၂၀၀၇ ခုနစ်
ဒီနှစ်တွေမှာ သူတို့နှစ်ဥိးအတူတူ ရှိ့ခဲ့ကြတယ်။ အပြန်အလှန် ကျီစယ်စနောက်ခဲ့ကြတယ် ၊ အတူတူရယ်မောခဲ့ကြတယ် ပြီးတော့ အတူတူကူညီ ဖေးမ ခဲ့ကြတယ်။
ထက်စစ်ဟန် ဒီနှစ်ကျောင်းဖွင့်လျှင် ကိုးတန်းတတ်ရတော့မည်ဖြစ်သဖြင့် အသက် ၁၅ နှစ်ပြည့်ပြီးသော လူရည်သန့်လေးတစ်ဦးဖြစ်နေခဲ့ပြီ။၅ ပေ ကျော်လာသော အရပ်နှင့် တင့်တယ်ခန့်ညားသော ရုပ်ရည်ကြောင့် လူအများ၏ အာရုံစိုက်ခြင်းခံရသော ကျောင်းသား တစ်ယောက်လည်း ဖြစ်လာသည်။ ကြွယ်ဝလှသော မိသားစု အရှိန်အဝါကြောင့် ထက်စစ်ဟန်၏ ချောမောသောဂုဏ်သတင်းသည်လည်း ကြိးသထက်ကြိးလာသည်။ခန်ညားပြီး ယောက်ကျားပီသ သော ရုပ်ရည်ကြောင့် ကောင်မလေးများအသည်းစွဲ ဖြစ်နေသည့်တိုင် ထက်စစ်ဟန် က ပုံမှန် ဆိုးပေတေ၍ ကောင်းနေတုန်းပင်ဖြစ်သည်။
ထက်စစ်ဟန်၏ စရိုက်မှာ မဟုတ်မခံစရိုက်မျိုး ဖြစ်ပြိး ဟုတ်လျှင်လည်းမခံ သော စရိုက်ဖြစ်သဖြင့် ဇေလင်းမောင် စိတ်ပင်ပန်းရသည်။နောက်ပိုင်းတွင် ထက်စစ်ဟန် တည်ငြိမ်လာလိမ့်မည်ဟု ဇေလင်းမောင် မျှော်လင့်ထားသည် ။
ဇေလင်းမောင်လည်း ဒီနှစ်တွေအတွင်းမှာ အပြောင်းလဲကြိး ပြောင်းသွားခဲ့တယ်။ ထက်စစ်ဟန် ကို မမှီသေးသည့်တိုင် ဇေလင်းမောင် အရပ်တွေအများကြိး ရှည်လာခဲ့သည်။ ပုသေးသေးကောင်လေး တစ်ယောက်အစား ပိန်သွယ်သွယ် အရပ်ရှည်ရှည်လူငယ်တစ်ယောက်အဖြစ် ဇေလင်းမောင် ကြိးပြင်းလာခဲ့သည်။ ဇေလင်းမောင်၏ မျက်နှာပုံစံ မှာ တော့အပြောင်းလဲကြိး ပြောင်းလဲသွားခြင်းမျိုး မရှိ့ပဲ ငယ်ငယ်က ပုံစံလေးကို ပုံကြိးချဲ့ထားသလို မျိုးသာဖြစ်သည်။
တစ်နေ့တွင် ထက်စစ်ဟန်ထက် အရပ်ပိုရှည်ရမည်ဟု ဇေလင်းမောင် ဆုံးဖြတ်ချက်ချထား သည်။
ဒီနှစ်တွေအတွင်း ကျောင်းတတ်ရက်တွေဟာ များသောအားဖြင့် စိုစိုပြေပြေ ရှိ့ခဲ့သည်။ ၃ နှစ်ကျော်ကာလအတွင်း ကျောင်းဆောင် ဟောင်းတွေ နေရာမှာ ကျောင်းဆောင်အသစ်တွေ နေရာယူ လာခဲ့ကြသည်။ အဆောင်သစ် တွေဆောက်ပြီးသည့်တိုင် အဆောင် ရှေ့ သရက်ပင်ကြိးကတော့ မပျောက်မပျက် ရှိ့နေဆဲ။ထိုသရက်ပင်ကြီးကို မြင်တိုင်း ဇေလင်းမောင် ရုံခန်းထဲ အေးစက်စက်အိပ်ခဲ့ရတဲ့ညတစ်ညကို မြင်ယောင်လာကာ ထိုသရက်ပင်ကို ဒေါသထွတ်ရသည်။
YOU ARE READING
Spring Of Breeze (Completed)
Teen Fictionအချစ်ဦးအကြောင်းပြောကြမလား ။ ၁၂ နှစ်ကနေ ၁၆ နှစ်အထိ့ ချစ်ခဲ့တဲ့လူတစ်ယောက်အကြောင်းကို ခေါင်းစဉ်တပ်မယ် ။နှစ်တွေကြာမြင့်လာရင်တောင် ဒီလူကိုချစ်နေဦးမှာမို့ အချစ်ဆုံးလို့လည်းထပ်ခေါ်မယ် ။
