𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-19⚪

Unicode

Taehyung တစ်​ယောက်အခန်းတံခါးကို ပိတ်ကာငို​နေမိသည်။ မျက်လုံးထဲမှာလဲ ခုနကအမျိုးသမီးနဲ့ ​ပျော်ရွှင်​နေတဲ့ကိုကိုရဲ့ ပုံရိပ်​​တွေကိုသာမြင်​ယောင်​​နေမိသည်။ ဘာလို့လဲ။ ကျွန်​တော်ဘာအမှားများလုပ်မိလို့လဲ။

အခုလိုသစ္စာဖောက်မှာဆို အစတည်းကချစ်တယ်လို့မ​ပြောခဲ့ပါနဲ့လား။ Taehyung အတွက်အခံရအခက်ဆုံး ကိစ္စက ကိုကိုကသူ့ကိုမြင်ရက်နဲ့အ​နောက်က​နေတန်းလိုက်မလာဘဲ ဟိုမမကို အသည်းအသန်ရှင်းပြ​နေတာကိုပင်။

ကျွန်​တော်က သစ္စာ​အဖောက်ခံရတာကို အမုန်းဆုံးဘဲ။ ကိုကိုက သူကိုယ်တိုင်​တောင် သစ္စာဖောက်ခံခဲ့ရတာကို​တောင်မှ ကိုယ်ချင်းစာစိတ်မရှိဘူး။ တကယ်လို့​နောက်တစ်​ယောက်​တွေ့​နေပြီဆိုရင်လဲ သူ့ကိုလမ်းခွဲခိုင်းပါလား။အခုလိုမျိုး သစ္စာဖောက်ရလား။

တကယ်လို့ကိုကိုသာ ကျွန်​တော့်ကိုမချစ်​တော့ဘူးလို့​ပြောရင် ကျွန်​တော်က​နောက်ဆုတ်​ပေးမှာ​ပေါ့။ ဘာလို့အခုလို လုပ်ရတာလဲ။

"Taehyung အခန်းထဲမှာမလား။ တံခါးဖွင့်​ပေးပါဦး။"

ကျွန်​တော်ကသာ တစ်​ယောက်တည်း ကမ္ဘာပျက်​နေတာကိုကို့ရဲ့​လေသံက ပုံမှန်အတိုင်းပဲတည်ငြိမ်​နေလိုက်တာ။ ဘာမှမခံစားရဘူးလား။ ဒါမှမဟုတ် ကျွန်​တော်က ​ကိုကိုဘာ​ပြော​ပြော ငြိမ်ခံ​နေတတ်လို့ ကျွန်​တော့်ကိုအထင်​သေးတာလား။

ကိုကိုသာ ကျွန်​တော့်ကိုဆက်ချစ်​​​ပေးမယ်ဆိုရင် အခုလိုလုပ်ရပ်မျိုးကို မမြင်ချင်​ယောင်​ဆောင်ပြီး ​​နေဖို့ကြိုးစားဆိုလဲ ကြိုးစားနိုင်ပါတယ်။ ကျွန်​တော့်ကိုဘာမှမ​ပြောဘဲနဲ့  ကိုကို့စိတ်ကြိုက်မကစားပါနဲ့။

​တွေးရင်းနဲ့ မျက်ရည်​တွေကပိုမိုစီးကျလာသည်။ အခန်းပြင်က Jungkook ကတံခါးဖွင့်​ပေးဖို့ ​ပြော​နေတဲ့စကားသံကိုကြား​နေ​ပေမယ့် မကြားချင်​ယောင်​ဆောင်​နေလိုက်မိသည်။

သစ္စာအ​ဖောက်ခံရတာ​လောက် ခံပြင်းဖို့​ကောင်းတဲ့ အရာမရှိတာမို့လို့ ဘာမှမ​ပြောဘဲ ဒီအတိုင်း​နေချင်မိသည်။ Jungkook အတွက်သူဟာ စိတ်ရှုပ်စရာ​ကောင်းတဲ့လူတစ်​ယောက်ဖြစ်​နေရင်​တောင် အခုအချိန်မှာ​တော့ သူ့စကားကိုနားမ​ထောင်လို့ စွန့်ပစ်ခံရမယ်ဆိုရင်​တောင် စွန့်ပစ်ခံလိုက်မည်။ ဒါကသူ့မှာ​နောက်ဆုံးရှိ​နေတဲ့ မာနတစ်ခုပင်။