نبضات القلب

البارت(11)

نبضات القلب♡

للكاتبة رقية_ليث

البارت الحادي عشر
.
.
.
.
.
اختاريتلة عطر و اني اخذت واحد
مهيمن يحجي وية ابن خالتي من ورة خشمة و عل اعصابة و اشوف صديقة الي وية بالمحل كوة حاصر ضحكته عل مهيمن
طلعنا اني و ابن خالتي و مهيمن عيونه علينا
كملنا اشترينا كلشي و امي و خالتي كذالك اخذنا ابن خالتي
شربنا عصير تونست بهذا اليوم كلش اكتشفت عندي ابن خالة طيب و سبورتي و خالتي كذالك كلش حبيتهم و حبيت اتعرف عليهم اكثر
رغم امي حجتلي عنهم كلهم حتى اعرفهم و اتذكرهم
واكثر شيء تونست بي من خليت مهيمن يغار علية كلش فرحانة
ليش كاعد اهتم لمهيمن لهل الدرجة ماادري بس احساس داخلي دائما يهتم بي و يحب احجي وية و يكون موجود يمي
رجعت للبيت تعبانة من الفرة الي افتريتها اليوم
طلعت العطر الي اشتراه اليه ابن خالتي طكيتلة صورة و نشرته ستوري و سويت تاك لابن خالتي و شكرته عل العطر
ادري مهيمن متابعني و الهدف مهيمن يشوف الستوري و يغار اكثر
نشرته ستوري و كعدت انتظر شوكت مهيمن يشوفها
كل ساع و ادخل عليها و يطلع بعدة ما شافها 
بعدين دخلت عليها طلع شايفها بس ما رد عل الستوري ليش هيج شافها بصمت
ظليت احوص ليش ما رد ليش ما حاجاني و صار عصبي
ردت احاجي بس بعدين تذكرت من يكلي انتي دائما الي تتحارشين بية و تحاجيني
ظليت كاعدة عل اعصابي

منتظر: ها ولك الظاهر رزانتك راحت منك
مهيمن: منتظر اسكت لا اطلع حركتي كلها بيك
منتظر: اعصابك عيني اني شعلية...بس ترة هي و ابن خالتها مدري عمتها طالعين حلوين سوية
مهيمن: اكو عطر جان قريب علية ردت اشمرة علية
منتظر: لا ولك هذا العطر غالي يمعود كول غيرها
مهيمن: شوف هذا حاير بالعطر واني وين حاير
منتظر: بس اكولك يمكن طالعين وحدهم لان من دخلوا مجان اكو احد وياهم
مهيمن: جان اكو يمي علبة فارغة شمرتها علية منتظر اسكت لا والخلقك تصير مكافش
منتظر: ضحكت هاهية  هاهية سكتت بس.....
مهيمن: كافي اسكت لا بس و لا غيرها اسكت
كعدت افكر بيها و بابن خالتها هذا مو جان بالخارج شرجعة للعراق
فتحت الموبايل كاعد احاجيها شفتها ناشرة ستوري ناشرة العطر و متشكرة ابن خالتها من شفت الستوري فرت اكثر
لو بيدي اطبلها من الموبايل و اموتها هي و ابن خالتها
ما رديت عليها لان فهمت تريدني اغار و اكعد احجي وياها وابين غيرتي
هي نجحت بهذا الشيء و خلتني اغار
بس ما رديت عليها خليها هي شوية هم تضوج مو بس تضوجني
الوقت كلة افكر بس لا ابن خالتها عدهم و كاعدين يسولفون و يضحكون
كل ساع تجيني فكرة شكل حسيت نفسي تخبلت
رجعت للبيت واني بالي كله يمها ما تعشيت ظليت ادخن

