𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-23⚪

Unicode

TV ဖွင့်ထား​ပေမယ့် ဘာ​တွေလာ​နေလဲဆိုတာ Taehyung မသိပါ။ မနက်တုန်းက ကြားခဲ့ရတဲ့အ​ကြောင်းအရာ​တွေကိုပဲ ထပ်တလဲလဲစိတ်​ရောက်​နေမိသည်။ အရင်ကစိတ်အ​ခြေအ​နေနဲ့ဆို ကိုကို့ရင်ခွင်ထဲတိုးဝင်ကာ ကြားခဲ့ရတာ​တွေကိုဖွင့်​ပြောရင်း ငိုချလိုက်မိမှာ။ အခုက​​တော့ ဘာမှမဖြစ်ချင်​ယောင်​ဆောင်ပြီး TV ထိုင်ကြည့်​နေမိသည်။

ကိုယ့်ကိုလုံးဝလက်မခံနိုင်ပဲ ​ပြောဆို​နေသည့်စကားသံ​တွေ​ကြောင့် ဝမ်းနည်းမိ​ပေမယ့် ကိုယ့်အတွက်​ကြောင့်နဲ့ သူ့မိဘ​တွေ​ပြောသမျှ​​ခေါင်းငြိမ့်မခံဘဲ ကိုယ့်ဘက်က​နေအပြည့်အဝရပ်တည်​ပေးခဲ့တဲ့ ကိုကို့ကို​တွေးကြည့်မိ​တော့ ဒီအချိန်မှာသာ သူငို​နေဦးမယ်ဆိုရင် ကိုကို​ပင်ပန်းရလိမ့်မယ်။ ​တော်​တော်လဲစိတ်ညစ်ရမှာ။

ဒီအတိုင်း​လေး ဘာမှမကြားချင်​ယောင်​ဆောင်ပြီး​နေတာက အ​ကောင်းဆုံးဖြစ်မှာပါ။ ဒါ​ပေမယ့်ဒီအတိုင်းကြီး အမြဲ​နေသွားလို့ရမှာ​တော့မဟုတ်ဘူး။ ကိုကို့မိဘ​တွေက ကိုကို့ကို​တခြားတစ်​ယောက်နဲ့သာ​တွေ့​ပေးခဲ့ရင် ဘယ်လိုလုပ်မလဲ။

ကိုကိုက​​တော့သူ့ကို သစ္စာမ​ဖောက်ဘူးဆိုတာကို ယုံကြည်​ပေမယ့် သူ့မိဘ​ဆွေရဲ့စကားကိုမလွန်ဆန်နိုင်ရင် ဘယ်လိုလုပ်မလဲ။ ​တစ်​ယောက်တည်းတွေးရင်းနဲ့ ရင်​တွေ​မောလာရသည်။ ဒါ​ပေမယ့်သူငိုမှာမဟုတ်ဘူး။ အရင်တည်းက အားနည်းချက်​တွေအပြည့်ရှိ​နေတဲ့သူ့အတွက် အားနည်း ချက်​တွေနည်းသထက်နည်းလာ​အောင်ကြိုးစားရမယ်။

အားတိုင်းရှိငိုဖို့ဘဲ စဥ်းစား​နေမယ့်အစား ဒီထက်ပိုပြီးရင့်ကျက်လာ​အောင်ကြိုးစားရမယ်။ အရာရာကိုအားငယ်တတ်တဲ့ အကျင့်စရိုက်ကိုပြင်နိုင်​အောင်ကြိုးစားရမယ်။

"ဘာ​တွေ​တွေး​နေတာလဲ။"

ကိုကို့အသံကိုကြား​တော့မှ သူ့​ဘေးမှာကိုကို​ရောက်​နေမှန်းသိရသည်။ အဲ့​လောက်ကိုအ​တွေး​တွေများ​နေတာ။ ကိုကိုက​တော့မနက်တုန်းက သူ့မိဘ​တွေ​ပြောခဲ့တဲ့အ​ကြောင်း​တွေနဲ့ပတ်သတ်ပြီး စကားဟ​​တောင်မဟ​ပေ။ သူကိုယ်တိုင်ကြိုးစားပြီး​ဖြေရှင်းမယ်လို့ စဥ်းစားထားသည့်ပုံ။ ဒီလိုအချိန်မျိုးမှာ သူစိတ်ညစ်​အောင်လုပ်မယ့်အစား သူ့ကို​ပျော်​အောင်လုပ်​ပေးရမယ်ဆိုတာကို Taehyung
စဥ်းစားမိသည်။