The Secretive Professor (Freezell #7) [Completed]

Nineteen

LINDZZY

   

"Halika lumapit ka sa'kin," kanina pa 'ko nakikipagpatintero kay Jice. Gigil na gigil siya sa akin.

      

"Hindi ko nga kasi alam! Hindi ko rin naman nga kasi inaasahan," halos nagmamakaawa na ako sa kanya. Balak niya yata akong sapukin.

      

"Hindi ako natutuwa talaga sa'yo at sa asawa mo! LINDZZY JUSKO NAMAN! TUMATAE AKO NO'N BIGLA NALANG NAGWAWALA AT NANGALABOG SI KUYA SA PINTO NG BANYO! AKALA MAY GINAWA AKONG KALOKOHAN DITO SA SCHOOL, PAANO 'YANG ASAWA MO SA LANDLINE PA NAMIN TUMAWAG! SHUTANGENA TALAGA!" Angil niya sa akin sabay banta pa ng kamao niya.

        

"Hindi kasi alam ni Aeidan 'yong number mo. Tsaka ano ba kasing kinagagalit mo? 'Yong inakala ni kuya Jico na may mali kang ginawa sa school---"

      

"IYONG NAUDLOT 'YONG PAGTAE KO DAHIL SA KABA!" Putol niya sa akin na halata ko pa rin ang pagngingitngit niya.

         

"Jice naman, bati na kasi tayo!" Saka ako tumakbo patungo sa kanya at bigla siyang niyakap. "Sorry na. Mag-iingat na ako lagi promise."

      

"Pasalamat ka mas mahal kita kaysa sa tae ko. Naku Lindzzy kung hindi lang talagang tatamaan ka sa'kin ng matindi. Gabi na kasi bakit pumayag ka pang mautusan sa building na 'yon!? Minsan gusto kong ako nalang 'yong maggapos sa'yo, e!" Dagdag na sermon pa niya. Mukha talaga siyang mas may edad sa aming dalawa.
     
     

"Hindi na nga po mauulit---"

      

"Hindi na talaga mauulit, Lindzzy. Because if that thing happens again, I can't promise that I would still remain calm," singit ni Aeidan na ngayon ay kadarating dala ang jacket na kinuha niya sa opisina. Isinuot niya ito sa akin saka ako biglaang hinatak at niyakap sa harap mismo ni Jice.

      

"Huwow. Mga walang respeto sa single. Sa harap ko pa talaga ang mga walang konsiderasyon," singhal niya ngunit hindi siya pinansin ni Aeidan. Inilapit lamang nito ang labi niya sa tainga ko.

      

"I can't lose you. Hindi ko kakayanin," simpleng wika niya ngunit tagos na tagos sa kaibuturan ko.

     

"Pasensya ka na talaga---"

     

"Hindi ka na lalayo mula sa akin ngayon. I will be around you 24/7. I will be with you through night and day. Kapag ikaw ang nawala sa akin Lindzzy, handa akong pumatay, handa kong salungatin ang kahit na sino," putol niya sa akin. Ramdam ko ang sinseridad at tensyon niya sa mga binitawan niyang salita.

          

"EHEM! MAY SINGLE. EHEM! DINELAY N'YO NA 'YONG PAGTAE KO SIR, BAKA PWEDE NAMAN IUWI N'YO NA 'KO BAGO PA KAYO MAGLAMPUNGAN DYAN, EHEM LANG EHEM!" Uubo-ubong wika ni Jice kaya't napalayo sa akin si Aeidan at bumaling sa kanya.

      

"Thank you for your help, Ms. Saavedra---"

     

"Jice nalang po kasi nga Sir!"

     

"Thank you, Jice. Pasensya na rin sa abala. Alam kong inaalagaan mo ang Mommy mo," wika ni Aeidan sa kanya.