My Most Stupid Mistake [COMPLETED]

CHAPTER FOURTEEN

CHAPTER FOURTEEN

KRISTINE'S POV

"Jowa mo ba 'yun, pamangks? Ba't andami mo nang kaibigang yayamanin?" bungad agad sa akin ni Tita pagkapasok na pagkapasok ko ng bahay.

"Tita Winette naman eh. Hindi ko po 'yun jowa." Nagmano ako sa kanya at dumiretso sa kwarto kung saan sinundan niya pa rin ako.

"Sus pamangks. 'Di mo 'ko maloloko!" Tiningnan ko siya ng puno ng pagtataka. "Gusto ka nung binata, 'no?"

Opo. Kasalanan ng katangahan ko po feat the magic spell. Pero hindi ko masabi, nakakahiya naman kasi eh at baka 'di ako paniwalaan. "Hindi po, Tita. Ka-eskwela ko lang po 'yun."

"Ayy jusmiyo marimar! Ako pa talaga ang iyong niloloko ha?" Umupo siya sa tabi ko. "So, anong nangyari sa date niyo?"

"'Ta! Hindi po kami nag-date! Nakita mo naman po kung sino yung naghatid sa akin at nagyaya nung tanghalian po ah." Nandito na kasi si Tita sa bahay nung dumating kami ni Ayel.

"Aba'y bahala ka na ngang bata ka." Tumayo siya at naglakad papunta sa pinto ng kwarto ko bago muling nagsalita. "Nakapag-grocery na nga rin pala ako kaninang umaga. Makakapagluto ka na ng Tinolang Manok." Napangiti naman ako sa sinabi ni Tita pero naalala kong may gusto pala muna akong i-try.

Agad akong nagbihis ng pambahay at saka dumeretso sa kusina. Hmm... Spanish dish? Kinuha ko kaagad yung phone ko at nag-search sa Google.

Easy Spanish Recipes

01 Catalan Beef Stew - Estofado de Ternera a la Catalana

Nagcheck ako sa ref kung may beef kami. Haist! Wala.

02 Pork Chops a la Madrilene

Pero need ng paprika?

03 Salmon in Salsa Verde

04 Bacalao con Pimientos y Cebolla

05 Murcian Style Clams

Ano ba 'to? Ang hihirap naman.

Kanina pa ako focused sa pags-search to the point na 'di ko napansing katabi ko na pala si Tita at nakatingin na na rin siya sa phone ko.

"Anong hanap mo, pamangks? Pantalon? Shorts? Maong?"

"Tita naman eh. Umm... Anong madaling lutuin na Spanish dish?"

Tinignan ako ni Tita—Nope! More like tinitigan. "Hmm... Paella o caldereta."

"Hmm..." Sinearch ko yung mga sinabi ni Tita. Goat meat talaga dapat pero pwede rin in ibang meat kaya pork na lang.

After an hour or so, tapos na rin. Tinikman ni Tita at pasado naman daw.

"Kailangan kong mag-practice nang mag-practice."

"'Wag naman, pamangks. 'Wag mong sabihing araw-araw 'yan ang ulam natin."

"Ayy ayaw mo, Tita?" Natawa na lang ako nang sunod-sunod siyang umiling. Inayos ko na yung kakainan namin, magdidinner na rin naman eh, nang may kumatok. "Tita, may kumakatok po ata sa main door."

"Ayy hindi, pamangks, sa pinto ng kwarto mo yung kumakatok."

"Tita naman, ang daming sinabi."

"May sinasabi ka, pamangks?"

I let out a nervous laugh. "Wala po, Tita." Naglakad na ako papunta toon sa pinto at binuksan 'yon.

"Hey, may pinapabigay si cuz."