نبضات القلب

البارت(15)

نبضات القلب♡

للكاتبة رقية_ليث

البارت الخامس عشر
.
.
.
.
.
فتحت الموضوع وية اهلي و الكل رحب بالسالفة
لان ما شايفين العيبة من حنين اخلاقها عالية و رزنه
من خلصت خامس عرفت مهيمن نقلها من المدرسة و صراحة هذا الشيء ريحني و فرحني
خلال فترة السادس كمت
بين فترة و فترة اروح اراقبها من بعيد مااعرف ليش صرت دائما افكر بيها و بالي مشتت و دائما يمها
لهذا كمت اراقبها من بعيد لبعيد ما خليتها تحس بأي شيء
كملت سادس و كتلة لمهيمن لتفتحون الموضوع وياها هسه خليها ورة للنتائج احسن
طلعت النتائج ويمكن اني جنت متوتر اكثر منها
و طلعت نتيجتها و كلش فرحت من شفت درجاتها و معدلها
خابرت مهيمن و كتلة كلش فرح لان الكل يعرف شكد تعبت
بيومها الكل راح و هي الفرحة مبينه عليها
فرحتلها من كل قلبي لان حققت حلمها
سألتها شنو تريد تروح و كالت صيدلة
وراها فتحوا الموضوع وياها و عرفت راح ترفض و تعاند
لان مو سهل واحد يتقبل هيج شيء بسهولة
بس ما توقعت راح تشرد من البيت ما توقعت هيج شيء منها
صرت اعصاب من عرفت شردت بقيت ادور عليها بس وين الكاها وين ممكن تروح
وصلتني رسالة من شروق و كاتبة حنين عندي و كتبت عنوانهم
خابرت مهيمن و رحنه سوية
عمي من عرف شردت تخربط و مهيمن التهى وية واني بقيت ادور عليها
رحنه لبيت صديقتها و صدك طلعت عدها
و من يومها حنين حبست نفسها بالغرفة و دخلت بحالة اكتئاب
قررت اتراجع بالزواج لان مااريد تأذي نفسها بسببي
و كتلة لمهيمن و لعمي اني مااريد اتزوجها اذا هي ما موافقة و هيج راح تأذي نفسها بس عمي ما قبل و كال هي الك ما ازوجها لغير واحد
و مقبل اتراجع عن الزواج واني سكتت خفت خاف يزوجها لواحد مو خوش
عقدنا و طول العقد ما شفت ربع ابتسامة عل وجهه
رحنه اني وياها حتى نملي استمارة القبولات
و مناك رحنه نشتري غرفة عرفت عجبتها غرفة بس اني كتلها خلي نشتري هاي و حبيت اشوف شنو تكول وهي ظلت مثل المترددة
بس وافقت نشتريها
كتلها راح اروح اتفق وية الرجال
و رحت اتفقت وية عل الغرفة الي عجبتها ما كتلها خليتها مفاجئة
حاولت اخليها تحبني او تتقبلني بس ماكو اجيتها بكل الطرق بس ماكو
اتصلت عليها و فتحت كامرا وياها وهم ما تقبلتني
عقدنا محكمة و تعاركنا عل المكياج جانت حاطة مكياج طوخ ادري عنادا بية
و ما قبلت تمسحه و مشيتها و سويت شيء
حاولت اسيطر عل اعصابي شكد مااكدر
عرفت بيها طالعة للسوك بدون ماادري وهم مشيتها ما حجيت شيء
اجيتلهم بحجة اشوف ملابسها و اني جذب اجيت حتى اشوفها 
جنه كاعدين و لاول مرة اشوفها تضحك دزيتلها رسالة عل شنو تضحكين
و كالعادة يا اما متجاوب او تجاوب و متنطي جواب مقنع
استغليت الفرصة و صعدنا لغرفتها
حسيت عليها مرتبكة و خايفة لوجودها وياية بنفس الغرفة
حاولت الطف الجو و اغير جو التوتر الي مسيطر عل الغرفة
وسألتها عل الصورة الي جانت معلكتها بغرفتها
طلعتلي الملابس واني جنت افكر عل شنو جانت تضحك
سألتها ما جاوبتني رادت تطلع جريتها من ايدها و صارت قريبة علية
ما تحملت قربها لهل الدرجة مني تمنيت اشمها و اضمها لصدري
بس ادري بيها راح ترفض و راح تكرهني اكثر
