𝐌𝐈𝐒𝐓𝐘-[ 𝐂𝐨𝐦𝐩𝐥𝐞𝐭𝐞𝐝 ]

⚪Misty-24⚪

Unicode

"Taehyung ထ​တော့​လေ။ "

ပုခုံးကိုလှုပ်ကိုင်ကာ လာနှိုးတဲ့အထိအ​တွေ့​ကြောင့် Taehyung နိုးလာခဲ့သည်။ သူအိပ်​ပျော်သွားခဲ့တာဘဲ။ အပြင်ဘက်ကိုလှမ်းကြည့်လိုက်​တော့ ​​မှောင်မဲ​နေကာ သူသိပ်ပြီးရင်းနှီးမှုမရှိတဲ့အိမ်ကြီးတစ်အိမ်ရဲ့ပုံရိပ်ကို မပီဝိုးတဝါးမြင်​နေရသည်။ သူဘယ်​ရောက်​နေတာလဲ။ လက်ကနာရီကိုကြည့်လိုက်မိ​တော့ မနက် ၂နာရီ​တောင်ထိုး​တော့မည်။  အချိန်ကအဲ့​လောက်​တောင်ဖြစ်သွားတာလား။

"နိုးလာပြီလား။ ကား​ပေါ်မှာမအိပ်နဲ့​တော့။ အိမ်ထဲသွားရ​အောင်။"

သူ့ကိုပြုံးပြီး​ပြောလာတဲ့ ကိုကို။ အခုအချိန်ထိ ဘာ​တွေဖြစ်​နေတယ်ဆိုတာကို Taehyung ​သေချာနားမလည်နိုင်​သေး။ 

"ကျွန်​တော်တို့ဘယ်​ရောက်​နေတာလဲဟင်။"

"Busan မှာရှိတဲ့ကိုယ့်အိမ်ကို။"

ကြားလိုက်ရတဲ့စကားသံ​ကြောင့် အိပ်ချင်​နေတာ​တွေ​တောင်ဘယ်​ရောက်သွားမှန်းမသိ။ ဘာကိစ္စများဖြစ်လို့ Seoul က​နေ Busan ကိုညတွင်းချင်းကား​မောင်းလာရတာလဲ။ ​သေချာကြည့်မိ​တော့မှ ကားထဲမှာရှိ​နေတဲ့အထုပ်အပိုး​တွေ။ နားမလည်နိုင်စွာဖြင့် ကိုကိုသွားတဲ့​နောက်ကိုသာ ဒီအတိုင်း​လေးလိုက်သွားမိသည်။

အခန်းတစ်ခန်း​ရှေ့​ရောက်​တော့ Jungkook ကတံခါးဖွင့်​ပေးကာ

"ဒီအခန်းမှာက​လေး အိပ်လို့ရတယ်။ ညည့်နက်​နေပြီမို့လို့ အနားယူလိုက်​တော့။ မနက်ကျမှ က​လေးသိချင်​နေတာ​တွေကို ကိုယ်​ပြောပြမယ်။ "

"ဟင့်အင်း။ အခု​ရှင်းပြ​ပေး။ ဘာလို့ဒီကို​ရောက်​နေရမှန်း မသိဘဲနဲ့ဒီညအိပ်​ပျော်မှာမဟုတ်ဘူး။ ကျွန်​တော်တို့​တွေ ဘာဖြစ်လို့ဒီကို​ရောက်​နေကြတာလဲ။ "

Taehyung ရဲ့​မေးခွန်း​ကြောင့်သက်ပြင်းချလိုက်မိတဲ့ Jungkook ။ ဘာဖြစ်လို့​ရောက်​နေတယ်ဆိုတာကို ​ပြောပြချင်​ပေမယ့် ​ပြောရခက်​နေသည်။ ဒါ​ပေမယ့်ပြန်ပြင်လို့မရတဲ့ ကိစ္စတစ်ခုကိုလုပ်ဖို့သူဆုံးဖြတ်ခဲ့ပြီးပြီဘဲ။ အဲ့ကိစ္စမှာတိုက်ရိုက်ပတ်သတ်​နေတဲ့ ကာယကံရှင်ကိုသူ​ပြောသင့်သည်မလား။