نبضات القلب

البارت(19)والاخيييير

نبضات القلب♡

للكاتبة رقية_ليث

البارت التاسع عشر و الاخييييرر
.
.
.
.
.
.
مهيمن: حضنتها بقوة وهي تبجي بقوة
حسيت نفسي اريد ادخلها بين ضلوعي
ما تحملت البجي و الشهكة مالتها حسيت حبالها الصوتية راح تروح من كثر ما تصيح
حسيت نفسي بذيج اللحظة عاجز و مااعرف شنو اسوي
اني اريد شخص يخليني اكعد من الصدمة الي دخلت بيها
تمنيت هذا الشيء كابوس و ينتهي
ما معقولة كل هذا حقيقة!!
كعدت عل الجرباية و خليت رزان تنام عل رجلي و اني امشي ايدي عل شعرها
اريد اخليها تهدء حسيتها شوية هدئت و الشهكة مالتها قلت
صارت تبجي بدون صوت
قلبي ينمرد عليها من اشوفها العيون حمر و الوجه اصفر و الشفايف زرك
غمضت عيوني و تنهدت تمنيت نفسي ميت و لا موجود بهيج يوم
و اشوف رزان بهاي الحالة
اتصلت علية امي و كتلها اني راح اظل يمهم
والوضع ابد مو زين و هوسة
كالت راح نجي اني و ابوك
بقيت كاعد يم رزان و احاول اخليها تهدء عل ساعة تهدء و تغفة بس الصوت الي برة و البجي يخليها تكعد
و ترجع تبجي من جديد و ارجع اخليها تهدء من جديد
جان يوم صعب مينوصف بالكلمات يوم عبارة عن الم و بجي
جان المفروض هذا اليوم يكون عبارة عن فرح و ركص و ضحك
بس صار العكس هذا اليوم راح يبقى بذاكرتنا و ماراح ننسى
ثاني يوم رحنه وياهم للدفنه
كملنا الاجراءات و صار الوضع هدوء
رجعت للبيت تعبان صارلي يومين ما نايم و لا ماكل شيء بس عل المي
اول ما وصلت للبيت نمت بسرعة
حسيت راسي راح ينفجر غمضت عيوني و حاولت ارتاح
دك موبايلي شفته رزان رديت بسرعة
ها حبيبتي بيج شيء؟
اول ما حجيت سمعتها تبجي رزان احجي شبيج ليش تبجين؟
رزان: مهيمن مااكدر اظل اكثر هنا مااكدر وين مااروح اشوفها اني و كاعدة اشوفها ومن انام احلم بيها والله ما كاعد اكدر اتحمل هذا الشيء
مهيمن: حبيبي اهدي...استرخي حاولي لتفكرين بهذا الشيء
رزان: مهيمن محتاجتك تعال يمي...خايفة ما كاعد اكدر انام
مهيمن: جايج حبيبتي هسه راح اطلع واجي لتخافين اني يمج يلة عمري كافي تبجين اني يمج
بسرعة كمت بدلت اخذت السويج و توجهت لبيتهم
دكيت الباب طلعتلي رزان اول ما فتحت الباب حضنتني و كامت تبجي
رفعت راسها كافي تبجين ولج مااتحمل اشوفج هيج والله اموت من اشوفج هيج
شوفي عيونج شصاير بيهن تعاي خلي ندخل و ارتاحي جوة
دخلنا جوة شفت حاتم كاعد و حاط ايدة عل خدة و صافن و عمي و عمتي مددين و أديل يم الجهال
كلهم تعبانين و ميعرفون شنو يحجون ساعة يسكتون و ساعة يبجون
سلمت عليهم و اخذت رزان لغرفتها حتى ترتاح لان حالتها فد مرة مدمرة نفسيا
خليتها تنام عل الجرباية و اني كعدت يمها عل صفحة لزمت ايدها و الايد الثانية امسد بيها عل شعرها
خليتها تغمض عيونها حتى ترتاح
كل ساع تفز خاف اني ما موجود...بس من تشوفني كاعد يمها تطمن و ترجع تنام
حسيتها غفت و نومها ثكل بقت لازمة ايدي متقبل تعيفها
اندكت الباب و دخلت أديل شايلة صينية اكل
أديل: كلت بما انو انت يمها بلكت تقبل تأكل
مهيمن: اي خليها من تكعد اخليها تأكل...تسلمين ما قصرتي
أديل: صدك تحجي يمعود رزان اختي
مهيمن: مددت يمها و حاولت ارتاح لان راسي كلش كاعد يأذيني
غمضت عيوني و حاولت انام ما حسيت عل نفسي و غفيت
مااعرف شكد نمت كعدت فتحت عيوني اريد اشوف اني وين
نسيت اني يم رزان و بغرفتها فتحت عيوني عل وسعهن
شفت رزان كاعدة و صافنه علية ابتسمت من شفتها
ها حبيبي نمتي؟
رزان: هزيت راسي بمعنى اي
مهيمن: ليش صافنه علية؟
رزان: كاعد اسأل نفسي شنو سويت بحياتي حتى رب العالمين رزقني بشخص مثلك
مهيمن: ابتسمت و بستها من راسها اني الي لازم اسأل هذا السؤال مو انتي
رزان: حضنته احبك الله لا يحرمني منك
مهيمن: ولا يحرمني منج
يلة كومي اكلي شوفي وجهج شلون اصفر
رزان: برطمت مااشتهي
مهيمن: ماكو هيج حجي شنو مااشتهي يلة..يلة كومي
رزان: اذا انت تأكل اني اكل
مهيمن: يلة كومي ميخالف اكعد اكل وياج
رزان: انت هم وجهك تعبان و ذبلان
مهيمن: هسه نأكل و ترجع عافيتنا
اخذت الصينية و حطيتها عل الجرباية و كعدت اسويلها لفات و انطيها تأكل
رزان: يلة انت هم اكل
مهيمن: اي راح اكل سويت لفة اليه و كعدت اكل وياها
كملنا اكل و حسيتها شوية صارت احسن و نفسيتها تغيرت
يلة حبيبي اني اروح
رزان: برطمت لا لتروح مااريد تعيفني ابقى يمي
مهيمن: حبيبي شلون ابقى عيب اهلج هسه شيكولون اروح و عود اتصل و نفتح كام
و نسولف سوية لتخافين مااعيفج وحدج
رزان: حضنته حيل مااريدك تروح
مهيمن: اني هم مااريد اعيفج بس الظاهر ما مقسوملنا نجتمع سلامات
رزان: لتحجي هيج و تهبط معنوياتي
مهيمن: بستها بخدها لتخافين راح نجتمع خلي معنوياتج عالية