahuli ay paghuhugas ng pinggan, nandoon naman si Jaynilo. Lahat sila ay kapareho mo lamang ng taon sa pag-aaral, at mga naatasan ding tumulong dito sa Canteen," pagbibigay ni Nay Berna ng options ko. Bigla namang tumingin si Nanay sa likod ko at mukhang may kinausap. "Tutulong ka ba talaga, iho?" Wala naman sana akong dahilan para lumingon, kaya lang narinig ko ang boses ng nasa likod ko.

"Yes, Ma'am. Minsan lang naman po eh." Pagtingin ko, bumungad sa akin ang nakangiting Bryle. Eh‽

"Ayy hala sige... Narinig mo naman siguro kung ano-ano ang maaari niyong gawin dito. 'Wag lang kayo magkakalat sa lugar ko, 'wag tutunganga, at 'wag mag-iingay ng walang dahilan o isusumbong ko kayo sa principal, nagkakaintindihan tayo?"

"Opo," sabay naming sagot ni Mister Trying. Nang maka-alis si Nanay Berna, muli ko siyang nilingon. "Anong ginagawa mo dito? 'Wag mong sabihing tutulungan mo ko."

"Edi 'di ko sasabihin." Kinindatan niya ako bago siya nagsuot ng apron, hairnet, at plastic gloves. "Ms. Matapang, usong gumalaw. Baka mahuli ka ni Nanay Berna na nakatunganga, yari ka sa principal." Natatawang dumiretso si Mr. Trying papuntang kusina para tulungan si Jon Jon na magluto.

Marunong siyang magluto?

Napailing na lang ako at pumunta kay Hershey para tumulong. Saglit lang ay dumami na ang mga estudyante at nabusy kaming lahat.

"Ano pong order niyo?" normal kong tanong sa sumunod na estudyante.

"Hi! Can I please have Maria Kristine Abella?" Napaangat ako ng tingin sa nagsalita. Sasamaan ko sana ng tingin pero nakangiting Jairo ang nasa harap ko. "Well? Can I have her please?"

Bwisit na lalakeng 'to! Ba't parang nawala yung pagod ko nang makita ko siya? Umayos ka nga, Tine!

"Ahm... Nope! You can't have her, she's currently busy. So, care to state your order?" pananaray ko sa kanya.

"Well, kung 'di na siya busy, can I have her?" pamimilit niya.

"If you don't mind me saying sir," Tumingin ako sa pila sa likod niya bago tumingin ulit sa kanya. "but you're holding up the line."

"And I don't actually care. 'Di naman sila makakapagreklamo eh." Sinulyapan ni Jairo si Nathan na kumaway pa sa akin.

"And I do care, Mr. Jairo. Hindi kami makakaalis dito kung 'di pa tapos yung pago-order ng mga estudyante." Tinaasan ko siya ng kilay.

"Hayst! Fine, I give up. Pero 'di ka naka-assign dito mamayang break time, diba?"

"Lunchtime lang ako naka-assign."

"Good. Sabay tayo mamayang break time, sunduin kita sa room mo mamaya. Babye, Mrs. Guevarra."

"Ano mo 'ko? Nanay? Layas na!" pagtataboy ko sa kanya. Narinig kong tumawa yung mga estudyante sa likod ni Jairo.

Sinamaan naman niya 'yun ng tingin bago muling humarap sa'kin. "Hindi nanay ko, kundi nanay ng mga magiging anak ko," banat na naman niya.

"Gagawin mo pa akong surrogate mother, lumayas ka na nga." At tuluyan na nga siyang sumuko sa kababanat.