نبضات القلب

البارت(17)

نبضات القلب♡

للكاتبة رقية_ليث

البارت السابع عشر
.
.
.
.
.
مجتبى: شو خلي اشوف شنو الموضوع
حنين: وانت شمعرفك بي حتى اذا شفته؟!
مجتبى: لتستخفين بقدراتي
حنين: انطيته الملزمة تفضل خلي نشوف قدراتك
اخذ الملزمة
وكعد يباوع بيها يكلب بالاوراق و رافع تك حاجب
حنين: ها بشر وين وصلت؟
مجتبى: دقيقة خلي اشوف
حنين: سحبت منه الملزمة كوم مجتبى كوم اريد اقرا وانت كاعد بس تباوع بالملزمة
مجتبى: جيبي الملزمة فهمت الموضوع لان هذا الموضوع مرة شرحته لاخت صديقي
حنين: اخت صديقك!!!!
مجتبى: اي هي قبل سنتين هم ما فهمت الموضوع و كلتله لاخوها و ما فهمه خابرني لان يدري بية اني ابحث عن هيج سوالف احبهن و ادرسهن
دزلي الموضوع قريته و فهمته و اتصلت علية و شرحتلها لاخته
حنين: اممم مشتغل استاذ تشرح للرايح و الجاي
مجتبى: هسه اشرحلج لو لا عندي قضية اريد اروح اشتغل عليها
حنين: لتصيح علية
مجتبى: ما مصيح يلة فضيني
حنين: يلة اشرحلي ما عندي وقت ترة
باوعني صفح وكعد يشرح واني مندمجة وية بالشرح
حنين: والله طلعت خوش تشرح
مجتبى: لتستخفين بية مرة ثانية
حنين: يلة كافي روح اريد اكمل
مجتبى: هاي تاليتها اشرح و اتعب و تاليتها انطرد!!
حنين: تقرب مني باسني بوسة سريعة
هاي شنو شسوست؟!
مجتبى: هاي مكافأتي عل الشرح
حنين: غمز و طلع من الغرفة واني احس نفسي صرت طماطاية
حتى الدراسة كمت بعد مااركز بيها
خرب يومك مجتبى اجة خرب اعداداتي و راح
حاولت اركز و اكعد ادرس صارت الساعة بال٨
ما حسيت عل الوقت دخل مجتبى للغرفة و كال
مجتبى: ما ناوية تسويلنا عشة ترة متت من الجوع
حنين: هسه راح اكوم بس خلي اكمل ما بقى شيء
مجتبى: حنين والله متت جوع صدك جذب تاليتها انزل اكللها لامي تسويلي اكل
حنين: والله تسوي فضل انزل حتى ارتاح
مجتبى: ترتاحين مني؟!
حنين: سكتت ما جاوبته
جنت مركزة بالملزمة و احجي وية حتى مااباوع علية 
مااحس غير يجي مجتبى يشيلني
شكاعد تسوي مجتبى نزلني كمت ادفر بي
مجتبى: تريدين تخلصين مني مو؟
حنين: مجتبى نزلني ادفر بي وماكو مينزلني اخذني للمطبخ و كعدني عل الكاونتر
وصار قريب علية كلش و حاوط ايدية عل خصري
وخر مجتبى خلي انزل....وخرررر
مجتبى: اختاري يا اما تبوسيني يا اما تسويلي عشة
حنين: مجتبى نزلني وخر عني
مجتبى: اختاري و انزلج
حنين: شنو اختار؟
مجتبى: تبوسيني لو تسويلي عشة؟
حنين: اسويلك عشة يلة وخر عني اريد انزل
ابتعد عني و نزلت كعدت اسويلة عشة وهو فوك راسي
متروح شبيك تفتر وراية
مجتبى: هيج يعجبني اوكف وياج...تريدين اساعدج بشيء؟
هو انتي شراح تسوين اصلا؟
حنين: مخلمة و چاي
مجتبى: ما سألتيني اذا احبها او لا؟
حنين: ادري بيك كلشي تأكل
مجتبى: اممم هاي من شوكت تعرفيني؟
حنين: انطيته بتيتة هاك اثرمها
مجتبى: راح امشيها هاي المرة لان غلستي ولو انتي دائما تغلسين و متجاوبين
حنين: مو هيج اثرمها بعد انعم من هاي
مجتبى: لتصيحين اني شمعرفني هاي اول مرة اثرم بيها
حنين: طبعا اذا تجون تلكون الاكل جاهز شغلتكم بس تأكلون
مجتبى: انتي تريديلج حجة حتى تحجين علية
حنين: باوعته صفح
مجتبى: هيج لو بعد انعم؟
حنين: لا هاهية يلة خليها بالطاوة و احمسها
مجتبى: والله خوش مو اني اشتغل عندج...عود هي كاعد تسويلي عشة طاح كلة براسي
حنين: اشتغل انت و ساكت
مجتبى: مااعرف اسكت للاسف واذا تريديني اسكت تعاي بوسيني بذاك الوقت راح اسكت
حنين: بالاحلام يتحقق هذا الشيء
مجتبى: اممم خلي نشوف
حنين: كافي خلي اركز
مجتبى: تقربت منها و بستها من ركبتها
حنين: فزيت من اجة باسني مجتبى ما راح تكعد راحة يعني
مجتبى: يمج مااعرف اكعد راحة
حنين: كملت المخلمة و سويت چاي و كعدنا ناكل
مجتبى: والله عاشت ايدي كلش طيبه
حنين: باوعته صفح هو انت سويت بس البتيته
مجتبى: هو البتيتة ضايفتلها نكهه كلش طيبه