حنين: حابسة نفسي بالغرفة مااطلع و محد بالبيت يحجي وياية بس الي فهمته كاعد يجهزون زواجي من مجتبى
و راح يصير زواجنا وية زواج اخته شيماء
طول الوقت بس ابجي مااريد اتزوج صرت اكرهم كلهم لان يتحكمون بحياتي
اعرف غلطت بس مو هيج يعاقبوني
بعد يومين العقد مالتنا نرجس ما كدرت تجي لهذا اتصلت عل امي و حاولت تقنعها بس ماكو الكل قافل و مصرين اني غلطانة و همه عل حق
واني حابسة نفسي بالغرفة مالي واهس لاي شيء
شروق قطعت علاقتي بيها بعد الشيء الي سوتة وياية
قبل بيوم من العقد اجن خواتي نرجس و فاطمة
صعدن يمي فوك و حاولن يقنعني اطلع من الاكتئاب الي دخلت بي
بس اني ماكو ساكتة كلشي مااحجي بس ابجي
هواي حاولن وياية لحد ما شافن ماكو فائدة عافني و راحن
اجتي اختي نور هم نفس الشيء صعدت يمي و كعدت تحجي وياية
بس اني اي ردة فعل غير البجي ماكو
اجة يوم العقد و الكل مخبوص بس اني كاعدة بالغرفة مااريد اشوفهم
اجن خواتي لبسني و سون شعري و مكياجي
كل ساع ابجي و يخرب المكياج و يكعدن يحجن علية
كلشي جهزوا من عدهم حتى الذهب و الحلقات اني بكلشي ما ادخلت
نزلت جوة و جانت الناس كلها موجودة يصفكون و هلاهل و اني كالبة خلقتي
اجت عيني بعين حوراء و اسراء يباوعن علية بحقد لان ادري حوراء تحبه
لو بيدي بوقتها اكللها تعاي بدالي و انتي تزوجي اني مااريدة
طول العقد اني الدمعة بطرف عيني احس نفسي عل ساعة انفجر
عقدولنا و كالوا راح يدخل العريس دخل مجتبى و جان لابس قاط نيلي
هو اكثر لبسة رسمي قوط لان محامي و يلوكلة هذا اللبس
جان مزين و محدد لحيته و لابس ساعة وهو اصلا مشيته هيبة كلها رزانة و ثكل يمشي وعينة بلكاع
كعد يمي حشر نفسة لزك يمي و اني ابتعدت عنه
لبسنه الحلقات و لبسني الذهب صارت انفاسة قريبة علية حسيت بقشعريرة
بسرعة ابتعدت عنه هو تفاجىء من ردة فعلي بس كمل لبسني الذهب
رجعنا كعدنا و كعدوا يطكولنا صور كل ساع يكلولي ابتسمي علمود الصورة
واني اكلب جهرتي اكثر عنادا بيهم وامي تباوعني و تخزر بية
بس اني مااهتميت شوية و طلع مجتبى ارتاحيت من طلع جنت احس نفسي مختنكة من كاعد يمي
اول ما خلص العقد صعدت فوك نزعت الذهب و وخرت المكياج و نزعت ملابسي واني كاعد ابجي
كعدت عل الجرباية و خليت راسي بين رجلية وكعدت ابجي
نرجس: صخام ولج صدك تحجين راح تموتين نفسج من البجي
حنين: ما جاوبتها زاد البجي مالتي اكثر حضنتني وكالت
نرجس: اووف ولج والله من اشوفج هيج قلبي ينمرد عليج
حنين: احجي وابجي مااريدة مااريد اتزوجة مااريد
نرجس: شبيدي عليج والله حجيت وية اهلي كلهم بس ماكو قافلين
كافي تبجين مو راح تموتين نفسج من البجي جوز هذا الشيء لمصلحتج
جوز بعدين تكومين تحبين مجتبى و يطلع خوش رجال و يدللج و يحبج
لتحكمين علية وانتي بعدج متعرفي و ما معاشرته
يلة كومي عدلي شعرج و وجهج و تعاي نزلي جوة عيب خطيبج جوة كاعد
هسه شيكول عليج
حنين: مااريد انزل كليلهم تعبانة و نامت مااريد اشوف أي احد
حاولت نرجس تخليني انزل بس ماكو اني قافلة
عافتني و نزلت بعد محاولات فاشلة
من كثر البجي راسي كام يوجعني كلش بلعت حباية مال وجع راس
و نمت لان تعبت من التفكير و البجي
مااعرف اذا مجتبى راح او لا
او ضاج لان ما نزلت يمهم اذا شيء جان ميخصني
كعدت ثاني يوم و امي بدت ترزل بية لان العقد كلة ماابتسمت ابد و لا باوعت بوجه مجتبى و كعدت ترزل بية لان ما كعدت البارحة يمهم ورة العقد
بس اني مااهتميت لاي شيء لان تعبت من الحجي واني اكللهم مااحبه و مااريد اتزوجة بقت ترزل بية واني ساكته
بعدين اجت اختي فاطمة
فاطمة: يمة شبيج عوفيها هسه وكت رزالة دعوفيها متشوفين شلون عيونها حمر
ام مهيمن: دشوفيها العوبة ارزل بيها وهي ساكته و تباوع علية جنها بومة من امداج مو صوجج صوجي اني الي كاعد انصحج و افكر بيج
حنين: لو تريدين مصلحتي و تفكرين بية جان ما خليتيني اتزوج مجتبى
ام مهيمن: هذا الشيء لمصلحتج لو ما لمصلحتج جان ما قبلت تزوجي
