نبضات القلب

البارت(7)

نبضات القلب♡

للكاتبة رقية_ليث

البارت السابع
.
.
.
.
مجتبى: بصياح و عصبية لججججججج حنين
حنين: احمد بسرعة شرد واني ظليت مثل الصنم
درت وجهي وشفته يتقدم علية بعصبية
اول مااجة بتجاهي ضربني راشدي حسيته فر راسي فر من قوته
اني كمت ابجي مااعرف شنو احجي
جرني من زندي و سحبني للسيارة و اني ابجي خايفة
صعدني بالسيارة و ركع الباب حيل
اول ما صعد عاط بصوت عالي
مجتبى: لججججج حيوانه شجنتي تسوين وية هذا الساقط هااا احجي لجج
حنين: ابجي و احجي والله ما سويت شيء ما سويت شيء
مجتبى: لجج شلون ما سويتي شيء وانتي كاعدة تتمضحكين وية بالشارع
لج ما فكرتي بسمعة اهلج و اخوج هذا الي مدللج و ميقبل احد يطخج
ما فكرتي بيهم ما خجلتي
حنين: والله...والله ما جانت نيتي اسوي شيء بس اني احبه وهو يحبني و جان واعدني يخطبني ورة مااكمل سادس
مجتبى: لجججج خرب ضرب الستيرن حيل...لج الي يحبج يجي يخطبج من اهلج مو يتختل ورة المدارس
ما خفتي يسويلج شيء يقشمرج
لج هذا شبي بس فهميني شبي يحجي ويأشر عل راسي
حنين: عليك الله لتحجي لاحد لتكول لاهلي و لمهيمن مااريد ثقتهم تروح
مجتبى: لعد من كاعدة و تتختلين ورة المدارس ما فكرتي بأهلج و اخوج
حنين: ظليت ابجي ما حجيت شيء شفته شغل السيارة و مشى و اني الطريق كلة ابجي
وصلنا لبيتنا و حسيت نفسي وصلت لاعدامي مااعرف شنو اجاوب و شنو احجي اعرف نزلت راسهم و خجلانه منهم
دخلنا للبيت و كلهم جانوا موجودين واني الدموع تنزل عشرة عشرة
ام مهيمن: يا يمة بنيتي ليش تبجين شبيج؟
حنين: ما جاوبتها ظليت ابجي
دخلنا للهول و جان ابوية و مهيمن كاعدين
مهيمن: خير حنين شبيج ليش تبجين
مجتبى شكو شبيها حنين وليش انت جبتها؟
ابو مهيمن: خير احجوا شكو ليش ساكتين
مجتبى: خلي حنين تحجيلكم الي صار
حنين: ما حجيت شيء ظليت بس ابجي و اشهك
مهيمن: بعصبية لج احجي حنين شكووو؟؟!!
مجتبى: احجي يلة ليش ساكته صارلج ساعة تتوسلين بية مااحجي لاهلج لسانج وين هسه
حنين: بجيت بقوة و كعدت بالكاع والله مو قصدي مجان قصدي اسوي هيج
مهيمن: تقربت منها لج حنين شبيج احجي شنو الشيء الي سويتي؟
مجتبى: كاعدة تتختل ورة المدرسة وية الولد
ام مهيمن: شنووو شكاعد تحجي مجتبى شنو تتختل وية الولد
مجتبى: والله اني الي شفته حجيته الكم
ابو مهيمن: حنين هذا الحجي صح هاا احجي صح لو لا؟
حنين: ما سويت شيء والله بس حجيت وية ما سويت شيء ثاني اصلا ما وكفت وية غير خمس دقايق يمكن واجة مجتبى
مااحس غير ابوية يضربني راشدي
وامي تخربطت انخفض ضغطها
مهيمن: كافي يابة عيفها اني احجي وياها روح شوف امي تخربطت
اخذت حنين لغرفتها وهي مستمرة تبجي
دخلنا لغرفتها و سديت الباب
شنو معنى هذا الشيء الي صار؟
حنين: مهيمن والله ما ردت اشوفة بس هو لح علية و شفته والله احبه مو بيدي
مهيمن: بعصبية وينه هاااا وينه هسه هذا الي تحبي شو مااجة و دافع عنج وينه؟؟؟
حنين: مااعرف بس شاف مجتبى راح
مهيمن: يعني شرد هذا الجبان الساقط وين بيتهم ها كليلي وين بيتهم اله اربي اليوم
حنين: لزمته من ايدة
دخيلك مهيمن لتسوي شيء و تورط نفسك مااريدك تتأذى
مهيمن: لعد هذا الي سويتي بية مااذاني؟
حنين: وعد اعيفة و مااحجي وية هو كلي انتظرج تكملين سادس و اخطبج
مهيمن: والله لو يجي يركع كدامي هم ماازوجج اله لهل الستقط العار وانتي من كل عقلج واثقة راح يجي يخطبج
لج شوكت تبطلين تثقين بالناس بسهولة
حنين: هاهية الي تكوله يصير والله مااسوي شيء بعد
عافني و طلع ركع الباب حيل و اني ظليت ابجي بقوة
اتصلت عل احمد ماكو مغلق