سألتها و كلتلي جنت اضحك عل صور العقد
استغليت الفرصة حتى ابقى وياها اكثر و كتلها اريد اشوف الصور
كعدت اشوفهن و شكلها يضحك ولا صورة تضحك
كملت الصور و طلعن صورها الشخصية و كعدت اباوعهن
واكو صور جانت حاطة مكياج و طاكتهن
ما جنت ادري بيها هلكد تتفيك بالصور
فجاءة حسيتها سحبت الموبايل مني و انتبهت اني كاعد اباوع لصورها
حسيت اذا ابقى اكثر راح تبجي من التوتر
كاعد انزل و شفت علاكة بيها سيتات نوم تقربت اريد اشوفهن
سحبتهن و ضمتهن ورة ظهرها ابتسمت و نزلنا
اجة يوم العرس اليوم الي واخيرا راح نجتمع بي اني وياها
حبيت اسمع صوتها اتصلت عليها و طلعت كاعدة
جنت كاعد وية البنات يسولفن و يضحكن حجيت وية حوراء وهي سألتني عليها
مااعرف اذا سؤالها غيرة او لا
بس هي عرفت تردها اليه صح من كلتلي كاعدة وية ولد خالي و خالتي اسولف بنص الليل وحدها وياهم
مااعرف شصار بية لو بيدي اطلعلها من الموبايل
بس بعدين طلعت اتجذب علية بس حتى تخليني اضوج مثل ما ضوجتها
سدت الموبايل بوجهي و خلتني افور من الغيرة و العصبية
دكيت عليها ما ردت دزيتلها رسالة شافتها و ما ردت
ثاني يوم بالعرس جانت طالعة ملاك بنظري ما كدرت اشيل عيني عنها
بس الي خرب فرحتي من وصلنا للفندق و كلامها اليه
و شلون كامت تبجي حسيتها بذاك الوقت صدك ما متقبلتني
و ما فاد كل الي سويته ما لانت شوية
بوقتها كلش ضجت و حسيت نفسي مخنوك طلعت برة و عفتها عل راحتها تبدل طلعت ادخن و حاير مااعرف شنو اسوي
من رجعت شفتها نايمة ما حبيت ازعجها دخلت غسلت و طلعت نمت عل القنفة
حسيت عليها اجت غطتني و صراحة هذا الشيء فرحني
رحنا ثاني يوم للبيت و تعمدت الزم ايدها و ابين فرحان
صعدتها فوك حتى تشوف الغرفة و تفاجئت من شافتها نفس الغرفة الي حبتها
شفت الفرحة بعيونها ابتسمت من شفتها فرحانة
ما بقالها للكلية غير يوم واحد دخلت للغرفة و شفتها فرحانة
صار كلام و نقاش بيناتنا و حسيت لازم تعرف حقيقة
شروق و احمد و حجيتلها كلشي بس ما توقعت راح تكعد تبجي
حضنتها حتى اخليها تهدى لان فقدت بس تشهك
حاولت اخليها تهدى مسحت دموعها و كعدت
عل الجرباية هادئة
مجتبى: يلة كومي نامي وراج دوام باجر
حنين: اي راح انام بس خلي اشيل ذني الهدوم
مجتبى: عيفيهن اني اشيلهن انتي ارتاحي
حنين: مددت عل الجرباية و مجتبى رجع الهدوم و طفى الضوء و اجة مدد يمي
جنت نايمة و كعدت عل صوت واحد يكح و مختنك
درت وجهي شفت مجتبى ما موجود
دخل للغرفة و جان يكح
حنين: كمت من الجرباية شبيك ليش هيج تكح؟
مجتبى: مابية شيء ماادري كعدت فجاءة مختنك وبس اكح
حنين: وهسه شلون صرت؟
مجتبى: احسن مابية شيء....رجعي نامي
حنين: وانت؟
مجتبى: اني هم راح انام
حنين: رجعت نمت و هو هم رجع نام
كعدت ثاني يوم عل صوت المنبة اني من النوع نومي خفيف بسرعة احس
حطيت القوري عل النار و كعدت مجتبى بدلت و متحمسة راح ابدي اداوم
تريكنا و كملنا تبديل و طلعنا
طول الطريق الابتسامة ما فارقت وجهي
مجتبى: متحمسة؟
حنين: كلش
وصلنا للكلية و قبل ماانزل مجتبى كال
مجتبى: ديري بالج عل نفسج واي شيء تحتاجين او يصير شيء خابريني
حنين: ان شاء الله