نبضات القلب♡
للكاتبة رقية_ليث
البارت الاول
.
.
.
.
مهيمن...شنووو لك حاتم شكاعد تحجي شلووون صار
ايي ايي جاييي راح اسد المحل و اجي
قفلت المحل و ركضت ركبت السيارة و توجهت للمستشفى
تخبلت من حاتم خابرني و كلي رزان سوت حادث
كمت اسوق بسرعة بعد مااندل دربي و مااشوف شيء
حسيت الدنيا سودت بوجهي
وصلت للمستشفى شفت اهلها منهارين كلها تبجي
ها حاتم بشر يمعود شلونها؟؟؟
حاتم: والله يا خوية منعرف كلشي دخلوها للعمليات و كاعد ننتظر لحد الان ما طلعوا و منعرف شنو الوضع
ظليت واكف عل صفحة ادعي و اقرا ايات ربي يكومها بالسلامة لان مااكدر
اعيش بدونها
هي روحي شلون الاونسان يكدر يعيش بدون روحة
طلع الدكتور و كلنا ركضنا علية
ها دكتور بشر شلون صارت؟!
الدكتور: حالتها حاليا حرجة و عدها كسور و ضرر بالدماغ
و داخلة بغيبوبة حاليا منكدر نكللكم شنو وضعها بالضبط
ادعولها الله يكومها بالسلامة لان الحادث جان كلش قوي و سببلها اضرار قوية
حسيت كلام الدكتور مثل الصاعقة مستحيل روحي و حياتي
اخسرها مااكدر اعيش بدونها
شلون اكمل حياتي بدونها هاي الي حاربت الكل علمودها
حسيت دموعي نزلا لا اراديا ظليت ابجي عليها مثل الطفل
حاتم: كول يالله يمعود ان شاء الله تكوم بالسلامة
مهيمن مدنك و ابجي و حاط ايدية عل وجهي حسيت الدنيا اسودت بعيني:
حاتم شلون اهدء و هاي روحي الي نايمة جوة و مااعرف شنو وضعها
ام رزان: كلة بسببك انت السبب بكل الي كاعد يصير
مهيمن رفعت راسي: عمة شبيج كولي يالله
ام رزان: انت السبب بكلشي اني كتلها من البداية هذا ميناسبج لترتبطين بي بس هي ما سمعت كلامي و شنو هاي النتيجة
ابو رزان: ام رزان شبيج لتنسين احنه بالمستشفى و الي جوة بنتج و الي واكف كدامج خطيبها نصي صوتج
ام رزان تبجي و تحجي: هو هو السبب هو الي شجعها تتعلم السياقة و هو الي سوالها واهس هو السبب
ابو رزان: ليان اخذي امج خلي تغسل و تصحصح عل نفسها مكاعد تعرف شتحجي
ام رزان: مااتحرك خطوة وحدة اله تصحى بنتي
ابو رزان عاط بيها: ليييييان تعاييي اخذي امج يلة بسرعة
حاتم: يابة اهدء المستشفى كلها تباوع علينا
ابو رزان: مكاعد تشوف امك شتحجي احنه وين وهي وين
عمي اعذرنا مجانت واعية شتحجي
مهيمن: معذور عمي معذور انتوا مثل اهلي
ظلينا ننتظر عل اعصابنا و الوضع مشحون و ام رزان تباوع علية و ما عاجبها الوضع و كأن اني الي تسببت بالحادث
متعرف هي الي نايمة جوة هي كلشي بالنسبة اليه و مااكدر بدونها
اتصلوا اهلي و اطمنوا و كالوا راح نجي للمستشفى
ورة ساعة اجوا للمستشفى سلموا و اطمنوا عل الوضع و ظلوا كاعدين يمنا
ام مهيمن: شوف امها راح تاكلك اكل ليكلك كتلت بتها من عابت لهل الوجه
مهيمن: يمة صدك جذب وقت هذا الحجي فوك متدعين لرزان كاعدة تحجين هيج
ام مهيمن: اكعد ادعي انت يمه ادعي اني خلي احير بأمها و لا اتحمل اشوف جهرتها
شوف اختها و لا كأنما جاية للمستشفى شوف اللبس و المكياج بنات تالي وكت
مهيمن: استغفرالله ربي عفتها و طلعت للحديقة مال المستشفى
حسيت نفسي مخنوك مااكدر اتنفس ظليت كاعد بالحديقة
اريد اخلص من كلامهم الي مثل السم تحسهم كاعدين عل اعصابهم واحد ما متحمل الثاني
طلعت باكيت الجكاير و كعدت ادخن و افكر برزان و وضعها
ظليت ساعة كاعد بالحديقة وراها دخلت
شفت نفس الوضع ماكو شيء كلهم عل نفس الكعدة
الي يدعون و الي يقرون قرآن و الي كاعد و ساكت
وكفت عل جهه و ظليت ادعي ربي يكومها بالسلامة
ظلينا اسبوع بالمستشفى وهي عل نفس الحالة ماكو تطور
نفسيتي تعبت خلال هاي الفترة حتى للمحل ما رحت عفت كلشي و ظليت بالمستشفى ما فارقتها ابد
بس اروح اغسل و اغير ملابسي و ارجع
حتى اكل كمت مااكل مالي نفس لاي شيء
توسلت بالدكتور اشوفها ما قبل كال من ننقلها لغرفة عادية تكدر تشوفها
ظليت انتظر عل احر من الجمر حتى اشوفها
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
