BS04: Hiding The Killer's Son

Chapter 7

Vena's POV

"Naligpit na ba ang dapat na ligpitin?" tanong ko kay Linda habang binibihisan ko si Sky. Aalis na kasi kami ngayon sa Batangas, nag pasya ako na tumira muna sa bahay nina Linda sa probinsya, mas okay nang manirahan duon, malayo sa mga masasamang loob at sigurado akong hindi kami matutunton ni Skie roon. May trabaho siya dito eh, anong gagawin niya sa bukid? At isa pa malawak ang probinsya, mahihirapan siyang hanapin kami. Gagawin ko talaga ang lahat para maitago ko lang ang anak ko mula sa kanya. Malaki ang galit niya ngayon sa akin dahil sa ginawa kong pag iwan sa kanya, pero masaya ako dahil binigyan niya ako ng anak, kaya nga lang? Hindi ko inaasahan na may tinatago pala siyang sama sa loob niya. Hindi naman ganito noon si Skie eh, maalaga siya noon sa akin, hindi nambabae, laging sa akin lang nakakapit at sa akin lagi ang atensyon, hindi pa siya Doctor non, nag tra-trabaho pa siya sa kompanya ng kaibigan niya, pero sa tagal naming pagsasama, hindi ko man lang siya lubos na kilala. Pati nga totoo niyang pangalan hindi ko alam, ewan ko ba kung talagang minahal nga ako ni Sv or niloloko niya lang ako.

Nang gabing tumakas ako noon sa mansyon niya, nakita ko siyang kaharap niya ang magulang niyang patay na, wala man lang siyang emosyon sa mukha, may hawak pa itong baril at dumudugo ang kamay niya. Natakot ako sa kanya noon, hindi ko alam ang gagawin.

May kasalanan ako, nakipag-one night stand ako sa isang lalaki na naka mask, hindi ko inaasahan na siya iyon. Wala akong ka alam-alam sa mga oras na 'yon, lasing na lasing din siya, akala ko nga naalala niya ang gabing iyon pero hindi, hindi niya naalala.

Nang malaman kong buntis ako? Sigurado akong siya ang ama. Pinili kong lumayo layo noon dahil nasasaktan ako para kay Skie, paano kung malaman niyang buntis ako? At hindi niya pa ako naalala non.

'Yung taong naka mask, nakita ko kung paano niya patayin ang magulang niya, akala ko talaga hindi iyon si Skie, pero may pinatay siyang pamilya at akala ko pamilya niya iyon. Pinatay niya din ang girlfriend niya na sikat na model sa ibang bansa, bakit ginawa iyon ni Skie? Baka pamilya ng babaeng iyon ang pinatay niya. Nakakatakot siya, ang sama-sama niya na, pinatay niya na nga ang totoong pamilya niya, dinamay niya pa ang girlfriend niya at ang magulang nito. Hindi ako sigurado kung magulang nga ba 'yon ng babae. Pero sana hindi.

Nakilala ko si Jules dahil magkakilala sila ni Kitty, naging kaibigan ko din ang lalaking iyon, botong-boto nga si Amy at Daddy non sa kanya eh, si kuya naman ay botong-boto kay Skie, pero no'ng nalaman niyang nakipag hiwalay na ako kay Skie? Naging manok niya na rin si Jules. Buntis na ako no'n, hindi ko lang sinabi sa kanila dahil kinakabahan ako, hindi ko kilala ang ama ng batang nasa sinapupunan ko pero tandang-tanda ko ang maskara niya.

Hanggang sa may pumasok sa bahay namin, sinira nila ang bahay namin at pinatay ang mga mahal ko sa buhay. Walang awa! Walang awa niyang pinatay ang pamilya ko, hindi pa siya nakuntento, pinatay niya rin si Jules na naging boyfriend ko na. Pati sila Amy, I feel sorry for them, kasalanan ko ang lahat. That time akala ko naalala niya na ako, pero hindi! Gusto niya rin akong patayin. Gusto kong aminin sa kanya na may anak kami! Pero hindi ko gagamitin ang anak ko para lang mabuhay pa ako. Hindi ko sinabi, tiniis ko ang lahat, binaboy ako, nakakadiri! Para akong babaeng bayaran, nandidiri ako sa sarili kong katawan.

Lahat ng 'yon kagagawan ni Skie, pinapahirapan niya ako, sinasaktan niya ako. Minahal niya ba talaga ako? Bakit niya ako sinasaktan ng ganu'n?

Iniwan ko siya dahil may rason ako!
Natatakot din ako sa kanya dahil sa ginawa niya sa magulang niya!

Kaya noong umalis ako, pinaalam ko sa kanya na may lalaki na akong ibang mahal, ayoko na sa kanya, wala siyang pera! Hindi niya kayang bilhin ang mga gusto ko!

Lahat ng iyan ay gawa-gawa ko lang.

Alam kong kaya akong tustusan ni Skie noon, mayaman siya, pero hindi ko kayang humarap dahil buntis ako sa ibang lalaki na akala ko ay hindi siya!