نبضات القلب

البارت(18)

نبضات القلب♡

للكاتبة رقية_ليث

البارت الثامن عشر
.
.
.
.
.
مجتبى: طالعة حلوة
حنين: ابتسمت شكرا
مجتبى: ماكو كلمة طالع حلو؟!
حنين: طالع حلو
مجتبى: حسيتها مو من كل قلبج سحبيها احسن
حنين: اوك سحبتها
ركبنا بالسيارة فتحت الجامة و الجو جان حلو مجتبى جان مشغل اغاني واني صافنه عل الشارع
وصلنا للمطعم دخلنا كعدنا بمكان هادئ و منعزل طبعا هذا جان اختيار مجتبى
اني طلبت كنتاكي و هو طلب بيتزا
مجتبى: متونسة؟
حنين: اي..صارلي هواي ما طالعة
اجة طلبنا و كعدنا ناكل و نسولف سوالف عادية
كملنا و كعدنا نتمشى و بعدين رحنه للسينما
كلي شنو نختار فلم و صراحة ظليت حايرة مااعرف شنو اختار
كتلة انت اختار...اختار فلم رومانسي
حنين: ليش اختاريت فلم رومانسي؟
مجتبى: مو كتيلي انت اختار و اختاريت هذا الفلم عجبني
حنين: تنهدت و دخلنا لصالة السينما و اشترينا شامية
كعدنا اني و مجتبى واحد بصف الثاني و الفلم بدء
كلش اندمجت بالفلم عيوني مركزة بالفلم
حتى شامية نسيت اكل
فجاءة مجتبى حط ايدة عل ايدي قلبي كام يدك بسرعة و القاعة جنت ظلمة
و باردة
ما تجرأت اباوع علية بقيت اباوع عل الفلم بس تركيزي مو يمة
تركيزي عل مجتبى الي عيونة علية
و ايدة محاوطة ايدي بلعت ريكي و كعدت اكل شامية التهي بيها
اريدة يبعد نظرة عني حتى اركز عل الفلم بعدين يمكن حس علية ارتبكت
كعد يباوع عل الفلم بس ايدة بقت محاوطة ايدي
خلص الفلم يلة بعد ايدة عني طلعنا من صالة السينما
مجتبى: شنو رأيج بالفلم عجبج؟
حنين: اي عجبني كلش حلو
مجتبى: اني هم عجبني كلش
حنين: رجعنا للبيت تعبانين و متونسين بنفس الوقت
رتبت المطبخ و الهول بسرعة و رحت انام لكيت مجتبى نايم
نمت و درت وجهي عل الحايط
ورة شوية مجتبى تقرب مني و حضني من ورة و همس بأذاني
مجتبى: شوكت تحسين بية و بحبي الج ادري بيج تكرهيني
بس اني احبج
حنين: هو يحجي و اني مغمضة عيوني و كلامة يرن بأذاني تفاجئت من كال احبج ما جنت متوقعته يحبني
جنت متوقعته كاعد يسوي كل هذا حتى يحاول يخليني اتأقلم وهو هم يتأقلم بحياته وياية
بقيت مغمضة عيوني مااعرف اذا فتحتهن شنو راح اجاوبة
هو بقى حاضني من ورة و دافن راسة بركبتي احس بحرارة انفاسة
كعدت ثاني يوم و شفته عل نفس النومة خفت اتحرك خاف يحس علية و يكعد
بقيت بمكاني ما تحركت بقيت بالنص ساعة اني عل نفس النومة ما تحركت بس مفتحة عيوني
حسيته تحرك و بدء يكعد درت وجهي علية شفته كاعد يفرك بعيونة و راسة و يحاول يصحصح
مجتبى: صباح الخير
حنين: صباح النور....راح اكوم اسوي ريوك
كاعد اكوم جرني من ايدي
مجتبى: وين رايحة؟
حنين: مو كتلك راح اسوي ريوك!
مجتبى: ادري بس شلون تروحين بدون مااخذ بوسة الصبح
حنين: مجتبى صدك تحجي وخر ضربته عل صدرة وخر خلي اكوم
مجتبى: حنين اني احبج
حنين: جمدت بمكاني و بقيت صافنه بعيونة و هو هم ظل صافن علية
مااحس غير يبوسني
من حسيت عل نفسي دفعته و كمت دخلت للحمامات و قفلت الباب علية
مجتبى: حنين...حنين فتحي الباب
حنين: مااريد عيفني وحدي
مجتبى: حنين فتحي الباب وعد مااعيدها
حنين: مااريد عيفني وحدي مااريدك تحجي وياية
