𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-Final⚪

Unicode

"ကိုကို ထ​ပါဦး။ "

ညကအလုပ်အသစ်အတွက် ထပ်ပြီးစုံစမ်း​နေရတာ​ကြောင့် ညည့်နက်မှအိပ်​ပျော်သွားသည့်အတွက် နည်းနည်း​လောက်​နောက်ကျမှ အိပ်ရာထဖို့လုပ်ထား​ပေမယ့် လူကိုလှုပ်ရမ်းရင်း လာနှိုး​​နေတဲ့ Taehyung ​​ကြောင့်မထချင်ဘဲနဲ့ ထလာရသည်။

"ဘာဖြစ်လို့ လာနှိုး​နေရတာလဲကွာ။ ကိုယ်ညတုန်းက အလုပ်လုပ်​နေ​တော့ ပင်ပန်း​နေ​တာမသိဘူးလား။"

"ကျွန်​တော်လဲ ကိုကို့ကိုမ​နှောင့်ယှက်ချင်ပါဘူး။ အခုကဧည့်သည်​ရောက်​နေလို့ လာနှိုးရတာ။"

"ဧည့်သည် ဟုတ်လား။"

"ဟုတ်တယ်။ ကိုကို့မိဘ​တွေ​ရောက်​နေတယ်။"

"ဘာ"

"အဲ့ဒါ ကိုကိုရှိ​နေမှ အဆင်​ပြေမှာ​မို့လို့ လာနှိုးတာ။ကိုကို့မိဘ​တွေက ကျွန်​တော်တို့ကို​ပြောစရာရှိတယ်တဲ့။ မြန်မြန်ကိုယ်လက်သန့်စင်လိုက်​နော်။ ကျွန်​တော်ဒီမှာဘဲ ​စောင့်​​နေမယ်။"

သူ့မိဘ​တွေကို သူပါမှထွက်​တွေ့ရဲမည့်ပုံ​ပေါက်​နေတဲ့ Taehyung ​ကြောင့် Jungkook စိတ်မ​ကောင်းဖြစ်မိပြန်သည်။ အခု​နောက်ပိုင်း အရင်ကထက်ကြံ့ခိုင်လာတယ်လို့ထင်ရ​ပေမယ့် ဒီ​ကောင်​လေးက စိတ်အားငယ်တတ်တုန်းဘဲ။

"ကိုကို အဲ့မှာရပ်ပြီးဘာ​တွေ​တွေး​နေတာလဲ။ ကိုကို့မိဘ​တွေကို​စောင့်ခိုင်းထားရတာ အားနာစရာကြီး။ "

"အင်းပါ။ ကိုယ် မြန်မြန်လုပ်လိုက်မယ်။ခဏပဲ။"

​ရေချိုးခန်းထဲတွင် Jungkook စဥ်းစားမိသည်က သူ့မိဘ​တွေက ဒီအထိ​ရောက်လာခဲ့ပြီဆို​တော့ တစ်ခုခုကိုဆုံးဖြတ်ချက် အ​သေအချာချပြီးပြီဆိုတာ ကျိန်း​သေ​နေသည်။ ​ကောင်းတဲ့ဆုံးဖြတ်ချက်ပဲ ဖြစ်ပါ​စေ။ သူနဲ့ Taehyung အတူ​နေ​နေရ​ပေမယ့် Taehyung ကိုအခက်အခဲ​တွေနဲ့ ထပ်ပြီးမ​တွေ့ကြုံ​စေချင်​တော့ပါ။

သူ့အတွက်ကြုံ​တွေ့​နေရတဲ့ အခက်အခဲ​တွေကဘာမှမဟုတ်​ပေမယ့် Taehyung က​တော့သူ့ဘဝတစ်​လျှောက်လုံးကို ပင်ပင်ပန်းပန်း​နေလာခဲ့ရတာ။ သူ့​ကြောင့်ပင်ပန်းတာမျိုးကို မလိုချင်​တော့ဘူး​လေ။