𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-13⚪

Unicode

  Jungkook တစ်​ယောက်ကား​မောင်း​နေရ​ပေမယ့် သူ့​ဘေးကချစ်ရတဲ့သူ​လေးဆီကိုသာ စိတ်က​ရောက်​နေမိသည်။ ဒါ​ပေမယ့် သူကကား​မောင်း​နေရတာ​ကြောင့် Taehyung ကိုမကြည့်မိ။

     သူ့အ​မေဆုံးသွားပြီးတဲ့​နောက် စိတ်အားငယ်​နေတဲ့ Taehyung  ကိုအတတ်နိုင်ဆုံး​စောင့်​ရှောက်​ပေးခဲ့သည်။ အ​မေဆုံးသွားလို့ ​သောက​ရောက်​​နေတဲ့​ကောင်​လေးကို အိမ်ပိုင်ရှင်က မညှာမတာအိမ်​ပေါ်ကဆင်းခိုင်းသည်ကိုသိရ​တော့ အရင်ကထက်ပိုပြီး​စောင့်​ရှောက်ချင်မိလာသည်။

    အစက​တော့ Taehyung ကို​နေလို့အဆင်​ပြေတဲ့​နေရာ​​လေးတစ်ခုရှာ​ပေးဖို့ စိတ်ကူးထား​သော်လဲ တကယ်တမ်းစဥ်းစားကြည့်​တော့ Taehyung  ကိုသူနဲ့အ​ဝေးမှာစိတ်မချနိုင်။ Taehyung ကအရင်တည်းက သူ့အလုပ်သူလုပ်ပြီး ​ကျောင်းတက်​နေတဲ့​ကောင်​လေး​ပေမယ့် စိတ်​ရော၊လူ​ရောအရမ်းနုနယ်လွန်းတာ​ကြောင့်ပင်။

     သူလဲအိမ်မှာ တစ်​ယောက်တည်း​နေနရတာ​ကြောင့် Taehyung ကို​ခေါ်ထားဖို့ဆုံးဖြတ်လိုက်မိသည်။ Taehyung ဘက်ကလဲလိုက်​နေဖို့သ​ဘောတူခဲ့တာ​​ကြောင့် အခုဆို Taehyung ကိုသူ့အနားမှာပင် ထားပြီး​တော့​စောင့်​ရှောက်နိုင်​တော့မည်။

     အခုလို Taehyung ကိုသူ့အိမ်မှာ​ခေါ်ထားတာက အခွင့်အ​ရေးယူချင်တဲ့မရိုးမသားစိတ်တစ်ခုမှမပါ။ ချစ်ရတဲ့သူကို အနီးကပ်​စောင့်​ရှောက်ချင်ရုံသက်သက်သာ။

       အမှန်အတိုင်း​ပြောရရင် Taehyung ကို အချိန်ပိုင်းအလုပ်​မလုပ်​စေချင်ပါ။ Taehyung လိုပုံစံမျိုး​လေးက ​ယောက်ျား​ရော၊ မိန်းမ​ရောမျက်စိကျ​လောက်တဲ့ရုပ်​လေးမို့ စိတ်မချနိုင်။

       သူကိုယ်တိုင်ကျ ဖွင့်မ​​ပြောဖြစ်​ပေမယ့် Taehyung ကိုလက်မြန်တဲ့လူတစ်​ယောက်​ယောက်ရဲ့ လက်ထဲကိုပါသွားမှာကို​​တော့ စိုးရိမ်သည်​လေ။ ​သေချာဆန်းစစ်ကြည့်ရသ​လောက်​တော့  Taehyung ကအရိုးခံ​ကောင်​လေးတစ်​ယောက်ပါ။ Jaehee လိုမာယာများတတ်တဲ့ပုံမ​ပေါ်။ ဒါ​ပေမယ့် အခုအချိန်မှာ Taehyung  ကိုသူဖွင့်​ပြောလိုက်ရင် အခွင့်အ​ရေးယူသလိုဖြစ်သွားလိမ့်မည်။