مجتبى: ما راح اروح و راح ابقى هنا لحد متفتحين الباب
حنين: مجتبى اني مااحبك 
مجتبى: واني قلبي الاغبر حبج و تعلق بيج شلون هسه كليلي
حنين: اريد ارجع لبيت اهلي
مجتبى: حنين شكاعد تحجين شنو ارجع لبيت اهلي
واذا كلولج ليش اجيتي وشنو صار تكليلهم لان مجتبى باسني صدك جذب
حنين: مااكللهم هيج
مجتبى: لعد شتكولين؟
حنين: ماادري
مجتبى: ولج والله احبج و مااتحمل اشوفج بعيدة عني
يعني صارلنه شهر ونص ما حنيتي قلبج ما لان علية وحبني
حنين: اخذني لاهلي
مجتبى: استغفرالله ربي
بقيت نص ساعة كاعد انتظرها تطلع بس ماكو فائدة متقبل تطلع و مصممة تروح لبيت اهلها
يلة طلعي كافي راح اخذج لبيت اهلج
حنين: كاعد اجذب علية حتى اطلع مو؟
مجتبى: لا والله طلعي هاهية روحي لبيت اهلج ارتاحي يوم و اجي عليج
فتحت الباب مدت راسها حتى تشوفني
انتبهت علية كاعد بالكاع يم الباب و مرتجي عل الحايط
طلعي لتخافين ماراح اسويلج شيء
حنين: طلعت بخوف خاف يضربني او يسويلي شيء رغم هو كل هاي الفترة ابد ما مد ايدة علية و حاول يضربني
طلعت و رحت للغرفة بدلت و كعدت انتظرة بالهول
كمل و نزلنا عمتي باوعت علينا مستغربة ثنينا وجوهنا متبشر بخير
سألت مجتبى ما جاوبها هو بلكوة ساكت و متحمل عل اعصابة
واني هم ما جاوبتها طلعنا و طول الطريق مجتبى ما خلة واحد بالشارع ما غلط علية و سبه
واني خفت اول مرة اشوفة هيج عصبي
وصلنا لبيت اهلي اول ما نزلت من السيارة و سديت الباب شطح بالسيارة
بدون ميحجي شيء واني ظليت صافنه و واكفة بالشارع
دكيت الباب طلع مهيمن استغرب من شافني و اني الدمعة بطرف عيني
مااعرف ليش انقهرت من عافني و راح بدون ميحجي شيء
مهيمن: حنين!! ولج شجابج شنو جاية وحدج مجتبى وين؟
حنين: هو كال هيج واني الدموع كام تنزل عشرة عشرة
مهيمن: ولج شبيج ليش تبجين مجتبى سوالج شيء
حنين: هزيت راسي بمعنى لا 
مهيمن: دتعاي تعاي طبي جوة
حنين: دخلت جوة و شفت امي و ابوية كاعد يتريكون
ام مهيمن: يمة بنيتي شبيج هذا المصخم مجتبى شسوة
حنين: مااحجي شيء بس ابجي
ابو مهيمن: بنيتي حنين شبيج ليش تبجين؟
مجتبى وين؟
مهيمن: والله يابة ماادري فتحت الباب و شفتها بس هي مجتبى ما موجود
راح اتصل علية و اشوف
اتصلت علية ماكو مغلق خرب هذا وين
لج حنين احجي شكو شبيج و مجتبى وين؟
حنين: نترت ماكو شيء كافي تسألوني ماكو شيء عفتهم و صعدت لغرفتي
مهيمن: راح اروح لبيت عمي اشوف شنو صار
ام مهيمن: اي يمة روح هاي حنين فاهية و متعرف تصرف خاف مسويتلها شيء و صايرة مشكلة
مهيمن: رحت لبيت عمي و حتى همه طلعوا كلشي ميعرفون خرب ببليسكم شصاير بس لو افتهم
حنين: صعدت بالغرفة و كعدت ابجي مااعرف شنو اجاوب
و مجتبى قافل جهازة اكيد ضاج مني ومن تصرفي
المشكلة الي اكرهه بنفسي من اغلط و اخربط كلشي احس عل نفسي و عل غلطي
اهلي حاولوا يحجون وياية و يعرفون شنو صار بس اني ابد ما جاوبتهم لان مااعرف شنو اجاوبهم
صار الليل واني مااعرف شيء عن مجتبى بقيت احوص الليل كلة
كاعدة و اللوم بنفسي ليش سويت هيج
و بعدين اكول احسن بلكت يطلكج و تنفصلين عنه
جانب مني يريدة و جانب ميريدة مترددة ومااعرف شنو اريد