.
فى الساعة الخامسة خرجت من الشركة لتذهب تجلس على البحر كما قالت لتجد من يجلس بجانبها بهدوء يمد يده ليدثرها داخل حضنه لتقول هى بفزع:
ايه...مين
قال بابتسامة ودموع حبيسة عيناه:
انا تيم
ابتسمت ولكن تحولت ملامحها للحزن وهى تنظر عيناه قائلة بقلق:
مالك يا تيم انت هتعيط
تيم وبدأت دموعه فى الهطول :
هحكيلك قصة يا وعد وركزى فيها
قالت بحرج وهى تبتعد عن يده:
طب احكى وانت بعيد الناس تقول ايه
ابتسم عليها وبدأ يقول بدموعه التى تهطل:
زمان زمان خالص كان فيه اسرة سعيدة جدا متكونة من اب وأم بيعشقو بعض خلفو ولد وبنت الولد كان الكبير بيغير على امه بطريقة تهبل كان دايما يضايق اخته الصغيرة دلوعة البيت بس كان بيحبها اوى ابوهم كان صاحب أملاك كتير ورثها من عيلته وهو كبرها كان ليه اخ واحد اصغر منه بيدرس بره ويدير باقى الشركات دى امهم كانت ست رقيقة وهادية ورثت بنتها ملامحها وجمالها ورقتها المهم فى يوم من الايام ابوهم حب ياخدهم يخرجهم ويسافروا عشان ملكة البيت زعلانة .......عند هذه اللحظة بدأ نحيب وعد فى العلو غير قادرة ان تتحدث بالمرة
اكمل تيم حديثه بنبرة منكسرة مؤلمة:
راحو فعلا وفرحوا جدا يا وعد وهما راجعين وابوهم سايق وبيهزروا ويضحكو ويلعبو ..
اكملت وعد عند هذه الكلماء ببكاء يقطع القلب:
فجأة. عربية نقل كبيرة تضرب عربيتهم والحلم الجميل قلب كابوس العربية من شدة الصدمة انفجرت الأب ده جثته تتفحم ميلاقوش اللى يدفنوه والام جثتها تتشوه والولد جثته محدش لاقاها وكتير قالو انها ممكن تكون بقت أشلاء بسبب قوة انفجار العربية ميخرجش من ده كله غير واحدة مش عارفة اقول ده لحظها الحلو ولا لانها نحس ومش عايزينها معاهم
اقترب تيم منها معانقها ببكاء مرير بينما تبكى هى وتصرخ بحرقة وهى تضمه لها بلهفة:
كنت فين يا تيم كنت فين
تيم ببكاء وهو يمسح دموعها ويقول:
هقولك كل حاجة ...
Flash back
نادا الاب ابناءه بإرهاق قائلا :
يلا يا تيم يلا يا وعد كفاية كده يلا نروح
قالت هذه الجميلة صاحبة العيون العسلية بتوسل:
استنى شوية يا حبيبى سيبهم يتبسطوا بقالهم كتير مخرجوش
قال صهيب بخبث:
هما برضه اللى مخرجوش وسيبهم يتبسطوا ولا امهم هى اللى مش عايزة تروح
ضحكت بدلال قائلة:
الاتنين يا حبيبى الاتنين
قال صهيب بحزم مصطنع:
ملك بطلى دلع مش هضعف
ضحكت اكثر متشبثة بقميصه قائلة برقة:
وتهون عليك ملوكة حبيبتك تزعل برضه
قال صهيب بمكر:
تزعل وماله لينا بيت اصالحها فيه برضه
قالت بسرعة :
لا يا صهيب مش زعلانة خلاص يخربيت اللى يزعل منك يا اخى
أنت تقرأ
عن العشق أتحدث
Romantizmليست واحد بل خمسة فتيات لكل منهن قصة مختلفة عشق مختلف ولد فى اوقات مختلفة لكل منهن شخصية تتميز عن الاخرى لكل منهن حياة لا تمتلكها الاخرى ما احلاه التنوع حتى فى الجمال لكل منهن جمال صافى يميزها عن باقى الفتيات حتى الطباع مختلفة فهناك سليطة اللسان الم...
