𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-26⚪

Unicode

Taehyung တစ်​ယောက် Jungkook ရဲ့အ​မေချိန်းဆိုထားတဲ့ ဆိုင်မှာ​စောင့်​နေမိသည်။ ဒီ​နေ့က Jungkook ရဲ့အလုပ်နားရက်မို့လို့ ​ဈေးခဏသွားမယ်ဆိုပြီး ထွက်လာခဲ့တာ။ ဒါ​တောင်သူ့ကို စိတ်မချလို့အတင်းလိုက်ဖို့​ပြော​နေ​သေးတာ​ကြောင့် နားရက်ကိုအိမ်မှာ ​အေး​အေး​​ဆေး​ဆေး​နေပါလို့ ​ပြောကာထားခဲ့ရသည်။

ကိုကို့ရဲ့အ​မေက သူ့ကိုတစ်​ယောက်တည်းလာဖို့ မှာထားသည်​လေ။

Jungkook ရဲ့အ​မေမ​ရောက်လာ​သေးခင် Taehyung တစ်​ယောက်စဥ်းစားမိသည်က စိတ်​ရော၊လူ​ရောပင်ပန်း​နေပုံ​ပေါက်သည့် Jungkook ရဲ့အ​ကြောင်းကို။ ဘာ​တွေအဲ့​လောက်​တောင် စိတ်ညစ်စရာရှိ​နေတာလဲ။

တော်ရုံတန်ရုံအ​ကြောင်းကို စိတ်ထဲသိပ်မထည့်တတ်တဲ့ ကိုကိုကအခုလို ဖြစ်ပျက်​နေတာကိုကြည့်ရတာ Taehyung တကယ်စိတ်မချမ်းသာဖြစ်မိသည်။ သူတို့နှစ်​ယောက်ကြားထဲမှာ ဘာလျို့ဝှက်ချက်မှမရှိရဘူးလို့ ​ပြောထားတဲ့ကိုကိုက သူဘာဖြစ်​နေတာကိုမ​ပြောဘဲ တစ်​ယောက်တည်း ကြိတ်ခံစား​နေတယ်ဆို​တော့ သူ့မိဘ​တွေများ ပတ်သတ်​နေတာလားလို့ပင် Taehyung ​တွေးမိသည်။ တစ်​ယောက်နဲ့တစ်​ယောက် ဘယ်​လောက်ပဲချစ်ချစ် ကိုယ့်​ကြောင့်ကိုယ်ချစ်ရတဲ့သူ ပင်ပန်းရတာမျိုးကို Taehyung မလိုချင်ပါ။

ဒါ​ပေမယ့် အရမ်းချစ်တဲ့ချစ်သူနှစ်​ယောက်အတွက် အပင်ပန်းဆုံး ကိစ္စကတစ်​ယောက်နဲ့တစ်​ယောက်ကွဲကွားသွားတာဘဲ။ အဲ့ဒါ​ကြောင့် ဘာကိစ္စ​တွေဖြစ်လာဖြစ်လာ ကိုကို့ကိုထားမသွားဖြစ်​အောင် အတတ်နိုင်ဆုံး ကြိုးစားသွားမည်။

သူ့ဘဝမှာ Jeon Jungkook ဆိုတဲ့လူသားကလွဲရင် ဘာပိုင်ဆိုင်မှုမှ ရှိတာမှမဟုတ်တာ။ အဲ့ဒါ​ကြောင့် အသက်ရှင်​နေတဲ့ကာလတစ်​လျှောက်လုံး ဖက်တွယ်ပြီး​နေသွားချင်တာက မမှားဘူးလို့​တော့ထင်မိသည်။

အချိန်နည်းနည်း​လောက်ကြာ​တော့ သူ့အ​ရှေ့ကို ​ရောက်လာတဲ့ ကိုကို့ရဲ့အ​မေ။

"​စောင့်​နေရတာ ကြာပြီလား။"

"မကြာ​သေးပါဘူး။ ကျွန်​တော့်ကို​ပြောစရာရှိတယ်ဆိုလို့ လာခဲ့တာပါ။"