حنين: شنو هو الي بمصلحتي زواجي من مجتبى بالاجبار!!!
ام مهيمن: اي هذا الشيء لمصلحتج
حنين: مكاعد اشوف اي مصلحة بالموضوع كاعد اشوف اهل كاعد يجبرون بتهم عل شيء هي متريدة
عفتها و صعدت لغرفتي حاولت فاطمة تحجي وياية  بس اني سديت الباب بوجها و قفلتها
ثاني جان لازم اروح علمود سالفة القبولات مهيمن راح ياخذني
كعدت ثاني يوم بدلت و نزلت لكيت مجتبى كاعد صارت عيني بعينة انصدمت لان موجود
مجتبى: هلو حنين شلونج
حنين: جاوبته بدون مااباوع بعيونه زينة انت شلونك؟
مجتبى: الحمدلله يلة كملتي نروح؟
حنين: رفعت راسي مصدومة وين؟
مجتبى: نروح اني وياج نملي استمارة القبولات
حنين: ليش مو مهيمن راح يروح وياية
مجتبى: لا اني كتلة راح اروح وياج
حنين: كلش ضجت من عرفت هو راح يروح وياية
مجتبى: يلة مكملة لو لا؟
حنين: هزيت براسي بمعنى اي
طلعنا اني وية ركبت بالسيارة ساكته كلشي ما حجيت
مجتبى: شنو راح تقدمين؟
حنين: صيدلة
مجتبى: من هسه محافظات ماكو بس بغداد
حنين: ليش عود؟
مجتبى: شنو ليش شلون اخليج تروحين محافظات بس بغداد
حنين: سكتت ما حجيت شيء
مجتبى: مو كاعد احجي وياج ليش ساكتة
حنين: شتريدني احجي و انت مقرر كلشي
مجتبى: لتصيحين
حنين: ما صيحت
مجتبى: لعد هذا الصوت العالي شنو؟
حنين: مو تريدني احجي هو هذا صوتي هيج عالي
مجتبى: انتي ليش متحترمين شنو هل الاسلوب هذا
حنين: حتى بأسلوبي تريد تدخل
مجتبى: شبيج تحجين من ورة خشمج و كلامج كلة بس تنترين
حنين: هيج اني كلامي كلة هيج
مجتبى: وياية متفيد هاي الطريقة افتهمتي
حنين: ما جاوبته
مجتبى: نتر افتهمتي!؟
حنين: اي افتهمت افتهمت
وصلنا هو كعد يملي الاستمارة خاف احط محافظات
قدملي عل صيدلة كملنا الاستمارة و رجعنا طول الطريق ساكتين بعدين انتبهت هذا مو طريق البيت وين كاعد نروح
وين كاعد نروح هذا مو طريق البيت؟!
مجتبى: راح نروح نختار غرفة
حنين: وصلنا لمحلات يبيعون غرف نوم كعدت اباوع وحدة احلى من الثانية
ظليت صافنه
مجتبى: ها اي وحدة عجبتج؟
حنين: ماادري انت اختار
مجتبى: غير اشتري الي تعجبج...اذا ما عجبنج نروح لغير محل
حنين: بس ذني غاليات
مجتبى: لتهتمين للسعر بس اشري عل الي تعجبج و نشتريها
حنين: بقينا نفتر بالمحل و جانت وحدة احلى من الثانية بس اكو وحدة عجبتني يس ما كتلة عليها
حسيته انتبه عجبتني
مجتبى: شنو رايج بهاي الغرفة؟
حنين: ما ردت اكلة اي حلو و عاجبتني خلي نشتريها اي زينه حلوة
مجتبى: يعني نشتريها؟
حنين: بكيفك
مجتبى: لا ما عجبتني راح اشتري هاي الي بصفها حلوة
حنين: ردت اكلة لا مو حلوة ما عجبتني لتشتريها بس سكتت
مجتبى: ها شتكولين حلوة مو؟
حنين: اي حلوة
مجتبى: هاهية لعد راح نشتريها انتظري هنا خلي اروح احجي وية الرجال حتى احجزها
حنين: بقيت انتظرة واني عيني عل الغرفة الي عجبتني هسه لو كايلتلة اشتريها شراح يصير قابل
ورة نص ساعة اجة لكاني واكفة نفس مكاني
مجتبى: يلة امشي كملت
حنين: اتفقت وية الرجال؟
مجتبى: اي هاهية حجزتها صارت النا هسه انطيته نص الفلوس و بعد النص الثاني بعد اجيبة اله
تريدين نروح بعد لمكان ثاني؟
حنين: لا اريد ارجع للبيت
مجتبى: هاهية بكيفج
حنين: رجعت للبيت و امي استلمتني
ام مهيمن: خو ما فشلتينا كدام ابن عمج و ظليتي طول الوقت كالبة خلقتج
حنين: راح اروح ابدل تعبانه
جرتني من ايدي
ام مهيمن: تعاي وين مولية مو كاعد احجي وياج...كال راح نروح مناك نشتري غرفة اشتريتوا؟
حنين: اي اشترينا
ام مهيمن: ما طكيتيلها صورة حتى اشوفها؟
حنين: لا
ام مهيمن: زين شكلها شلون صاير لونها؟
حنين: ماادري
ضربتني عل راسي
ام مهيمن: كومي من يمي كومي مو صوجج صوجي اني الي كاعدة احجي وياج و محترمتج
حنين: شسويت قابل سألتيني و جاوبتج
ام مهيمن: ولج هاي هيج تحجين وية خطيبج
حنين: اي هيج احجي و كمت كاعد اصعد لغرفتي
مااحس غير النعال يجي عل ظهري
اخخ يمة ليش تضربيني ترة كبرت
ام مهيمن: شنو الفائدة طول بدون عقل ما بيج فايدة امشي ولي من يمي يلة