𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-14⚪

Unicode

Taehyung တစ်ယောက်အိမ်ပြန်​ရောက်​တော့ ဆရာ့ကိုမ​တွေ့ရတာ​ကြောင့် အလုပ်ကပြန်မလာ​သေးဘူးလို့​တွေးလိုက်တယ်။ ဆရာပြန်မလာခင် ညစာချက်ထား​ပေးလိုက်ရင် ပြန်​ရောက်တဲ့အခါကျ အလုပ်လုပ်စရာမလို​လောက်​တော့ဘူး။

အ​တွေးနဲ့အတူ ​ရေမိုးချိုးပြီး ညစာချက်ဖို့ပြင်လိုက်တယ်။ ဒါ​ပေမယ့်​ဟင်းချက်ဖို့ရေခဲ​သေတ္တာကိုကြည့်လိုက်​တော့ ဟင်းချက်စရာဘာတစ်ခုမှမရှိတာ​ကြောင့် စိတ်ဓါတ်ကျသွားတယ်။

သူထမင်းမစားရတာထက် ဆရာ့ကိုအပန်းမကြီး​အောင်လုပ်​ပေးဖို့ စဥ်းစားထားတဲ့အစီအစဥ်ပျက်သွားတဲ့အတွက်​ကြောင့် Taehyung ဝမ်းနည်းမိတယ်။ ဆရာကလဲဘာလို့ ချက်စရာ​လေးတစ်ခု​တောင်မရှိ​အောင် လုပ်ထားရတာလဲ။

စာလုပ်ဖို့ကျပြန်​တော့လဲလူကစိတ်မပါ။••••• တစ်ယောက်တည်း ဘာလုပ်ရမလဲ​တွေးရင်းနဲ့ ​ခေါင်းထဲမှာ​ပေါ်လာတာက ဆရာ့အခန်းထဲကိုဝင်ကြည့်ဖို့။ သန့်ရှင်း​ရေးလုပ်ရင်းနဲ့ အိမ်ရဲ့​နေရာအနှံ့ကို​ရောက်ဖူး​ပေမယ့် ဆရာ့အခန်းထဲကို​တော့ တစ်ခါမှမ​ရောက်ဖူး။

ကိုယ်ချစ်ရသူရဲ့ အခန်းမို့ဝင်ပြီးကြည့်ချင်​ပေမယ့် တစ်ဖက်ကစဥ်စားကြည့်ပြန်​တော့ အဲ့လိုမျိုးပိုင်ရှင်က်ုခွင့်မ​တောင်းဘဲ ဝင်ကြည့်တာ​ကောင်းပါ့မလားလို့။ ဒါ​ပေမယ့်သူမသိ​အောင် ခဏ​လေးပဲဝင်ကြည့်ရင်ရတာဘဲ။ ပစ္စည်းခိုးတာမှမဟုတ်တာလို့​တွေးမိပြန်​တော့ ဆရာ့အခန်းထဲဝင်ကြည့်ဖို့ သတ္တိ​တွေရှိသွားပြန်​ရော။

တကယ်လို့ဆရာ​တွေ့သွားရင်လဲ သန့်ရှင်း​ရေးဝင်လုပ်တာလို့ ​​ပြောလိုက်ရင်ရတာဘဲ။ အ​တွေးနဲ့အတူ ဆရာ့ရဲ့အခန်းထဲကိုဝင်ကြည့်လိုက်မိသည်။